ମାହାଙ୍ଗା: ମାହାଙ୍ଗାରେ ବିଜୁ ବାବୁଙ୍କ ପ୍ରତିମୂର୍ତ୍ତି ଭଙ୍ଗା ଘଟଣାରେ ତେଜିଲା ରାଜନୀତି । ମାହାଙ୍ଗା ବିଧାୟକ ଶାରଦା ପ୍ରଧାନଙ୍କର କୁଶପୁତ୍ତଳିକା ଦାହ କଲେ ବିଜେଡି କର୍ମୀ ଓ ଖୋଦ ବ୍ଲକ୍ ଚେୟାରମ୍ୟାନ।
ସୂଚନାଥାଉକି, ଗତ ୪ ତାରିଖ ଦିନ ମାହାଙ୍ଗା ବ୍ଲକ୍ ଉମର ହନୁମାନ ଛକରେ ପ୍ରବାଦ ପୁରୁଷ ବିଜୁବାବୁଙ୍କ ପ୍ରତିମୂର୍ତ୍ତି ଭଙ୍ଗାଥିଲେ କିଛି ଦୁର୍ବୃତ୍ତ। ବଡ଼ କଥା ହେଲେ ଅଭିଯୁକ୍ତମାନଙ୍କ ଫଟୋ ଉଭୟ ପ୍ରତାପ ଜେନା ଓ ଶାରଦାଙ୍କ ସହ ଥିବା ଏବେ ସୋସିଆଲ ମିଡିଆରେ ଘୂରି ବୁଲିଛି। ଯାହାକୁ ନେଇ ଉଭୟ ବିଜେଡି ଓ ଶାରଦାଙ୍କ ପକ୍ଷରୁ ଅଭିଯୁକ୍ତମାନଙ୍କ ଦଳୀୟ ସମ୍ପର୍କ ନେଇ କାଦୁଅ ଫିଙ୍ଗା ରାଜନୀତି ଚାଲିଛି।
ଏହାକୁ ନେଇ ମାହାଙ୍ଗା ବିଜେଡି କର୍ମୀ ଓ ଖୋଦ ବ୍ଲକ ଅଧ୍ୟକ୍ଷା କୁଆଁପାଳ ବ୍ଲକ ସମ୍ମୁଖରେ ବିଧାୟକ ଶାରଦା ପ୍ରଧାନଙ୍କ କୁଶ ପୁତ୍ତଳିକା ଦାହ କରିବା ସହ ଏଭଳି ହୀନ ରାଜନୀତିରୁ ଦୂରରେ ରହି ମାହାଙ୍ଗାର ବିକାଶରେ ଧ୍ୟାନ ଦିଅନ୍ତୁ ବୋଲି କହିଛନ୍ତି।
