ମୁମ୍ୱାଇ ୧୬/୦୪: IPL ୨୦୨୫ ୧୫ଏପ୍ରିଲ ରାତି । ମ୍ୟାଚ୍ ଥିଲା ପଞ୍ଜାବ ଓ କୋଲକାତା ମଧ୍ୟରେ । ରାଏବଲେରୀ ଲଢେଇରେ ମୁହାଁମୁହାଁ ହେଉଥିଲେ ଦୁଇ ଦଳ । ତେବେ ମ୍ୟାଚ୍ ଥିଲା ବେଶ୍ ରୋମାଞ୍ଚକର । ଦର୍ଶକଙ୍କଠାରୁ ଆରମ୍ଭ କରି ଫ୍ରାଞ୍ଚାଇଜ୍ ମାଲିକଙ୍କର ବଢିଯାଇଥିଲା ହୃଦ୍ସ୍ପନ୍ଦନ । କାରଣ କୋଲକାତା ନାଇଟ୍ ରାଇଡର୍ସ ବିପକ୍ଷ ମ୍ୟାଚ୍ରେ, ପଞ୍ଜାବ କିଙ୍ଗସ୍ ୧୬ ବର୍ଷର ପୁରୁଣା ରେକର୍ଡ ଭାଙ୍ଗି ଆଇପିଏଲ୍ରେ ରଚିଥିଲା ଇତିହାସ ।
ସବୁଠୁ କମ୍ ସ୍କୋର କରିବା ସହ ମ୍ୟାଚ୍ ବି ଜିତିନେଇଥିଲା । ଯାହା ସେଠାରେ ଉପସ୍ଥିତ ସମସ୍ତ ଦେଖଣାହାରୀଙ୍କୁ ତାଜବୁ କରିଥିଲା । ବଡ ଟାର୍ଗେଟକୁ ପିଛା କରି ୧୧୧ ରନରେ ସୀମିତ ଥିଲା ପଞ୍ଜାବର ପାଳି । ତେବେ ଏହାକୁ ପିଛା କରି ୧୬ ରନରେ ହାରିଥିଲା କେକେଆର । ପଞ୍ଜାବର ଏହି ଚମତ୍କାର ବିଜୟ ପଛରେ ହିରୋ ସାଜିଥିଲେ ସ୍ପିନର ୟୁଜଭେନ୍ଦ୍ର ଚହଲ । ୪ଟି ଓ୍ୱିକେଟ ହାତେଇ ମ୍ୟାଚ୍କୁ ନିଜ ଅକ୍ତିଆରକୁ ନେଇଥିଲେ ।
ହାରୁଥିବା ଖେଳକୁ ବଦଳାଇ ଦେଲେ ଓ ପଞ୍ଜାବକୁ ଜିତାଇଦେଲେ । ଦଳକୁ ବିଜୟୀ କରାଇଥିବା ଯାଦୁକରଙ୍କ ପ୍ରଦର୍ଶନ ପଞ୍ଜାବ କିଙ୍ଗ୍ସର ମାଲିକାଣୀ ପ୍ରୀତି ଜିଣ୍ଟାଙ୍କ ଆଖିରୁ ଲୁଚି ରହିନଥିଲା । ତେଣୁ ସେ ପୁରସ୍କାର ପାଇବାକୁ ଯୋଗ୍ୟ ଥିଲେ। KKR ବିପକ୍ଷ ମ୍ୟାଚ୍ ପୂର୍ବରୁ ଚହଲ ୫ଟି ମ୍ୟାଚ୍ ରେ କେବଳ ୨ଟି ୱିକେଟ ନେଇଥିଲେ। କିନ୍ତୁ ସେ କୋଲକାତା ନାଇଟ୍ ରାଇଡର୍ସ ବିପକ୍ଷରେ ମାତ୍ର ଗୋଟିଏ ମ୍ୟାଚ୍ ଖେଳି ଏହାର କ୍ଷତିପୂରଣ ଦେଇଥିଲେ। ଏହି ମ୍ୟାଚ୍ରେ ଦଳ ଚହଲଙ୍କ ସର୍ବୋତ୍ତମ ପ୍ରଦର୍ଶନ ଆଶା କରିଥିଲା । ଯାହା ସେ ଦେଇଥିଲେ।
