LIVE TV
News7 Logo

Operation Pimple:  ଜମ୍ମୁ କାଶ୍ମୀରର କୁପୱାଡାରେ ସେନା ଗୁଳିରେ ୨ ଆତଙ୍କୀ ନିପାତ

Published By: Prameya-News Bureau - Prameya-News Bureau | November 08, 2025 03:50 PM
NEWS7
police-filed-a-complaint-against-thalapathy-vijay

ନୂଆଦିଲ୍ଲୀ: ଜମ୍ମୁ କାଶ୍ମୀରରେ ଭାରତୀୟ ସେନା ଏକ ବଡ଼ ଅପରେସନ ଚଲାଇଛି । କୁପୱାଡାରେ ସେନା ଯବାନ ୨ ଅନୁପ୍ରବେଶକାରୀଙ୍କୁ ନିପାତ କରିଛି । ସେନାର ଏହି କାର୍ଯ୍ୟାନୁଷ୍ଠାନକୁ 'ଅପରେସନ ପିମ୍ପଲ୍' ନାଁ ଦିଆଯାଇଛି । ଚିନାର କୋର୍ପ କହିଛି ଯେ ଅଞ୍ଚଳରେ ଏବେବି ସର୍ଚ୍ଚ ଅପରେସନ ଜାରି ରହିଛି । ସେନା ପକ୍ଷରୁ କୁହାଯାଇଛି ଯେ ଗୁଇନ୍ଦା ଏଜେନ୍ସିର ଇନପୁଟ୍ ମିଳିବା ପରେ କୁପୱାଡ଼ାରେ ଅନୁପ୍ରବେଶ ହୋଇଛି । ଏହି ଆଧାରରେ ସେନା ପୁକୱାଡାର କେରନ ସେକ୍ଟରରେ ମିଳିତ ଅଭିଯାନ ଆରମ୍ଭ କରିଥିଲା । ଏହି ସମୟରେ ଆତଙ୍କବାଦୀଙ୍କ ସନ୍ଦିଗ୍ଧ ଗତିବିଧି ନଜରକୁ ଆସିଥିଲା । ଏହାପରେ ସେନା ପକ୍ଷରୁ ତୁରନ୍ତ ପଦକ୍ଷେପ ନେଇ ଅଞ୍ଚଳରେ ଘେରାବନ୍ଦୀ କରାଯାଇଥିଲା । ଆତଙ୍କୀମାନେ ସେନା ଉପରୁ ଆଖିବୁଜା ଗୁଳି ମାଡ଼ କରିଥିଲେ । ସେନା ପକ୍ଷରୁ ଏହାର ପାଲଟା ଜବାବରେ ଫାୟାରିଂ କରାଯାଇଥିଲା ।

ଆତଙ୍କବାଦୀଙ୍କ ସର୍ଚ୍ଚ ଅପରେସନ ସହ ଜମ୍ମୁ କାଶ୍ମୀରର ଜିଲ୍ଲାର ବନ୍ଦୀଙ୍କ ବି ଯାଞ୍ଚ ବି ଆରମ୍ଭ ହୋଇଛି । କାଉଣ୍ଟର ଇଣ୍ଟେଲିଜେନ୍ସି କାଶ୍ମୀରର କମ୍ୟୁନିକେସନ ଡିଭାଇସର ଯାଞ୍ଚ୍ ପାଇଁ ଅଭିଯାନ ଚଲାଇଛି । ଏହା ବ୍ୟତୀତ ଜମ୍ମୁ ଜିଲ୍ଲୀର ପୋଲିସ ସିମ୍ କାର୍ଡ ବ୍ରିକତାଙ୍କ ଠିକଣା ଉପରେ ଚଢଉ କରାଯାଇଛି । ଏବେ ସୁଦ୍ଧା ୭୦ରୁ ଅଧିକ ଠିକଣାରେ ଚଢଉ କରାଯାଇଛି ।  

ଶ୍ରୀନଜରରେ ପୋଲିସ ୩ ସନ୍ଦିଗ୍ଧ ଲୋକଙ୍କୁ ଗିରଫ କରିଛି । ସେମାନଙ୍କ ପାଖରୁ ହତିଆର ଓ ଗୋଳା-ବାରୁଦ ମିଳିଛି । ସେନା ସାମଗ୍ରୀ ଜବତ କରି ଆତଙ୍କୀଙ୍କ ଷଡ଼ଯନ୍ତ୍ରକୁ ବିଫଳ କରିଛି । ପୋଲିସ ଅଧିକାରୀ କହିଛନ୍ତି, ମମତା ଚୌକ, କୋନାଖାନ ଡଲଗେଟରେ ଯାଞ୍ଚରୁ ଜୋରଦାର କରାଯାଇଛି । ବିନା ନମ୍ୱର ପ୍ଲେଟ୍ ଥିବା ମୋଟରସାଇକେଲକୁ ଅଟକାଇବା ବେଳେ ଜୁଇ ଜଣ ଫେରାର୍ ହେବାକୁ ଉଦ୍ୟମ କରିଥିଲେ, କିନ୍ତୁ ପୋଲିସ ସେମାନଙ୍କୁ ଗିରଫ କରିବାରେ ସଫଳ ହୋଇଛି ।