ନୂଆଦିଲ୍ଲୀ: ଭାରତର ସ୍ୱଦେଶୀ ରୂପେ ବିକଶିତ ଆଡଭାନ୍ସଡ୍ ମିଡିୟମ୍ କମ୍ୱାଟ୍ ଏୟାରକ୍ରାଫ୍ଟ (AMCA) ଯୋଜନାକୁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଞ୍ଜୁରି ଦେଇଛନ୍ତି । ଏୟରୋନଟିକଲ୍ ଡେଭଲପମେଣ୍ଟ ଏଜେନ୍ସି (ଏଡିଏ) ଏଥିପାଇଁ ଘରୋଇ କମ୍ପାନିଙ୍କ ସହ ମିଶି ମିଳିତ ଭାବେ ଏହାକୁ ବିକଶିତ କରିବ । ସରକାରଙ୍କ ମଞ୍ଜୁରି AMCA ପ୍ରୋଟୋଟାଇପ୍ ବିକଶିତ କରିବା ଦିଗରେ ପ୍ରଥମ ପଦକ୍ଷେପ ଅଟେ ।
ପ୍ରତିରକ୍ଷା ମନ୍ତ୍ରଣାଳୟର ବୟାନରେ କୁହାଯାଇଛି ଯେ ଏହି ପ୍ରୋଗ୍ରାମରେ ଘରୋଇ ଓ ସରକାରୀ ଉଭୟ ସେକ୍ଟରକୁ ପ୍ରତିଯୋଗିତା ଆଧାରରେ ସମାନ ସୁଯୋଗ ପ୍ରଦାନ କରାଯିବ । ଏହି ପ୍ରୋଗ୍ରାମ ପାଇଁ ପ୍ରାଇଭେଟ୍ ଓ ପବ୍ଲିକ୍ ଉଭୟ ସେକ୍ଟରର କମ୍ପାନି ସ୍ୱତନ୍ତ୍ର ଭାବେ କିମ୍ୱା ଜଏଣ୍ଟ ଭେଞ୍ଚର ଭାବେ ବିଡ୍ ଦାଖଲ କରିପାରିବେ । ତେବେ ଆବେଦନକାରୀ ଜେଭି ବା କମ୍ପାନି ଦେଶର ଆଇନ ଓ ନିୟମ ପାଳନ କରୁଥିବା ଭାରତୀୟ କମ୍ପାନି ହେବା ଦରକାର । ସରକାରଙ୍କ ଏହି ପଦକ୍ଷେପ AMCA ପ୍ରୋଟୋଟାଇପ୍ ବିକଶିତ କରିବା ପାଇଁ ସ୍ୱଦେଶୀ ଜ୍ଞାନ ଓ କ୍ଷମତାକୁ ବଢାଇବା ଦିଗରେ ଏକ ବଡ଼ ପଦକ୍ଷେପ ।
In a significant push towards enhancing India’s indigenous defence capabilities and fostering a robust domestic aerospace industrial ecosystem, Raksha Mantri Shri @rajnathsingh has approved the Advanced Medium Combat Aircraft (AMCA) Programme Execution Model. Aeronautical… pic.twitter.com/28JEY123M5
— रक्षा मंत्री कार्यालय/ RMO India (@DefenceMinIndia) May 27, 2025
ଉଲ୍ଲେଖଯୋଗ୍ୟ ଯେ AMCA ପଞ୍ଚମ ପିଢିର ଷ୍ଟେଲ୍ଥ ଓ ମଲ୍ଟି ରୋଲ୍ ଯୁଦ୍ଧ ବିମାନ । ଏହାକୁ ଭାରତୀୟ ସେନା ଓ ନୌସେନା ପାଇଁ ଭାରତରେ ବିକଶିତ କରାଯିବ । ୨୦୨୪ ମାର୍ଚ୍ଚରେ ସୁରକ୍ଷା ସମ୍ୱନ୍ଧିତ କ୍ୟାବିନେଟ୍ କମିଟି ୧୫ ହଜାର କୋଟିରୁ ଅଧିକ ଟଙ୍କାର ଆନୁମାନିକ ମୂଲ୍ୟର AMCA ପ୍ରୋଟୋଟାଇପ୍ ବିକଶିତ ପାଇଁ ମଞ୍ଜୁରି ଦେଇଥିଲା । ରିପୋର୍ଟ ଅନୁସାରେ ଆଗାମୀ ୫ ବର୍ଷ ଭିତରେ ଏଥିପାଇଁ ପାଞ୍ଚଟି ପ୍ରୋଟୋଟାଇପ୍ ନିର୍ମାଣ କରାଯିବ । ଏହି ପ୍ରୋଟୋଟାଇପର ଉତ୍ପାଦନ ସରକାରୀ ପ୍ରତିରକ୍ଷାଙ୍କ କମ୍ପାନି ହିନ୍ଦୁସ୍ତାନ ଏୟରୋନଟିକ୍ସ ଲିମିଟେଡ୍ (ଏଚଏଏଲ୍) ଅନ୍ୟମାନଙ୍କ ଦ୍ୱାରା କରାଯିବ ।
