ଆରା ୩୦।୮: ବିହାର ଆରା ରେ ଭୋଟ ଅଧିକାର ଯାତ୍ରା କାଳରେ ଶନିବାର କଂଗ୍ରେସ ନେତା ରାହୁଲଙ୍କୁ କଳାପତାକା ଦେଖାଯାଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ତାଙ୍କ ମାଙ୍କ ପ୍ରତି ଅପଶବ୍ଦ କୁହାଯିବା ମାମଲାରେ ବିଜେପି ନେତା ଓ କାର୍ଯ୍ୟକର୍ତ୍ତା କଂଗ୍ରେସ ବିରୋଧୀ ସ୍ଲୋଗାନ ଦେବା ସହ କଳାପତାକା ଦେଖାଇଛନ୍ତି। ଏଥିରେ ରାହୁଲ ଗାନ୍ଧି ଗାଡି଼ ଅଟକାଇ କଳା ପତାକା ପ୍ରଦର୍ଶନ କରୁଥିବା ବିଜେପି କର୍ମୀଙ୍କୁ ପାଖକୁ ଡାକି ଟଫି ଦେଇଛନ୍ତି।
ଶନିବାର ଆରାରେ ଯାତ୍ରା କାଳରେ ରାହୁଲ ଗାନ୍ଧିଙ୍କ ସହିତ ଆରଜେଡି ନେତା ତେଜସ୍ୱୀ ଯାଦବ ଓ ସପା ନେତା ଅଖିଳେଶ ଯାଦବ ମଧ୍ୟ ଥିଲେ। ଏହି ଯାତ୍ରା ଛପରାରୁ ବାହାରି ମଧ୍ୟାହ୍ନରେ ଆରା ପହଞ୍ଚି ଥିଲା। ଆରାରେ ରାହୁଲ, ତେଜସ୍ୱୀ ଓ ଅଖିଳେଶଙ୍କ ରୋଡ ସୋ କାଳରେ ଭାରତୀୟ ଜନତା ଯୁବ ମୋର୍ଚ୍ଚା ଅଧ୍ୟକ୍ଷ ଏବଂ ଅନ୍ୟ କାର୍ଯ୍ୟ କର୍ତ୍ତା କଳା ପୋଷାକ ପିନ୍ଧି କଳାପତାକ ଧରି ପ୍ରଦର୍ଶନ କରିଥିଲେ।
#WATCH | Arrah, Bihar: Lok Sabha LoP and Congress MP Rahul Gandhi offered candies to BJYM workers who showed him black flags and confronted him over the alleged derogatory remarks made against the Prime Minister and his late mother at a Mahagathbandhan event in Darbhanga. pic.twitter.com/dkFXz8WJeB
— ANI (@ANI) August 30, 2025
ଏହା ଦେଖି ପ୍ରଦର୍ଶନ କରୁଥିବା ଯୁବକମାନଙ୍କୁ ରାହୁଲ ପାଖକୁ ଡାଖି ପକେଟରୁ ଟଫି ବାହାର କରି ବାଣ୍ଟି ଥିଲେ। ଫଳରେ ନରେନ୍ଦ୍ର ମୋଦି ଜିନ୍ଦାବାଦ ଧ୍ୱନୀ ଦେଉଥିବା ଯୁବକମାନଙ୍କ ମନ ଚାହୁଁ ଚାହୁଁ ବଦଳି ଯାଇଥିଲା ଓ ସେଠାରେ ପରିସ୍ଥିତି ସ୍ୱଭାବିକ ହୋଇଯାଇଥିଲା।
ରାହୁଲଙ୍କ କାରକେଡ ସେଠାରୁ ସିଧା କୁଅଂର ସିଂହ ମୈଦାନରେ ପହଞ୍ଚିଥିବା ବେଳେ ମହାମେଣ୍ଟର ନେତାମାନେ ଜନ ସମାବେଶକୁ ସମ୍ବୋଧିତ କରିଥିଲେ। ଗତ ବୁଧବାର ରାହୁଲ ଓ ତେଜସ୍ୱୀଙ୍କ ଭୋଟ ଅଧିକାର ଯାତ୍ରା କାଳରେ ଦରଭଙ୍ଗାରେ ଏକ ମଞ୍ଚରୁ ପ୍ରଧାନମନ୍ତ୍ରୀ ମୋଦି ଓ ତାଙ୍କ ମାଙ୍କୁ ଅପଶବ୍ଦ କୁହାଯାଇଥିଲା । ଏହାର ଭିଡିଓ ଭାଇରାଲ ହେବା ପରେ ରାଜନୈତିକ ହଟଚମଟ ସୃଷ୍ଟି ହୋଇଥିଲା।
