ଶାନ୍ତି ଆଲୋଚନା ଆଉ ୧୦ % ବାକି ରହିଛି, ଏହି ସବୁ ପ୍ରସଙ୍ଗକୁ ଡରୁଛନ୍ତି ଜେଲେନସ୍କି

ମସ୍କୋ, ୦୧/୦୧ : ଥମୁନି ଋଷ ଏବଂ ୟୁକ୍ରେନ୍ ମଧ୍ୟରେ ଯୁଦ୍ଧ । ଗୋଟିଏ ପଟେ ଶାନ୍ତି ଆଲୋଚନା ପାଇଁ ଚେଷ୍ଟା ଚାଲିଛି । ଅନ୍ୟପଟେ ପରସ୍ପରକୁ ମିସାଇଲ ଏବଂ ଡ୍ରୋନ୍ ମାଡ କରୁଛନ୍ତି ମସ୍କୋ ଏବଂ କିଭ୍ । ଏସବୁ ଭିତରେ ଆମେରିକା ମଧ୍ୟସ୍ତତା କରୁଛି । ଦୁଇ ପକ୍ଷଙ୍କୁ ଯୁଦ୍ଧରୁ ବିରତ କରିବାକୁ ଘନ ଘନ ପୁଟିନ ଏବଂ ଜେଲେନସ୍କିଙ୍କ ସହ ଆଲୋଚନା କରୁଛନ୍ତି ୟୁଏସ ପ୍ରେସିଡେଣ୍ଟ୍। ଏସବୁ ଭିତରେ ସାମ୍ନାକୁ ଆସିଛି ୟୁକ୍ରେନ୍ ପ୍ରେସିଡେଣ୍ଟ୍ ଜେଲେନସ୍କିଙ୍କ ବୟାନ ।

ବୁଧବାର ଦେଶକୁ ଉଦବୋଧନ ଦେଇ ଜେଲେନସ୍କି କହିଛନ୍ତି ଯେ, ଋଷ ସହ ଅନ୍ତିମ ପର୍ଯ୍ୟାୟରେ ଶାନ୍ତି ଆଲୋଚନା ପହଁଚିଛି । ୯୦ ପ୍ରତିଶତ କଥାବାର୍ତ୍ତା ସରିଛି । ଆଲୋଚନା ଆଉ ମାତ୍ର ୧୦ ପ୍ରତିଶତ ବାକି ରହିଛି । ତେବେ ଏହି ୧୦ ପ୍ରତିଶତ ବହୁତ ଜରୁରୀ । ଯାହା ଉପରେ ୟୁକ୍ରେନର ଭବିଷ୍ୟତ ନିର୍ଭର କରେ । ଯେଉଁ ୧୦ ପ୍ରତିଶତ ପ୍ରସଙ୍ଗର ସମାଧାନ ହୋଇନାହିଁ ତାହା ଜଟିଳ ଅଟେ ।

​​​​​​​

Happy New Year, Ukraine!

🇺🇦🇺🇦🇺🇦 pic.twitter.com/WkAFpSHb9p

— Volodymyr Zelenskyy / Володимир Зеленський (@ZelenskyyUa) December 31, 2025

ୟୁକ୍ରେନ ରାଷ୍ଟ୍ରପତି ଆହୁରି କହିଛନ୍ତି ଯେ, ଶାନ୍ତି ଚୁକ୍ତି ୯୦ ପ୍ରତିଶତ ପ୍ରସ୍ତୁତ ଅଛି । ୟୁକ୍ରେନ ଯୁଦ୍ଧ ଶେଷ ପାଇଁ ଚାହୁଁଛି । କିନ୍ତୁ ଏଥିପାଇଁ ସବୁ ମୂଲ୍ୟ ଦିଆଯାଇ ପାରିବ ନାହିଁ । କୌଣସି ସମାଧାନ ହେବା ପୂର୍ବରୁ ଦେଶର ଭବିଷ୍ୟତ ସୁରକ୍ଷାକୁ ନିଶ୍ଚିତ କରାଯିବ । ଯେପରି ଆଗକୁ କେବେ ଋଷିଆ ଆକ୍ରମଣ ନକରେ ସେନେଇ ବିଚାର ବିମର୍ଶ ହେବ ।

ଟ୍ରମ୍ପଙ୍କ ଦିନିକିଆ ଗପ

ରାଷ୍ଟ୍ରପତି ହେବା ପୂର୍ବରୁ ଟ୍ରମ୍ପ୍ ବାହାସ୍ପୋଟ ମାରୁଥିଲେ । ଗୋଟିଏ ଦିନରେ ସେ ଯୁଦ୍ଧ ବନ୍ଦ କରିବେ ବୋଲି ଦାବି କରିଥିଲେ । କିନ୍ତୁ ଏହାରି ଭିତରେ ୩୪୫ ଦନ ହୋଇଗଲାଣି । ତଥାପି ଶାନ୍ତି ଆଲୋଚନା ଜାରି ରହିଛି ।