ସମାନ ଟିମ୍ ସମାନ ମଇଦାନ...ଭାରତ ନେବ ୧୯୮୭ ପରାଜୟର ପ୍ରତିଶୋଧ, ତେବେ ଯାଇ ମିଳିବ ଫାଇନାଲ୍ ଟିକେଟ୍

ନୂଆଦିଲ୍ଲୀ: ୨୦୨୬ ଟି-୨୦ ବିଶ୍ଵକପର ନକଆଉଟ୍ ପର୍ଯ୍ୟାୟ ମାର୍ଚ୍ଚ ୪ ତାରିଖରେ ଆରମ୍ଭ ହେବ। ଟୁର୍ଣ୍ଣାମେଣ୍ଟର ଦ୍ଵିତୀୟ ସେମିଫାଇନାଲ୍ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବ। ଇଂଲଣ୍ଡ ଗ୍ରୁପ୍ ୨ରେ ଶୀର୍ଷରେ ରହି ସେମିଫାଇନାଲରେ ପହଞ୍ଚିଛି। ଅନ୍ୟପକ୍ଷରେ ଭାରତ ସୁପର ୮ ରାଉଣ୍ଡରେ ଦ୍ଵିତୀୟ ସ୍ଥାନ ଅଧିକାର କରିଛି। ଏଥିସହ କ୍ରମାଗତ ତୃତୀୟ ଥର ଟି-୨୦ ବିଶ୍ୱକପ୍ ସେମିଫାଇନାଲ୍ରେ ପରସ୍ପରକୁ ଭେଟିବେ ଭାରତ ଓ ଇଂଲଣ୍ଡ। ଟିମ୍ ଇଣ୍ଡିଆ ପାଖରେ ବହୁ ପୂର୍ବ ପରାଜୟର ପ୍ରତିଶୋଧ ନେବାର ସୁଯୋଗ ରହିଛି।

 ୧୯୮୭ ପରାଜୟର ପ୍ରତିଶୋଧ ନେବାର ସୁଯୋଗ

୨୦୨୬ ଟି-୨୦ ବିଶ୍ଵକପରର ଦ୍ଵିତୀୟ ସେମିଫାଇନାଲ ଭାରତ ଏବଂ ଇଂଲଣ୍ଡ ମଧ୍ୟରେ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ମାର୍ଚ୍ଚ ୫ରେ ଖେଳାଯିବ। ଏଠାରେ ୧୯୮୭ ବିଶ୍ୱକପ ସେମିଫାଇନାଲରେ ଭାରତ ଇଂଲଣ୍ଡଠାରୁ ପରାସ୍ତ ହୋଇଥିଲା। ଇତିହାସ ପୁନରାବୃତ୍ତି କରିବାକୁ ପୁଣି ଥରେ ଚେଷ୍ଟା କରିବ ଇଂରେଜ ଟିମ୍। କିନ୍ତୁ ଏଥର ଟିମ୍ ଇଣ୍ଡିଆ ପୂର୍ବ ପରାଜୟର ପ୍ରତିଶୋଧ ନେବା ପାଇଁ ସମ୍ପୂର୍ଣ୍ଣ ପ୍ରସ୍ତୁତ। ଗୋଟିଏ ବିଜୟ ଭାରତକୁ ଫାଇନାଲରେ ପହଞ୍ଚାଇବ।

Also read: ଭାରତ ସେମି ଫାଇନାଲ୍ ଯିବାରୁ ପାକିସ୍ତାନରେ ଭାଙ୍ଗିଲା ଟିଭି, ଖୁବ୍ ଟ୍ରୋଲ ହେଲେ ମହମ୍ମଦ ଆମିର

୧୯୮୭ ନଭେମ୍ବର ୫ରେ ଭାରତ ଏବଂ ଇଂଲଣ୍ଡ ୱାଙ୍ଖେଡେ ଷ୍ଟାଡିୟମରେ ବିଶ୍ଵକପର ଦ୍ଵିତୀୟ ସେମିଫାଇନାଲରେ ମୁହାଁମୁହିଁ ହୋଇଥିଲେ। ଉକ୍ତ ମ୍ୟାଚରେ ଭାରତ ଘରୋଇ ମାଟିରେ ଫାଇନାଲରେ ପହଞ୍ଚିବାର ସମ୍ଭାବନା ଅଧିକ ଥିଲା। ଭାରତ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ତଥାପି ଇଂଲଣ୍ଡ ୫୦ ଓଭରରେ ୨୫୪ ରନର ଏକ ଦୃଢ଼ ସ୍କୋର କରିଥିଲା। ଜବାବରେ ଭାରତର ଆରମ୍ଭ ଖରାପ ଥିଲା। ଦଳ ୪୫.୩ ଓଭରରେ ୨୧୯ ରନରେ ଅଲଆଉଟ୍ ହୋଇଥିଲା। ଏହି ପରାଜୟ ଭାରତୀୟ କ୍ରିକେଟ ପ୍ରେମୀଙ୍କ ପାଇଁ ଏକ ଝଟକା ଥିଲା, କାରଣ ଘରୋଇ ମାଟିରେ ସେମିଫାଇନାଲ ହାରିବା ଏକ ବଡ଼ ଆଘାତ ଥିଲା।

ୱାଙ୍ଖେଡେ ଷ୍ଟାଡିୟମରେ ଇତିହାସ ବଦଳିଯିବ

୩୯ ବର୍ଷ ପରେ, ସେହି ୱାଙ୍ଖେଡେ ଷ୍ଟାଡିୟମ, ସେହି ଦୁଇଟି ଦଳ, କିନ୍ତୁ ଫର୍ମାଟ୍ ହେଉଛି ଟି-୨୦। ଏହି ମ୍ୟାଚ୍ ଭାରତୀୟ ଦଳ ପାଇଁ କେବଳ ଏକ ସେମିଫାଇନାଲ ନୁହେଁ ବରଂ ଏକ ପୁରୁଣା ସ୍ମୃତିକୁ ମନେ ରଖିବାର ଏକ ସୁଯୋଗ ମଧ୍ୟ। ଶେଷ ଥର ୨୦୧୬ରେ ଓ୍ଵାଙ୍ଖେଡେ ଷ୍ଟାଡିୟମରେ ଭାରତରେ ଟି-୨୦ ବିଶ୍ୱକପ୍ ସେମି ଫାଇନାଲ୍ ମ୍ୟାଚ୍ ଓ୍ଵେଷ୍ଟଇଣ୍ଡିଜ ବିପକ୍ଷରେ ଖେଳିଥିଲା। ଉକ୍ତ ମ୍ୟାଚରେ ଭାରତୀୟ ଦଳ ୱେଷ୍ଟଇଣ୍ଡିଜ୍ ଠାରୁ ପରାସ୍ତ ହୋଇଥିଲା। ଏଥର ଟିମ୍ ଇଣ୍ଡିଆ ୱେଷ୍ଟଇଣ୍ଡିଜ୍ ଉପରେ ବିଜୟର ପ୍ରତିଶୋଧ ନେଇଛି ଏବଂ ଏବେ ଇଂଲଣ୍ଡର ପାଳି।

Also read: ସାମସନଙ୍କ ୯୭ ରନ ସହ କୋଚ୍ ଗମ୍ଭୀରଙ୍କ ଖାସ୍ କନେକସନ....୬ ବର୍ଷ ପୂର୍ବର ଭବିଷ୍ୟବାଣୀ ସତ