ମୁମ୍ଵାଇ ୧୯।୦୫: ସାଉଥ୍ ସୁପରଷ୍ଟାର ପ୍ରଭାସ । ‘ବାହୁବଳୀ’ ଜରିଆରେ ସେ ଏକ ବଡ଼ ସଫଳତା ପାଇଥିଲେ। ଗତ ବର୍ଷ ରିଲିଜ୍ ହୋଇଥିବା ତାଙ୍କର କିଛି ସିନେମା ଫ୍ଲପ ହେବା ପରେ ଫିଲ୍ମ ସାଲାର ପୁଣି ତାଙ୍କୁ ବକ୍ସ ଅଫିସ ଧମାଲ କରିଥିଲା। ଏବେ ଅଭିନେତା କିଛି ଦିନ ହେବ ତାଙ୍କ ଆଗାମୀ ଚଳଚ୍ଚିତ୍ର ‘କଲକି ୨୮୯୮ଏଡି’କୁ ନେଇ ଚର୍ଚ୍ଚାରେ ଅଛନ୍ତି। କିନ୍ତୁ ଏବେ ସେ ତାଙ୍କ ପ୍ରୋଫେଶନାଲ ଲାଇଫ୍ ନୁହେଁ ବରଂ ପର୍ସନାଲ ଲାଇଫ୍କୁ ନେଇ ଚର୍ଚ୍ଚାରେ ଅଛନ୍ତି। କୁହାଯାଉଛି କି ବର୍ତ୍ତମାନ ପ୍ରଭାସ ପ୍ରେମରେ ପଡ଼ିଛନ୍ତି। ଏକଥା ଆମେ କହୁ ନାହୁଁ ବରଂ ଅଭିନେତାଙ୍କ ସୋସିଆଲ ମିଡିଆ ପୋଷ୍ଟରୁ ଏଭଳି ଚର୍ଚ୍ଚା ଜୋର ଧରିଛି। ସେ କିଏ ଜାଣିବାକୁ ପ୍ରଶଂସକଙ୍କ ଉତ୍କଣ୍ଠା ହୋଇ ଯାଇଛି।
ତେବେ ବୟସ ୪୪ ହୋଇଥିଲେ ବି ଏପର୍ଯ୍ୟନ୍ତ ବିବାହ କରିନାହାନ୍ତି ପ୍ରଭାସ। କେବେ ବିବାହ କରିବେ ସେନେଇ ତାଙ୍କ ଫ୍ୟାନ୍ସମାନେ ଅପେକ୍ଷା କରି ରହିଛନ୍ତି। କିଛି ବର୍ଷ ହେଲାଣି ଅନେକ ଅଭିନେତ୍ରୀଙ୍କ ସହ ତାଙ୍କ ନାମ ଯୋଡାଯାଇଥିବା ବେଳେ କାହା ସହିତ ପ୍ରେମ ସମ୍ପର୍କ ଥିବା ନିଶ୍ଚିତ କରିନାହାନ୍ତି ପ୍ରଭାସ। ଏମିତି କି ସେ ଅନୁଷ୍କା ଶେଟ୍ଟୀଙ୍କୁ ବିବାହ କରିବେ ବୋଲି ବି ଚର୍ଚ୍ଚା ଜୋର ଧରିଥିଲା। ହେଲେ ଅନୁଷ୍କା ଭଲ ବନ୍ଧୁ ବୋଲି କହି ପ୍ରଭାସ ଏହି ଚର୍ଚ୍ଚା ଉପରେ ରୋକ ଲଗାଇଥିଲେ।
ଏବେ ପ୍ରଭାସଙ୍କ ଇନଷ୍ଟା ଷ୍ଟାଟସ ଭାଇରାଲ ହେବାରେ ଲାଗିଛି। ଯାହାକୁ ଦେଖିଲେ ଲାଗୁଛି ତାଙ୍କ ଜୀବନକୁ କେହି ଜଣେ ଆସିଛନ୍ତି। ନିଜର ଇନଷ୍ଟା ଷ୍ଟୋରୀରେ ପ୍ରଭାସ ଏକ କ୍ରିପ୍ଟିକ୍ ପୋଷ୍ଟ କରିଥିଲେ। ଯେଉଁଥିରେ ଲେଖାଥିଲା ‘ଡାର୍ଲିଂ ଆମ ଜୀବନରେ କେହି ଆସିବାକୁ ଯାଉଛନ୍ତି। ଅପେକ୍ଷା କରନ୍ତୁ’। ଏହାକୁ ଦେଖିବା ପରେ ପ୍ରଭାସଙ୍କ ଜୀବନରେ କେହିଜଣେ ଖାସଙ୍କ ଏଣ୍ଟ୍ରି ହେବାକୁ ଯାଉଥିବା କୁହାଯାଉଛି। କିଏ ସେ ? କାହାକୁ ବିବାହ କରିବେ ବୋଲି ଅନୁମାନ ଲଗାଉଛନ୍ତି। ତାଙ୍କର ଏହି ପୋଷ୍ଟ ପରେ ପ୍ରକୃତ କଥାଟି ଜାଣିବା ପାଇଁ ପ୍ରଶଂସକଙ୍କ ଉତ୍ସାହ ବଢ଼ିଛି।
