ଟ୍ୱିନ୍ ସିଟିରେ କଡ଼ାକଡ଼ା ବ୍ଲକିଂ-ଚେକିଂ, ଅମାନିଆଙ୍କୁ ଅକଟାଇବାକୁ ସ୍ୱତନ୍ତ୍ର ପ୍ଲାନ୍

Published By : Prameya-News7 Bureau | June 23, 2024 IST

ଭୁବନେଶ୍ୱର ୨୩।୦୬ : ଆକ୍ସନରେ କମିଶନରେଟ ପୋଲିସ । ଟ୍ୱିନ୍‌ ସିଟିରେ କଡ଼ାକଡ଼ି ବ୍ଲକିଂ-ଚେକିଂ ସହ ରାସ୍ତାରେ କଣ୍ଟା ପକାଇଲା ପୋଲିସ । ପୋଲିସ କମିଶନର , କଟକ ଏବଂ ଭୁବନେଶ୍ୱର ଡିସିପିଙ୍କ ସହ ବହୁ ବରିଷ୍ଠ ପୋଲିସ ଅଧିକାରୀ ଏହି ବ୍ଲକିଂ ଆଉ ଚେକିଂରେ ସାମିଲ ଥିଲେ । 

ଖବର ଅନୁଯାୟୀ, କଟକର ସବୁ ତଥାନା ସମେତ ରାଜଧାନୀର ଭୁବନେଶ୍ୱରର ୨୪ ଥାନାରେ ଜୋରଦାରା ନାଇଟ୍‌ ଚେକିଂ ହୋଇଛି । ଡ୍ରଙ୍କ ଆଣ୍ଡ ଡ୍ରାଇଭର ସହ ରିଭର୍ସ ରାଇଡରଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ନିଆଯାଇଛି। ସେହିପରି ଟୁଇନ୍‌ ସିଟି ରାସ୍ତାରେ ସ୍ପାଇକ୍‌ ପ୍ଲେଟ ଅର୍ଥାତ ଲୁହା କଣ୍ଟା ବିଛାଇଛି ପୋଲିସ । ରିଭର୍ସ ରାଇଡିଂ ବେଳେ ସ୍ପାଇକ୍‌ ପ୍ଲେଟ୍‌ ଦ୍ୱାରା ଏକାଧିକ ଗାଡିର ଟାୟାର ଲିକ୍‌ କରିଛି କମିଶରେଟ୍‌ ପୋଲିସ ।  

ସେହିପରି ନିଶାସକ୍ତ ଡ୍ରାଇଭରଙ୍କ କବଳରୁ ସାଧାରଣ ଜନତା ଏବଂ ଡ୍ୟୁଟିରେ ଥିବା ପୁଲିସ୍ କର୍ମୀଙ୍କୁ ରକ୍ଷା କରିବା ପାଇଁ ନୂଆ ଉପାୟ କରାଯାଇଛି। କଟକ ଏବଂ ଭୁବନେଶ୍ବରରେ ରାତି ସାଢ଼େ ୧୧ ରୁ ଭୋର୍ ୪ ଟା ପର୍ଯ୍ୟନ୍ତ ବିଭିନ୍ନ ଥାନାରୁ ଶତାଧିକ ଗାଡ଼ି ସିଜ୍ ହୋଇଥିବା ସୂଚନା ଦେଇଛନ୍ତି ପୋଲିସ୍ କମିଶନର ସଞ୍ଜୀବ ପଣ୍ଡା।

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.