ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମରିସସ ସରକାର ନିଜର ସର୍ବୋଚ୍ଚ ନାଗରିକ ସମ୍ମାନ ‘ଦ ଗ୍ରାଣ୍ଡ କମାଣ୍ଡର ଅଫ ଦ ଅର୍ଡର ଅଫ ଦ ଷ୍ଟାର ଆଣ୍ଡ କି ଅଫ ଦ ଇଣ୍ଡିଆନ ଓସେନ’ରେ ସମ୍ମାନିତ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ଏହି ପ୍ରତିଷ୍ଠିତ ସମ୍ମାନ ପାଇବାରେ ପ୍ରଥମ ଭାରତୀୟ ପ୍ରଧାନମନ୍ତ୍ରୀ। ପ୍ରଧାନମନ୍ତ୍ରୀ ମୋଦୀଙ୍କୁ କୌଣସି ଦେଶ ଦ୍ଵାରା ପ୍ରଦାନ କରାଯାଇଥିବା ଏହା ହେଉଛି ୨୧ତମ ଅନ୍ତର୍ଜାତୀୟ ସମ୍ମାନ।
ଏହି ସମ୍ମାନକୁ ସ୍ଵୀକାର କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି, ମୁଁ ଏହାକୁ ବିନମ୍ରତାର ସହ ସ୍ଵୀକାର କରୁଛି। ଏହି ସମ୍ମାନ ଭାରତ ଓ ମରିସସ ମଧ୍ୟରେ ଗଭୀର ସଂପର୍କର ସମ୍ମାନକୁ ପ୍ରତିଫଳିତ କରୁଛି। ଏହା ସେହି ଭାରତୀୟଙ୍କ ସମ୍ମାନ, ଯେଉଁମାନେ ପିଢି ପରେ ପିଢି ଏହି ଧରିତ୍ରୀର ସେବା କରି ଏହାକୁ ନୂତନ ଶିଖରରେ ପହଞ୍ଚାଇଛନ୍ତି। ମୁଁ ମରିସସର ଜନତା ଓ ସରକାରଙ୍କୁ ହୃଦୟର ସହ କୃତଜ୍ଞତା ଜଣାଉଛି।
ଦିଲ୍ଲୀରେ ବନ୍ଦ ହେବ ପେଟ୍ରୋଲ- ଡିଜେଲ ଗାଡ଼ି ? ଲଞ୍ଚ୍ ହେଲା ଇଭି ପଲିସି ୨.୦
ପ୍ରଧାନମନ୍ତ୍ରୀ ମନେ ପକାଇ କହିଛନ୍ତି ଯେ, ୧୦ ବର୍ଷ ପୂର୍ବେ ଏହି ତାରିଖରେ ସେ ମରିସସ୍ ଆସିଥିଲେ। ସେହି ସମୟରେ ଭାରତରେ ହୋଲିର ପର୍ବ ଚାଲିଥିଲା ଏବଂ ମୁଁ ନିଜ ସହ ନୂତନ ଆଶା ନେଇ କି ଆସିଥିଲି। ଏଥର ହୋଲିର ରଙ୍ଗ ସାଥୀରେ ନେଇ ଭାରତ ଯିବି।
ପ୍ରଧାନମନ୍ତ୍ରୀ ଭାରତ ଓ ମରିସସର ଐତିହାସିକ ସମ୍ବନ୍ଧକୁ ମିଠା ସହ ଯୋଡ଼ିଛନ୍ତି। ସେ କହିଛନ୍ତି, ସମୟ ଥିଲା ଯେବେ ଭାରତରେ ମିଠା ପ୍ରସ୍ତୁତ ପାଇଁ ଚିନି ମରିସସରୁ ଆସୁଥିଲା। ଏହି କାରଣରୁ ଗୁଜରାଟରେ ଚିନିକୁ ମରସ ମଧ୍ୟ କୁହାଯାଉଥିଲା। ସମୟ ସହିତ ଭାରତ ଓ ମରିସସ ମଧ୍ୟରେ ସଂପର୍କର ଏହି ମଧୁରତା ଆହୁରି ଗଭୀର ହୋଇ ଚାଲିଲା।
