ଇମ୍ରାନ ଖାନ୍‌ଙ୍କୁ ୧୪ ବର୍ଷ ଜେଲ୍ ଦଣ୍ଡ; ଟ୍ରଷ୍ଟ ଦୁର୍ନୀତି ମାମଲାରେ ସଜା ଶୁଣାଇଲେ କୋର୍ଟ

Published By : Prameya-News7 Bureau | January 17, 2025 IST

ନୂଆଦିଲ୍ଲୀ: ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ପାଇଁ ପୁଣି ବଢ଼ିଲା ଅଡ଼ୁଆ । ଅଲକାଦିର ଟ୍ରଷ୍ଟ ଦୁର୍ନୀତି ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ତେହରିକ୍-ଏ-ଇନସାଫ୍ ମୁଖ୍ୟ । ତାଙ୍କୁ ୧୪ ବର୍ଷ ଏବଂ ତାଙ୍କ ପତ୍ନୀଙ୍କୁ ୭ ବର୍ଷ  ଦଣ୍ଡାଦେଶ ଶୁଣାଇଛନ୍ତି ରାଓ୍ବଲପିଣ୍ଡିର ଅଦିୟାଲା ଜେଲ୍ ଅଦାଲତ । ଏହା ସହିତ ୧୯୦ ମିଲିୟନ ପାଉଣ୍ଡର ଜୋରିମନା ଲଗାଇଛନ୍ତି । ପୂର୍ବରୁ ଏକ ମାମଲାରେ ଦୋଷୀ ସାବ୍ୟସ୍ତ ହୋଇ ଇମ୍ରାନ ଖାନ ରାଓ୍ବାଲପିଣ୍ଡିର ଏକ ଜେଲରେ ୨୦୨୩ ଅଗଷ୍ଟ ମାସରୁ ବନ୍ଦ ଅଛନ୍ତି । ଏବେ ଟ୍ରଷ୍ଟ ଦୁର୍ନୀତି କେସରେ ପୁଣି ଦୋଷୀ ସାବ୍ୟସ୍ତ ହୋଇଛନ୍ତି ଇମ୍ରାନ।

ଅଲକାଦିର ଟ୍ରଷ୍ଟ ଦୁର୍ନୀତି ମାମଲାର ଶୁଣାଣି ୨୦୨୪ ଡିସେମ୍ବର ମାସରେ ହୋଇଥିଲା । ରାଓ୍ବଲପିଣ୍ଡି ଅଦାଲତ ସମସ୍ତ ପକ୍ଷରୁ ଶୁଣିବା ପରେ ରାୟ ସଂରକ୍ଷିତ ରଖିଥିଲେ । ପୂର୍ବରୁ ଅଦିୟାଲା ଜେଲ୍ ଅଦାଲତ ରାୟ ଶୁଣାଣିକୁ ୩ ଥର ଟାଳିଥିଲେ । ଆଜି ଇମ୍ରାନ ଖାନ ଏବଂ ତାଙ୍କ ପତ୍ନୀଙ୍କ ବିରୋଧରେ ରାୟ ଆସିବା ପରେ ତୁରନ୍ତ ବୁଶାରା ବିବିଙ୍କୁ ଆଟକ ରଖିଛି ପୋଲିସ । 

ସୂଚନା ଅନୁଯାୟୀ, ଆଲକାଦିର ବିଶ୍ବ ବିଦ୍ୟାଳୟର ଟ୍ରଷ୍ଟ ପ୍ରୋଜେକ୍ଟରେ ପ୍ରାୟ ୧୯୦ ମିଲିୟନ ପାଉଣ୍ଡ ଦୁର୍ନୀତି ନେଇ ଅଭିଯୋଗ ହୋଇଥିଲା । ୟୁକେ ରାଷ୍ଟ୍ରୀୟ ଅପରାଧ ଏଜେନ୍ସି ଏବଂ ପାକିସ୍ତାନ ଅଧିକାରୀଙ୍କ ମଧ୍ୟରେ ହୋଇଥିବା ବୁଝାମଣାରେ ଟଙ୍କାକୁ ନିଜସ୍ବ ଫାଇଦା ପାଇଁ ଡାଇଭର୍ଟ କରାଯାଇଥିଲା ।

ରାୟ ଶୁଣାଣିର ୪ଦିନ ପୂର୍ବରୁ  ଇମ୍ରାନ ଖାନ ତାଙ୍କ ବିରୋଧରେ ଆସିଥିବା ଅଭିଯୋଗକୁ ଖାରଜ୍ କରିଥିଲେ । ରାଜନୈତିକ ମସୁଧା ରଖି ତାଙ୍କ ବିରୋଧରେ ଷଡ଼ଯନ୍ତ୍ର କରାଯାଉଥିବା ଇମ୍ରାନ ଖାନ୍ କହିଥିଲେ । ଏହା ସହିତ ରାୟ ଆସିବାରେ କାହିଁକି ବିଳମ୍ବ ହେଉଛି ବୋଲି ସେ ପ୍ରଶ୍ନ କରିଥିଲେ । ରାଓ୍ବଲପିଣ୍ଡି କୋର୍ଟଙ୍କ ଏହି ଇମ୍ରାନ ଖାନଙ୍କ ପାଇଁ ଚତୁର୍ଥ ବଡ଼ ଝଟକା । ଏହା ପୂର୍ବରୁ  ୨୦୨୩ରେ ସରକାରୀ ଉପହାର ବିକ୍ରି ଏବଂ ସରକାରୀ ତଥ୍ୟ ଲିକ୍ ମାମଲାରେ ଦୋଷୀ ସାବ୍ୟସ୍ତ ହୋଇଛନ୍ତି ।...

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.