ଦେଓମାଳି ଅବସ୍ଥା ଦେଖି ରାଜାମୌଲି ବିଚଳିତ, କୋରାପୁଟରୁ ଫେରିବା ପରେ ‘ଏକ୍ସ’ରେ ଲେଖିଲେ ମନକଥା

Published By : Prameya-News7 Bureau | March 21, 2025 IST

ଭୁବନେଶ୍ୱର ୨୧।୦୩: ଦେଓମାଳି  ପର୍ବତ ହେଉଛି ପ୍ରାକୃତିକ ସୌନ୍ଦର୍ଯ୍ୟର  ଗନ୍ତାଘର । ହେଲେ ପାହାଡ ସାରା ଆବର୍ଜନା ଗଦା ହୋଇଛି । ବିଶିଷ୍ଟ ଚଳଚ୍ଚିତ୍ର ନିର୍ଦ୍ଦେଶକ ଏସ୍‌ଏସ୍‌  ରାଜାମୌଲି ଦେଓମାଳିର ଏଭଳି ଅବସ୍ଥା ଦେଖି  ଚିନ୍ତା ପ୍ରକଟ କରିଛନ୍ତି । ନିଜର ଆଗାମୀ ଚଳଚ୍ଚିତ୍ର  ‘ଏସ୍‌ଏସ୍‌ଏମ୍‌ବି୨୯’ର ସୁଟିଂ ସାରି କୋରାପୁଟରୁ  ଫେରିବା ପରେ ରାଜାମୌଲି ନିଜ ଏକ୍ସ ଆକାଉଣ୍ଟରେ ଦେଓମାଳି ପର୍ବତର ଅବସ୍ଥା ଦେଖି ବିଚଳିତ ଥିବା ପ୍ରକାଶ କରିଛନ୍ତି । 

ଏହି ପର୍ବତ ସୁରକ୍ଷାରେ  ନିଜକୁ ନିୟୋଜିତ କରିବା ଲାଗି ସେ ଜନସାଧାରଣଙ୍କୁ  ଆହ୍ୱାନ ଦେଇଛନ୍ତି । ଦେଓମାଳିର ଏକ ଭିଡିଓ ପୋଷ୍ଟ  କରି ରାଜାମୌଲି ଲେଖିଛନ୍ତି, ଓଡ଼ିଶାର ସର୍ବୋଚ୍ଚ ପର୍ବତ ଦେଓମାଳି ଉପରକୁ ଯାଇ ସେ ବିଭୋର ହୋଇଥିଲେ ।   ତେବେ ଲୋକେ ସଚେତନ ହେଲେ ଦେଓମାଳି ପାହାଡ଼ର ଅବସ୍ଥା ବଦଳିଯିବ। ପର୍ଯ୍ୟଟକମାନେ ସେମାନଙ୍କ ବର୍ଜ୍ୟ ପଦାର୍ଥ ଅନ୍ୟତ୍ର ଫିଙ୍ଗିବା ଲାଗି ସେ ପରାମର୍ଶ ଦେଇଛନ୍ତି ।

ରାଜାମୌଲିଙ୍କ ଏହି ପୋଷ୍ଟ୍‌ ପରେ ପରିବେଶବିତ୍‌ମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି।  ପ୍ରଶାସନ ଏ ଦିଗରେ ପଦକ୍ଷେପ ନେବା ସହ ସେଠାରେ ପ୍ଲାଷ୍ଟିକ ନିଷେଧ କରିବାକୁ ସେମାନେ ଦାବି କରିଛନ୍ତି । ପ୍ରକାଶଥାଉକି, କିଛିଦିନ ତଳେ ‘ଏସ୍‌ଏସ୍‌ଏମ୍‌ବି୨୯’   ଚଳଚ୍ଚିତ୍ରର କିଛି ଦୃଶ୍ୟ ସୁଟିଂ ପାଇଁ ନିଜ ଟିମ୍‌ ସହ କୋରାପୁଟ ଆସିଥିଲେ ରାଜାମୌଲି ।

 

 

 

 

 

 

 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.