ନୂଆଦିଲ୍ଲୀ: ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧି ଗୁରୁବାର ଦିଲ୍ଲୀରେ ମଣିପୁରର କିଛି ଲୋକଙ୍କୁ ଭେଟିଛନ୍ତି। ଏହି ସାକ୍ଷାତ ଆଲୋଚନା ସମ୍ପର୍କରେ ସୂଚନା ଦେଇ କଂଗ୍ରେସ ନେତା କହିଛନ୍ତି ଯେ ପ୍ରଧାନମନ୍ତ୍ରୀ ପୁଣି ଥରେ ମଣିପୁର ଗସ୍ତ କରନ୍ତୁ ଓ ସରକାରଙ୍କ ଉପରେ ଶାନ୍ତିପୂର୍ଣ୍ଣ ସମାଧାନ ନିମନ୍ତେ ଚାପ ପକାନ୍ତୁ । ମଣିପୁର ଏବେବି ଅଶାନ୍ତ ରହିଛି ଏଣୁ ଲୋକେ ବିରୋଧୀ ଦଳ ନେତାଙ୍କୁ ଭେଟି ସେମାନଙ୍କ ସମସ୍ୟା ସମ୍ପର୍କରେ କହିବା ସହ ପ୍ରଧାନମନ୍ତ୍ରୀଙ୍କ ଗସ୍ତ ନିମନ୍ତେ ଚାପ ପକାଇବା ପାଇଁ ନିବେଦନ କରିଛନ୍ତି।
ଏ ନେଇ ରାହୁଲ ଗାନ୍ଧି ଏକ୍ସ ରେ ଏକ ପୋଷ୍ଟ ମଧ୍ୟ କରିଛନ୍ତି। ଏଥିରେ ଦିଲ୍ଲୀରେ ରହୁଥିବା ମଣିପୁର ଲୋକଙ୍କ ଏକ ସମୂହ ତାଙ୍କୁ ଭେଟିଥିବାର ଉଲ୍ଲେଖ କରିଛନ୍ତି। ଏହି ସାକ୍ଷାତ ଆଲୋଚନା କାଳରେ ତାଙ୍କ କ୍ଷେତ୍ରରେ ସଂଘର୍ଷ ଆରମ୍ଭ ହେବା ପରଠାରୁ ସେମାନଙ୍କ ହୃଦୟ ଥରା ସଂଘର୍ଷର କଥା କହିଛନ୍ତି। ସେମାନେ ପ୍ରିୟଜନଙ୍କ ଠାରୁ ବିଛେଦ ହୋଇ ରହିବାର ଯନ୍ତ୍ରଣା ସହିତ ସଂଘର୍ଷ ଯୋଗୁ ସେମାନଙ୍କ ସମୂଦାୟ ଉପରେ ପଡୁଥିବା ଶାରୀରିକ ଓ ମାନସିକ ଚାପ ସମ୍ପର୍କରେ ମଧ୍ୟ ବିରୋଧୀ ଦଳ ନେତାଙ୍କୁ ଜଣାଇଛନ୍ତି।
Today, I met with a group of Manipuri people living in Delhi who shared their heartbreaking struggles since the onset of the conflict in their region. They spoke of the pain of being separated from loved ones and the physical and mental toll the conflict has taken on their… pic.twitter.com/VuO1azgqaz
— Rahul Gandhi (@RahulGandhi) August 15, 2024
ରାହୁଲ ଲେଖିଛନ୍ତି ଯେ ମଣିପୁର ଲୋକେ ଏତେ ଭୟଭୀତ ଯେ ସେମାନେ ସେମାନଙ୍କ ଫଟୋ ପ୍ରକାଶନ ନ କରିବାକୁ କହିଛନ୍ତି। ପ୍ରତିଶୋଧ ଡରରେ ସେମାନେ ସେମାନଙ୍କ ଫଟୋ ନ ଉଠାଇବାକୁ କହିଛନ୍ତି। ଏହା ମଣିପୁରର କଠୋର ବାସ୍ତବିକତା ଯାହା ସେଠାରେ ସେମାନଙ୍କ ଭାଇଭଉଣୀମାନେ ଭୋଗୁଥିବା ସେମାନେ କହିଛନ୍ତି। ମଣିପୁରରେ ନିରନ୍ତର ଭୟର ପରିବେଶ ବନି ରହିଛି। ଏଣୁ ରାହୁଲ ଉଲ୍ଲେଖ କରିଛନ୍ତି ଯେ ଆମେ ସ୍ୱାଧୀନତା ଦିବସ ପାଳନ କରୁଥିବା ବେଳେ ଆସନ୍ତୁ ମଣିପୁରର ଦୁର୍ଦ୍ଦଶା କଥା ମଧ୍ୟ ବିଚାର କରିବା।
ମଣିପୁର ଏବେବି ବାସ୍ତବ ସ୍ୱାଧୀନତାକୁ ଝୁରୁଛି। ଏଣୁ ମୁଁ ପ୍ରଧାନମନ୍ତ୍ରୀଙ୍କୁ ପୁଣି ଥରେ ମଣିପୁର ଗସ୍ତ କରିବାକୁ ନିବେଦନ କରିବା ସହ ମଣିପୁର ସମସ୍ୟାର ଶାନ୍ତିପୂର୍ଣ୍ଣ ସମାଧାନ ନିମନ୍ତେ ରାଜ୍ୟ ଓ କେନ୍ଦ୍ର ସରକାରଙ୍କ ଉପରେ ଚାପ ପକାନ୍ତୁ ବୋଲି ନିବେଦନ କରୁଥିବା ରାହୁଲ ଉଲ୍ଲେଖ କରିଛନ୍ତି।
