ମୁମ୍ଵାଇ ୧୬।୭ : ବଲିଉଡ୍ ଅଭିନେତ୍ରୀ ରକୁଲ ପ୍ରୀତ ସିଂଙ୍କ ଭାଇ ଅମନ ପ୍ରୀତ୍ ସିଂଙ୍କ ସମେତ ୪ ଜଣଙ୍କୁ ହାଇଦ୍ରାବାଦ ପୁଲିସ ସୋମବାର ଡ୍ରଗ୍ସ ମାମଲାରେ ଗିରଫ କରିଛି । ତେଲଙ୍ଗାନା ଆଣ୍ଟି-ନାର୍କୋଟିକ୍ସ ଡିପାର୍ଟମେଣ୍ଟ ସେମାନଙ୍କ ନିକଟରୁ ପ୍ରାୟ ୨.୬ କେଜି ଡ୍ରଗ୍ସ ଜବତ କରିଥିଲା । ସେମାନେ ଏହାକୁ ହାଇଦ୍ରାବାଦରେ ବିକ୍ରି ପାଇଁ ଆଣିଥିଲେ । ପୁଲିସ ଟିମ୍ ଏହି ଡ୍ରଗ୍ ର୍ୟାକେଟର ପର୍ଦ୍ଦାଫାସ କରିବା ସହ ଏହି ନିଷିଦ୍ଧ ନିଶାର ୩୦ ଗ୍ରାହକଙ୍କୁ ଚିହ୍ନଟ କରିଥିଲା । ସେମାନଙ୍କ ମଧ୍ୟରେ ଅମତ ପ୍ରୀତ ସିଂ ମଧ୍ୟ ରହିଛନ୍ତି ।
ଗିରଫ ହୋଇଥିବା ଆଉ ୪ ଜଣ ହେଲେ ଅନିକେତ ରେଡ୍ଡୀ, ପ୍ରସାଦ, ମଧୁସୂଦନ ଏବଂ ନିଖିଲ ଦାମନ । ସେମାନଙ୍କ ମୂତ୍ର ପରୀକ୍ଷା ପରେ ସେମାନେ ଡ୍ରଗ୍ସ ସେବନ କରିଥିବା ପୁଲିସ ଜାଣିବାକୁ ପାଇଛି । ୨୦୨୧, ୨୦୨୨ରେ ଡ୍ରଗ୍ସ ଚାଲାଣ ଏବଂ ସେବନ ମାମଲାରେ ପ୍ରବର୍ତ୍ତନ ନିର୍ଦ୍ଦେଶାଳୟ ରକୁଲ ପ୍ରୀତ ସିଂଙ୍କୁ ସମନ କରି ତାଙ୍କ ବୟାନ ରେକର୍ଡ କରିଥିଲା ।
