ପାରାଦୀପ ୧୫।୮: ପାରାଦୀପ ପୌର ପରିଷଦର ଉପାଧ୍ୟକ୍ଷାଙ୍କୁ ଘରେ ପଶି ଆକ୍ରମଣ । ଆକ୍ରମଣରେ ଉପାଧ୍ୟକ୍ଷା ଏବଂ ତାଙ୍କ ସ୍ଵାମୀ ଆହତ ହୋଇଛନ୍ତି । ବୁଧବାର ବିଳମ୍ବିତ ରାତିରେ ଉପାଧ୍ୟକ୍ଷା ଛବିଲତା ରାଉତ ଅଠରବାଙ୍କୀ ଦୁଇ ନମ୍ବର ୱାର୍ଡ ଲକପଡାରେ ରହୁଥିଲେ । କିଛି ଯୁବକ କଳା ରଙ୍ଗର ଡ୍ରେସ ପିନ୍ଧି ଏକ ଇନୋଭା କାର୍‌ରେ ଅଚାନକ ଛବିଲତାଙ୍କ ଘର ଆଗରେ ଗାଡି ରଖି ହର୍ଣ୍ଣ ବଜାଇଥିଲେ । କିଏ ଡାକୁଛି ଭାବି ଛବିଲତା ଏବଂ ତାଙ୍କ ସ୍ଵାମୀ ବାହାରକୁ ଯିବା କ୍ଷଣି ତାଙ୍କ ମୁଣ୍ଡରେ ଦୁଇଟି ବନ୍ଧୁକ ଲଗାଇ ତାଙ୍କୁ ମାଡମାରି ରକ୍ତାକ୍ତ କରି ପକାଇଥିଲେ । ଉପାଧ୍ୟକ୍ଷାଙ୍କ ଚିତ୍କାର ଶୁଣି ପାଖ ପଡୋଶୀ ଉଠିଆସିବାରୁ ସେମାନେ ପଳାଇଥିବା ଓ ଉପାଧ୍ୟକ୍ଷା ଏ ନେଇ ପାରାଦୀପ ଆଦର୍ଶ ଥାନାରେ ଲିଖିତ ଅଭିଯୋଗ କରିଥିବା ପ୍ରକାଶ କରିଛନ୍ତି । ଆକ୍ରମଣର କାରଣ ସଠିକ୍ ଭାବେ ଜଣାପଡି ନଥିବା ବେଳେ କ’ଣ ପାଇଁ ଏମାନେ ଅତର୍କିତ ଭାବେ ରାତିଅଧରେ ଉପାଧ୍ୟକ୍ଷା ଓ ତାଙ୍କ ସ୍ୱାମୀଙ୍କୁ ମରଣାନ୍ତକ ଆକ୍ରମଣ କଲେ ତାହା ଏବେ ପୋଲିସ ତଦନ୍ତ କରୁଛି ।

You Can Read:

ମିଳିଲା ନିଖୋଜ ଯୁବକ ମଣ୍ଟୁଙ୍କ ମୃତଦେହ, ବିରୂପା ନଦୀକୁ ଫିଙ୍ଗି ଦେଇଥିବା ହୋଇଥିଲା ଅଭିଯୋଗ