ବ୍ରେକଅପ୍ ଖବର ମଧ୍ୟରେ ତାରାଙ୍କ ହାତରେ ଦେଖିବାକୁ ମିଳିଲା ବଡ ହୀରା ମୁଦି, ଫଟୋ ଦେଖି ଫ୍ୟାନ୍ସ କନଫ୍ୟୁଜ୍

ବଲିଉଡ ଅଭିନେତ୍ରୀ ତାରା ସୁତାରିଆ ଏବେ ଚର୍ଚ୍ଚାରେ ଅଛନ୍ତି। କିଛି ଦିନ ପୂର୍ବରୁ ତାଙ୍କ ବ୍ରେକଅପ୍ ଖବର ସାମ୍ନାକୁ ଆସିଥିଲା। ଯାହା ତାଙ୍କ ପ୍ରଶଂସକଙ୍କୁ ଆଶ୍ଚର୍ଯ୍ୟ କରିଦେଇଥିଲା। କିନ୍ତୁ ବୀର ଓ ତାରାଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଆସିନାହିଁ। ଏହି ସମୟରେ, ତାରା ସୁତାରିଆ ଏକ ନୂତନ ପୋଷ୍ଟ ସେୟାର କରିଛନ୍ତି। ଯାହା ତାଙ୍କ ପ୍ରଶଂସକଙ୍କୁ କନଫ୍ୟୁଜ୍ କରିଦେଇଛି। ଯାହା ପରେ ତାଙ୍କ ପ୍ରଶଂସକମାନେ ପ୍ରଶ୍ନ କରି ଥକୁ ନାହାନ୍ତି।

 

 

 

 

View this post on Instagram

 

 

 

 

 

 

 

 

 

 

 

A post shared by TARA💫 (@tarasutaria)

ତାରାଙ୍କ ପୋଷ୍ଟ:

ତାରା ସୁତାରିଆ ନିକଟରେ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ୍ ଆକାଉଣ୍ଟରେ ଏକ ଫଟୋ ସେୟାର କରିଛନ୍ତି। ଏହି ଫଟୋରେ ତାରା ସମ୍ପୂର୍ଣ୍ଣ ସୁନ୍ଦର ଦେଖାଯାଉଛନ୍ତି। ସେ ଏକ କଳା ମଗ୍ ଧରିଛନ୍ତି, ଯେଉଁଥିରୁ ସେ କଫି ପିଉଛନ୍ତି। ହେଲେ ଲୋକଙ୍କ ଦୃଷ୍ଟି ତାଙ୍କ ସୌନ୍ଦର୍ଯ୍ୟ କିମ୍ବା ମଗ୍ ପ୍ରତି ନୁହେଁ, ବରଂ ତାଙ୍କ ହାତରେ ଥିବା ସୁନ୍ଦର ହୀରା ମୁଦି ଦେଖି ଆକର୍ଷିତ ହୋଇଥିଲେ । ଏହି ଫଟୋରେ, ତାରା ତାଙ୍କ ବାମ ହାତର ଆଙ୍ଗୁଠିରେ ଏକ ବଡ଼ ହୀରା ମୁଦି ପିନ୍ଧିଛନ୍ତି। ଏହି ମୁଦି ପ୍ରକୃତରେ ସୁନ୍ଦର, ଏବଂ ତାଙ୍କ ପ୍ରଶଂସକମାନେ ତାଙ୍କୁ ବିଭିନ୍ନ ପ୍ରକାରର ପ୍ରଶ୍ନ ପଚାରୁଛନ୍ତି।

କ’ଣ କହିଲେ ପ୍ରଶଂସକ?

ତାରାଙ୍କ ଏହି ପୋଷ୍ଟ ଏବଂ ଏଥିରେ ଥିବା ମୁଦି ଦେଖି ସେମାନେ ବିଶ୍ୱାସ କରୁଛନ୍ତି ଯେ ତାରା ନିର୍ବନ୍ଧ କରିସାରିଛନ୍ତି। ସୋସିଆଲ ମିଡିଆୟୁଜର୍ସମାନେ ତାରାଙ୍କ ପୋଷ୍ଟରେ କମେଣ୍ଟର ବର୍ଷା କରିଛନ୍ତି। ପ୍ରଥମେ, ତାରାଙ୍କ ବନ୍ଧୁ ଓରି ଏହି ମୁଦିକୁ ହାଇଲାଇଟ୍ କରି କମେଣ୍ଟ ଦେଇଛନ୍ତି। ଅନେକ ସୋସିଆଲ ମିଡିଆ ୟୁଜର୍ସ ଏହା ଉପରେ ମନ୍ତବ୍ୟ ଦେଉଛନ୍ତି ଏବଂ ପଚାରୁଛନ୍ତି ଯେ ତାରା ନିର୍ବନ୍ଧ କରିସାରିଛନ୍ତି କି ?ଆଉ ଜଣେ ଲେଖିଛନ୍ତି, "ଏହା କେଉଁ ମୁଦି?" ଅନ୍ୟ ଜଣେ ଲେଖିଛନ୍ତି, "ଏହା ପ୍ରପୋଜାଲ ମୁଦି।

ଏହା ଉଲ୍ଲେଖନୀୟ ଯେ କିଛି ଦିନ ପୂର୍ବରୁ, ବୀର ଏବଂ ତାରା ଏପି ଢିଲୋନଙ୍କ କନସର୍ଟରେ ଯୋଗ ଦେଇଥିଲେ। ତାରାଙ୍କ ଏକ ଭିଡିଓ ଭାଇରାଲ ହୋଇଥିଲା। ଯାହା ସୂଚାଇ ଦେଉଥିଲା ଯେ ସେମାନେ ବହୁତ ନିକଟତର ଥିଲେ। ବୀରଙ୍କ ଏକ ଭିଡିଓ ମଧ୍ୟ ଭାଇରାଲ ହୋଇଥିଲା, ଯେଉଁଥିରେ ସେ ବହୁତ ଆଶ୍ଚର୍ଯ୍ୟ ଦେଖାଯାଉଥିଲେ। ଏହା ସେମାନଙ୍କ ବ୍ରେକଅପ୍ ବିଷୟରେ କଳ୍ପନାଜଳ୍ପନା ସୃଷ୍ଟି କରିଥିଲା। ଉଭୟ ପ୍ରଥମେ ଏହି ରିପୋର୍ଟକୁ ଅସ୍ୱୀକାର କରିଥିଲେ ମଧ୍ୟ, କିଛି ଦିନ ପରେ ରିପୋର୍ଟ ପ୍ରକାଶ ପାଇଲା ଯେ ସେମାନଙ୍କର ବ୍ରେକଅପ୍ ହୋଇଯାଇଛି। ଏହି ଖବର କେତେ ସତ ତାହା କେବଳ ତାରା ଏବଂ ବୀର ହିଁ କହିପାରିବେ।