ଓମ୍‌ଫେଡ ଛକରେ ସିରିଜ୍ ଦୁର୍ଘଟଣା ଘଟାଇଲା ‘ଆମ ବସ୍’, ୧୫ରୁ ଅଧିକ ବସ୍ ଅଟକାଇଲେ ଉତ୍ତ୍ୟକ୍ତ ଲୋକ

ଭୁବନେଶ୍ବର ୪।୧: ପୁଣି ଆମ ବସ୍ ଘଟାଇଲା ଦୁର୍ଘଟଣା । ଭୁବନେଶ୍ବର ଓମ୍ଫେଡ ଛକରେ ସିରିଜ୍ ଦୁର୍ଘଟଣା । ଦୁର୍ଘଟଣା ଫଳରେ ଓମ୍ଫେଡ ଛକରେ ରାସ୍ତା ଜାମ୍ ହୋଇଛି । ରାସ୍ତା ଜାମ୍ ଯୋଗୁ ଫସିଲା ଶହଶହ ଗାଡି । ଉତ୍ତ୍ୟକ୍ତ ଲୋକେ ଅଟକାଇଲେ ୧୫ରୁ ଅଧିକ ‘ଆମ ବସ୍’ ।

ସେପଟେ, ‘ଆମ ବସ୍’ ଡିପୋ ଘେରାଉ । ଶନିବାର ରୂପାଲି ଛକରେ ହୋଇଥିବା 'ଆମ ବସ୍' ଦୁର୍ଘଟଣାର ପ୍ରତିବାଦ । କ୍ରୁଟ୍ର ଗାଡ଼କଣ ସ୍ଥିତ ବସ୍ ଡିପୋ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ଅନ୍ଲାଇନ୍ ସ୍ମାର୍ଟ ସିଟି ଅଟୋ ମହାସଂଘ । ଶନିବାର ଅଟୋକୁ ଧକ୍କା ଦେଇଥିଲା 'ଆମ ବସ୍' । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇ ଜଣ ଗୁରୁତର ହୋଇଥିଲେ । ସେହି ଦିନ ସନ୍ଧ୍ୟାରେ ଜଣେ ସ୍କୁଟର ଚାଳକଙ୍କୁ ପୁଣି ଧକ୍କା ଦେଇଥିଲା ‘ଆମ ବସ୍’ । ଦୁର୍ଘଟଣାରେ ସ୍କୁଟର ଚାଳକ ଆହତ ହୋଇଥିଲେ ।

ରୂପାଲି ଛକରେ ଯେମିତି ଛକି ବସିଥିଲା ଯମ । ଦୁର୍ଘଟଣା ପାଇଁ ରୁପାଲି ଛକକୁ ଯେମିତି ବାଛି ନେଇଥିଲା ‘ଆମ ବସ୍’ । ଶନିବାର ସକାଳେ ଅଟୋକୁ ଧକ୍କା ଦେଲା ଆଉ ସନ୍ଧ୍ୟାରେ ସ୍କୁଟରକୁ ଧକ୍କା ଦେଇଥିଲା । ସକାଳେ ଯାଇଥିଲା ଜଣଙ୍କ ଜୀବନ । ଦୁଇ ଜଣ ହୋଇଥିଲେ ଗୁରୁତର । ସେହି ଦିନ ସନ୍ଧ୍ୟାରେ ସ୍କୁଟର ଚାଳକ ଗୁରୁତର ହୋଇଥିଲେ ।

ଶନିବାର ସକାଳେ ଭୁବନେଶ୍ବର ରୂପାଲି ଛକରେ ଟ୍ରାଫିକରେ ଛିଡ଼ା ହୋଇଥିବା ଏକ ଅଟୋକୁ ‘ଆମ ବସ୍’ ଧକ୍କା ଦେଇଥିଲା । ଫଳରେ ଅଟୋ ଚଳାଉଥିବା ଡ୍ରାଇଭର୍ ସେହି ଗାଡ଼ିରେ ହିଁ ଆଖିବୁଜି ଦେଇଥିଲେ । ଅଟୋରେ ଥିବା ୨ ଜଣ ଗୁରୁତର ଆହତ ହୋଇ ମେଡିକାଲରେ ଚିକିତ୍ସିତ ହେଉଛନ୍ତି । ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇଥିଲା । ସ୍ଥିତି ନିୟନ୍ତ୍ରଣ ପାଇଁ ଘଟଣାସ୍ଥଳରେ ଡିସିପି ପହଞ୍ଚିଥିଲେ ।

ସେହି ଦିନ ସନ୍ଧ୍ୟାରେ ରୂପାଲି ଛକରେ ‘ଆମ ବସ୍’ ଏକ ସ୍କୁଟରକୁ ଧକ୍କା ଦେଇଥିଲା । ଦୁର୍ଘଟଣା ଫଳରେ ସ୍କୁଟର ଚାଳକ ଜଣଙ୍କ ଗୁରୁତର ହୋଇଥିଲେ । ଦୁର୍ଘଟଣାକୁ ନେଇ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା । ଟ୍ରାଫିକ୍ ଉପରେ ଲୋକେ ‘ଆମ ବସ୍’ ଚାଳକଙ୍କୁ ବସ୍ରୁ ଘୋଷାଡ଼ି ନେଇ ନିର୍ଧୁମ ଛେଚିଥିଲେ । ସହିଦନଗର ଥାନା ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କ କବଳରୁ ‘ଆମ ବସ୍’ ଚାଳକଙ୍କୁ ଉଦ୍ଧାର କରିଥିଲା ।