କୋଲକାତା : ମୁମ୍ୱାଇରୁ କୋଲକାତା ଯାଉଥିବା ଇଣ୍ଡିଗୋର ଫ୍ଲାଇଟ୍ରେ ଶୁକ୍ରବାର ( ୧ ଜୁଲାଇ) ଜଣେ ଯାତ୍ରୀ ଅନ୍ୟ ଜଣେ ଯାତ୍ରୀଙ୍କୁ ଚାପୁ଼ଡ଼ା ମାରିଥିଲେ। ଏହାର ଭିଡ଼ିଓ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେଉଛି। ଚାପୁଡ଼ା ମାରିବା ପରେ ଅନ୍ୟ ଯାତ୍ରୀମାନେ ସେହି ଯାତ୍ରୀ ଉପରେ ଅସନ୍ତୁଷ୍ଟ ହୋଇଥିଲେ। ଏହି ସମୟରେ , ଏୟାରହୋଷ୍ଟେସ ମଧ୍ୟ ଯାତ୍ରୀଙ୍କୁ ଏମିତି ବ୍ୟବହାର ନକରିବାକୁ ଅପିଲ କରିବାର ଦେଖିବାକୁ ମିଳିଥିଲା। ଅନ୍ୟପଟେ ଚାପୁଡ଼ା ଖାଇଥିବା ବ୍ୟକ୍ତି ତୁରନ୍ତ କାନ୍ଦି ପକାଇ ଥିଲେ।
ଉକ୍ତ ଘଟଣା ଇଣ୍ଡିଗୋର ଫ୍ଲାଇଟ୍ ସଂଖ୍ୟା 6E138 ରେ ବିମାନର ଲ୍ୟାଣ୍ଡ କରିବାରେ ହୋଇଛି। ଚାପୁଡ଼ା ମାରିଥିବା ବ୍ୟକ୍ତିଙ୍କୁ କୋଲକାତା ଏୟାରପୋର୍ଟରେ ସିକ୍ୟୁରିଟି ଟିମ୍କୁ ହ୍ୟାଣ୍ଡ ଓଭର କରି ଦିଆଯାଇଛି। ସୂତ୍ରାନୁସାରେ , ଯାତ୍ରୀଙ୍କୁ ଏୟାରଲାଇନ୍ସ ଦ୍ୱାରା ‘ ଅନରୁଲି’ ଘୋଷିତ କରି ଦିଆ ଯାଇଛି।
ଇଣ୍ଡିଗୋ ଏକ ସରକାରୀ ବିବୃତ୍ତିରେ କହିଛି, ଆମର ଏକ ବିମାନରେ ହୋଇଥିବା ମାରପିଟି ଘଟଣାରେ ଆମେ ଅବଗତ। ଏମିତି ଅଶୋଭନୀୟ ଆଚରଣ ସଂପୂର୍ଣ୍ଣ ଗ୍ରହଣୀୟ ନୁହେଁ। ଆମର ଯାତ୍ରୀ ଓ କର୍ମଚାରୀଙ୍କ ସୁରକ୍ଷା ଓ ସମ୍ମାନକୁ ବିପଦରେ ପକାଇବା ଯେକୌଣସି କାର୍ଯ୍ୟକୁ ଆମେ ଦୃଢ଼ ନିନ୍ଦା କରୁଛି। ଆମର ଚାଳକ ଟିମ୍ ସ୍ଥାପିତ ମାନକ ସଂଚାଳନ ପ୍ରକ୍ରିୟା ଅନୁସାରେ କାମ କରିଛନ୍ତି।
ସମ୍ୱନ୍ଧିତ ବ୍ୟକ୍ତିଙ୍କୁ ଅନରୁଲି ବିବେଚନା କରି ତାଙ୍କୁ ସୁରକ୍ଷା ଅଧିକାରୀଙ୍କୁ ପ୍ରଦାନ କରାଯାଇଛି। ପ୍ରୋଟୋକଲ ଅନୁସାରେ ,ସବୁ ସମ୍ୱନ୍ଧିତ ନିୟାମକ ଏଜେନ୍ସି ଗୁଡ଼ିକୁ ବିଧିବଦ୍ଧ ଭାବେ ଅବଗତ କରାଯାଇଛି। ଆମେ ଆମର ସବୁ ବିମାନରେ ଏକ ସୁରକ୍ଷିତ ଓ ସମ୍ମାନଜନକ ବାତାବରଣ ବଜାୟ ରଖିବା ପାଇଁ ପ୍ରତିଶ୍ରୁତିବଦ୍ଧ। ସୋସିଆଲ ମିଡ଼ିଆରେ ଘଟଣାର ଭିଡ଼ିଓ ଭାଇରାଲ ହେଉଛି।
