ପୁରୁଷୋତ୍ତମପୁର ୩୦।୮: ଜିଲ୍ଲା ଯୋଗାଣ ଅଧିକାରୀଙ୍କ ଜାଲ୍ ଦସ୍ତଖତରେ ଚାଉଳ ଯୋଗାଣ କରିବା ମିଲ୍ ପାଇଁ ପଡିଲା ମହଙ୍ଗା । ଏକ ମାସ ଧରି ଚଢ଼ାଉ ପରେ ମିଲର ଧାନ ଚାଉଳ ଅନ୍ୟ ସ୍ଥାନକୁ ସ୍ଥାନାନ୍ତରିତ କଲେ ପ୍ରଶାସନ ।
ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ବ୍ଲକ୍ ବାଲିଆ ଗ୍ରାମର ମା' ତାରିଣୀ ରାଇସ୍ ମିଲ୍ର ବଢିଲା ଅଡୁଆ l ମିଲ୍ର ତିନି ଗୋଦାମରେ ଥିବା ଧାନ, ଚାଉଳ ଏବଂ ଅନ୍ୟ ସାମଗ୍ରୀକୁ ଆଖପାଖ ଅଞ୍ଚଳର ୨୦ଟି ମିଲ୍କୁ ସ୍ଥାନାନ୍ତର କରିବା ନେଇ ରାଜ୍ୟ ଯୋଗାଣ ନିଗମ ପରିଚାଳନା ନିର୍ଦ୍ଦେଶକ ନିର୍ଦ୍ଦେଶ ପରେ ଦୁଇ ଜଣିଆ ଟିମ୍ ରାଇସ୍ ମିଲ୍ରେ ପହଞ୍ଚିଥିଲେ । ପୂର୍ବରୁ ଜିଲ୍ଲା ଯୋଗାଣ ଅଧିକାରୀଙ୍କ ଜାଲ୍ ଦସ୍ତଖତ କରି ଗୋଦାମକୁ ଚାଉଳ ଯୋଗାଣ ଭଳି ସଙ୍ଗୀନ ଅଭିଯୋଗ ରହିଥିଲା ମିଲ୍ ନାଁରେ l ଏହି ଅଭିଯୋଗକୁ ଭିତ୍ତିକରି ଏକ ମାସ ହେବ ପ୍ରଶାସନ ପକ୍ଷରୁ ବାରମ୍ବାର ଚଢ଼ାଉ କରାଯାଇଥିବା ବେଳେ ମିଲର ଧାନ ଚାଉଳ ସ୍ଥାନାନ୍ତର ନେଇ ପ୍ରଶାସନିକ ଅଧିକାରୀ ମାନେ ପହଞ୍ଚିଥିଲେ । ବାରମ୍ବାର ପ୍ରଶାସନ ଚଢ଼ାଉ କରିଥିଲେ ମଧ୍ୟ ବର୍ତ୍ତମାନ ସୁଦ୍ଧା ୨୭ ହଜାର ଟନନ୍ ଚାଉଳ କମ୍ ଥିବାର ଯୋଗାଣ ବିଭାଗ ଚିଠି ଦ୍ୱାରା ସମସ୍ତଙ୍କୁ ଜଣାଇଛନ୍ତି ।
You Can Read:
୧୪ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କଲା ଜୟପୁର ପୋଲିସ, ଏମାନଙ୍କ ନାଁରେ ରହିଛି ଏକାଧିକ ଅପରାଧିକ ମାମଲା
