କାମାକ୍ଷନଗର ୨୯।୦୪ : ଢେଙ୍କାନାଳ ଜିଲ୍ଲା କାମାକ୍ଷାନଗର ଖୁଣ୍ଟାପଶି ଜଙ୍ଗଲରେ ଏନ୍କାଉଣ୍ଟର । କୁଖ୍ୟାତ ଅପରାଧୀ ସୁବାଷ ଖୁଣ୍ଡିଆକୁ ପୋଲିସର ଏନ୍କାଉଣ୍ଟର । ଯାହାଫଳରେ ଅପରାଧୀ ସୁବାଷ ଗୁରୁତର ହୋଇଥିବା ଜଣାପଡିଛି ।
ଖବର ଅନୁଯାୟୀ, କାମାକ୍ଷାନଗର ଖୁଣ୍ଟାପଶି ଜଙ୍ଗଲରେ କୁଖ୍ୟାତ ଅପରାଧୀ ସୁବାଷ ଖୁଣ୍ଟିଆ ଲୁଚି ଥିବା ଜାଣିବାକୁ ପାଇଥିଲା ପୋଲିସ । ଏହାପରେ ପୋଲିସର ସ୍ୱତନ୍ତ୍ର ଟିମ୍ ଜଙ୍ଗଲରେ ଅପରାଧୀକୁ ଧରିବାକୁ ଚେଷ୍ଟା କରିଥିଲା । ହେଲେ ପୋଲିସକୁ ଚକ୍ମା ଦେଇ ଖସିବାକୁ ଉଦ୍ୟମ କରୁଥିଲା ଅପରାଧୀ ସୁବାଷ । ଶେଷରେ ପୋଲିସ ଗୁଳିରେ ସୁବାଷ ଆହତ ହୋଇଛି । ସୁବାଷର ବାମ ଗୋଡ଼ରେ ଲାଗିଛି ଗୁଳି । ଯାହାଫଳରେ ସୁବାଷ ଗୁରୁତର ଥିବା ଜଣାପଡିଛି । ଗୁରୁତର ଅବସ୍ଥାରେ ସୁବାଷକୁ ମେଡିକାଲରେ ଭର୍ତ୍ତି କରାଯାଇଛି ।
ତେବେ ସୁବାଷ ନାମରେ ୧୮ଟି ମାମଲା ରହିଛି । ଦୁଇଟି ମର୍ଡର କେସ୍, ଡକାୟତି ସହ ଦାଦାବଟି ଭଳି ସଙ୍ଗିନ ଅଭିଯୋଗ ରହିଛି । ଏନ୍କାଉଣ୍ଟର ପରେ ସୁବାଷ ନିକଟରୁ ଏକ ବନ୍ଧୁକ ମଧ୍ୟ ଜବତ ହୋଇଛି । କିଙ୍ଗ ଅଫ ଫରେଷ୍ଟ ଗ୍ୟାଙ୍ଗର ପ୍ରମୁଖ ସହଯୋଗୀ ଥିଲା ସୁବାଷ ।