କମିଲା ସୁନା ଓ ରୁପା, ଏତିକି ଟଙ୍କା ଯାଏଁ ଖସିଲା ଦାମ୍

ନୂଆଦିଲ୍ଲୀ, ୦୯/୧୨: କମିଲା ସୁନା ଦର । ରୁମା ଦାମ୍ ବି ହ୍ରାସ ପାଇଲା । ମଙ୍ଗଳବାର ମଲ୍ଟି କମୋଡିଟି ମାର୍କେଟ୍ ବା ଏମସିଏକ୍ସରେ ସୁନା-ରୁପା ଦରରେ ଅହେତୁକ ହ୍ରାସ ପରିଲକ୍ଷିତ ହୋଇଛି । ସୁନା ୮୦୦ଟଙ୍କା ଖସି କାରବାର କରୁଥିବା ବେଳେ ରୁପା ମଧ୍ୟ ୧୪୦୦ ଟଙ୍କା କମିଛି । ସାରା ବିଶ୍ୱରେ ସେୟାର ବଜାରକୁ ନେଇ ଦେଖାଦେଇଥିବା ଅନିଶ୍ଚିତତା ମଧ୍ୟରେ ଦୁଇ ଦାମୀ ଧାତୁର ଦାମ୍ କମିଛି ।

ଏମସିଏକ୍ସରେ ସୁନା ମଙ୍ଗଳବାର ୮୦୦ଟଙ୍କା କମି୧,୨୯,୧୦୧ଟଙ୍କାରେ କାରବାର କରୁଛି । ସେହିପରି ରୁପା ଲକ୍ଷେ ୮୦ହଜାର୧୦୦ଟଙ୍କାରେ କାରବାର ଜାରି ରଖିଛି ।

ଆଇବିଜିଏ ବା ଇଣ୍ଡିଆନ ବୁଲିୟନ ମାର୍କେଟ୍ ଅନୁସାରେ, ଆଜି୨୪କ୍ୟାରେଟ୍ ସୁନାର ଦାମ୍ ୮୦୦ଟଙ୍କା ହ୍ରାସ ପାଇ୧,୨୭,୪୦୯ରେ ପହଁଚିଛି । ୨୩ କ୍ୟାରେଟ୍ ସୁନାର ଦାମ୍ ଭରି ପିଛା ୧,୨୬,୮୯୯ ଏବଂ ୨୨କ୍ୟାରେଟ୍ ସୁନାର ଦାମ୍ ୧,୧୬,୭୦୭ ଟଙ୍କା ରହିଛି । ସେହିପରି ୧୮ କ୍ୟାରେଟ୍ ସୁନାର ଦାମ୍ ୯୫,୫୫୭ ଟଙ୍କା ରହିଛି। ରୁପା ମଧ୍ୟ ୧୪୦୦ରୁ ୨୦୦୦ଟଙ୍କା କମି କେଜି ପିଛା୧,୭୭,୦୫୪ ଟଙ୍କାରେ ପହଁଚିଛି ।

ଏମସିଏକ୍ସର ତଥ୍ୟକୁ ଦେଖିଲେ ଗତ କଛି ଦିନ ଥଲେ ସୁନା ଏବଂ ରୁପାର ଦାମ୍ ରେକର୍ଡ ସ୍ତରରେ ପହଁଚିଥିଲା ।ସୁନା ୧୦ଗ୍ରାମ୍ ପ୍ରତି ଲକ୍ଷେ ୩୪ହଜାର ୨୪ଟଙ୍କା ଛୁଇଁଥିଲା । ଯାହା ଏବେ ଲକ୍ଷେ ୨୯ହଜାର ଶହେ ଟଙ୍କା ରହିଛି । ଦେଖିବାକୁ ଗଲେ ଦାମ୍ ପୂର୍ବ ଅପେକ୍ଷା ୪୯୦୦ ଟଙ୍କା ଖସିଛି ।