ମୁମ୍ଵାଇ ୦୬।୧୨; ରଣବୀର କପୁରଙ୍କ ଅପକମିଂ ଫିଲ୍ମ ‘ରାମାୟଣ’। ଯାହାକୁ ଦର୍ଶକ ବହୁ ଅପେକ୍ଷା ରହିଛନ୍ତି।ଏହା ନିତେଶ ତିଓ୍ବାରୀଙ୍କ ନିର୍ଦେଶନା ନିର୍ମିତ । ଫିଲ୍ମରେ ରଣବୀର ଭଗବାନ ରାମଙ୍କ ଚରିତ୍ରରେ ଆସିବେ । ସେହିଭଳି ସାଇ ପଲ୍ଲବୀ ମା’ ସୀତାଙ୍କ ଭୂମିକାରେ ଦେଖିବାକୁ ମିଳିବେ । ଏବେ ‘ରାମାୟଣ’ରେ ଲକ୍ଷ୍ମଣ ରହିବେ ନାହିଁ ତ ତାହା ହେବ କେମିତି । ଏହାରି ଭିତରେ ଫିଲ୍ମରେ ଲକ୍ଷ୍ମଣ ଭୂମିକା କିଏ ନିଭାଇବେ ତାହାଙ୍କ ନାଁ ସାମ୍ନାକୁ ଆସିଛି ।
‘ରାମାୟଣ’ରେ ଲକ୍ଷ୍ମଣଙ୍କ ଭୂମିକାରେ ରବି ଦୁବେ ନଜର ଆସିବେ । ଏହାକୁ ନେଇ ନିଜେ ସ୍ପଷ୍ଟ କରିଛନ୍ତି ରବି ଦୁବେ । ସାକ୍ଷାତକାରରେ ନିଜ ଚରିତ୍ରକୁ ନେଇ କଥା ହେବା ସମୟରେ କହିଛନ୍ତି କି, ମୋର ନିର୍ମାତାଙ୍କ ପରମିଶନ ସହ ମୁଁ ଅଛି । ମୋତେ ଲାଗୁଛି କି ଏହି ପ୍ରୋଜେକ୍ଟରେ ଏକ ପବିତ୍ରତା ଅଛି । ନିର୍ମାତାଙ୍କ ଅନୁମତି କ୍ରମେ ମୁଁ ନିଶ୍ଚିତ କରୁଛି ଯେ ହଁ, ମୁଁ ଫିଲ୍ମରେ ଲକ୍ଷ୍ମଣଙ୍କ ଭୂମିକାରେ ଅଭିନୟ କରୁଛି। ସେ ଭୂମିକା ପ୍ରତି ତାଙ୍କର ଉତ୍ସର୍ଗୀକୃତତା ଏବଂ ରଣବୀର କପୁରଙ୍କ ସହ କାମ କରିବାକୁ ଉତ୍ସାହିତ ଥିବା ବିଷୟରେ ମଧ୍ୟ କହିଥିଲେ।
ସେ କହିଛନ୍ତି, "ସେ ମୋର ବଡ ଭାଇ ପରି, ସେ ବହୁତ ଦୟାଳୁ, । ବହୁତ ବଡ ଫିଲ୍ମ ସେଟରେ କାମ କରିବା ମୋର ପ୍ରଥମ ଅନୁଭୂତି ହେବା ସହ ରଣବୀରଙ୍କ ଭଳି ମେଗାଷ୍ଟାରଙ୍କ ସହ କାମ କରିବା ଏହା ମୋର ପ୍ରଥମ ଅଭିଜ୍ଞତା । ତାଙ୍କର ଦୟା, ସମସ୍ତଙ୍କ ପ୍ରତି ତାଙ୍କର ସହାନୁଭୂତି, ନୀରବତା, ଶାଳିନତା ମୋତେ ବେଶ୍ ପ୍ରଭାବିତ କରିଛି ଏବଂ ସେ ଆହୁରି ମଧ୍ୟ କହିଛନ୍ତି: "ସେ ହେଉଛନ୍ତି ସବୁଠାରୁ ସୁନ୍ଦର ବ୍ୟକ୍ତି; ମୁଁ ତାଙ୍କୁ ସମ୍ମାନ କରେ ଏବଂ ସେ ମୋର ବଡ ଭାଇ ପରି। ମୁଁ ତାଙ୍କୁ ବହୁତ ଭଲ ପାଏ।"