ଚହଲ ତାଙ୍କର ୪ ଓଭର ସ୍ପେଲରେ ମାତ୍ର ୨୮ ରନ ଦେଇ ୪ଟି ୱିକେଟ ନେଇଥିଲେ। ସେ ରାହାଣେଙ୍କୁ ଆଉଟ୍ କରି ପ୍ରଥମେ ମ୍ୟାଚ୍ର ଗତି ବଦଳାଇ ଦେଇଥିଲେ। ତା’ପରେ ଅଙ୍ଗକ୍ରିଷ ରଘୁଭନ୍ସି, ରିଙ୍କୁ ସିଂ ଏବଂ ରମଣଦୀପ ସିଂଙ୍କୁ ମଧ୍ୟ ଆଉଟ୍ କରିଥିଲେ । କୋଲକାତା ନାଇଟ୍ ରାଇଡର୍ସ ବିପକ୍ଷରେ ପ୍ରଦର୍ଶନ ପାଇଁ ୟୁଜଭେନ୍ଦ୍ର ଚହଲଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ମିଳିଥିଲା । ତେବେ ଚହଲ ପ୍ରୀତି ଜିଣ୍ଟାଙ୍କଠାରୁ ପୁରସ୍କାର ସହ ୧ ଲକ୍ଷ ଟଙ୍କାର ପୁରସ୍କାର ରାଶି ମଧ୍ୟ ପାଇଥିଲେ । ଏହାପରେ ସେ ଚହଲଙ୍କୁ ଖୁସିରେ କୁଣ୍ଢାଇ ପକାଇଥିଲେ ।
Preity Zinta was really happy with performance of Punjab Kings Today.
— 𝐂𝐚𝐩𝐭𝐚𝐢𝐧🧛 (@hiit_man45) April 15, 2025
congrats @PunjabKingsIPL for a thriller victory. pic.twitter.com/iNvuXm6TJB
ସମସ୍ତେ ଜାଣନ୍ତି ଯେ ୟୁଜଭେନ୍ଦ୍ର ଚହଲ ଆଇପିଏଲ ଇତିହାସର ସବୁଠାରୁ ସଫଳ ବୋଲର । ସାରା ବିଶ୍ୱ ଏହା ମଧ୍ୟ ଜାଣେ ଯେ ଚହଲ ଜଣେ ମ୍ୟାଚ୍ ବିଜେତା । ତାଙ୍କର ଦକ୍ଷତା ଦେଖି, ପଞ୍ଜାବ କିଙ୍ଗସର ମାଲିକାଣୀ ପ୍ରୀତି ଜିଣ୍ଟା ମଧ୍ୟ ତାଙ୍କୁ IPL ୨୦୨୫ ନିଲାମରେ ୧୮କୋଟିରେ କିଣିଥିଲେ ।
ତେବେ ଖୁସିର କଥା ହେଉଛି କି, ଯେତେବେଳେ ପଞ୍ଜାବ କିଙ୍ଗସକୁ ସବୁଠାରୁ ଅଧିକ ଆବଶ୍ୟକତା ଥିଲା ସେତେବେଳେ ୟୁଜଭେନ୍ଦ୍ର ଚହଲ ସେହି ୧୮ କୋଟି ଟଙ୍କାର ମୂଲ୍ୟ ଦେଇଥିଲେ। ଏହା କରି ସେ ପ୍ରୀତି ଜିଣ୍ଟା ଓ ଫ୍ରାଞ୍ଚାଇଜିଙ୍କ ତାଙ୍କ ଉପରେ ବିଶ୍ୱାସକୁ ଆହୁରି ଦୃଢ଼ କରିଛନ୍ତି।
