ନୂଆଦିଲ୍ଲୀ: ଭାରତୀୟ ସେନାର ଅପରେସନ ସିନ୍ଦୂର ପରେ ବାଉଳା ହୋଇଛି ପାକିସ୍ତାନ । ପଡ଼ୋଶୀ ଦେଶ ଭାରତ ବିରୋଧରେ ଆକ୍ସନ ନେଇଛି । ଶହବାଜ ଶରିଫ୍ ସରକାର ୧୬ ଭାରତୀୟ ୟୁଟ୍ୟୁବ ଚ୍ୟାନେଲକୁ ପାକିସ୍ତାନରେ ବ୍ୟାନ୍ କରିଦେଇଛନ୍ତି । ଏହାଛଡ଼ା ୩୨ଟି ୱେବସାଇଟ୍ ଉପରେ ମଧ୍ୟ ପ୍ରତିବନ୍ଧକ ଲଗାଇଛନ୍ତି । ଏହାର ଅର୍ଥ ହେଉଛି ଏହି ୟୁଟ୍ୟୁବ ନ୍ୟୁଜ୍ ଚ୍ୟାନେଲ ଓ ଓ୍ବେବସାଇଟ୍ ଗୁଡ଼ିକ ସେଠାରେ ଆଉ ଚାଲିବ ନାହିଁ । ବର୍ତ୍ତମାନର ପରିସ୍ଥିତିକୁ ଦେଖି ପାକିସ୍ତାନ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ପାକିସ୍ତନ ଜଣେ ଅଧିକାରୀ କହିଛନ୍ତି, ପାକିସ୍ତାନର ଜାତୀୟ ସୁରକ୍ଷାକୁ ଦୃଷ୍ଟିରେ ରଖି ପାକିସ୍ତାନ ଟେଲିକମ୍ୟୁନିକେସନ୍ ଅଥରିଟି ୧୬ଟି ଭାରତୀୟ ୟୁଟ୍ୟୁବ୍ ଚ୍ୟାନେଲ୍, ୩୧ଟି ୟୁଟ୍ୟୁବ୍ ଲିଙ୍କ୍ ଓ ୩୨ଟି ୱେବସାଇଟ୍ ବ୍ଲକ୍ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ପାକିସ୍ତାନରେ ଟେଲିକମ୍ ବ୍ୟବହାରକାରୀଙ୍କ ପାଇଁ ଏକ ନିରାପଦ, ସୁରକ୍ଷିତ ଓ ନିର୍ଭରଯୋଗ୍ୟ ଇଣ୍ଟରନେଟ୍ ପରିବେଶ ବଜାୟ ରଖିବାକୁ ପିଟିଏ ପରିକରବଦ୍ଧ ।
ପିଟିଏ ଅନଲାଇନ୍ କଣ୍ଟେଣ୍ଟ ଉପରେ ନଜର ରଖିବା ଓ ଜାତୀୟ ସ୍ୱାର୍ଥକୁ ବିପଦରେ ପକାଉଥିବା ୧୬ ଭାରତୀୟ ୟୁଟ୍ୟୁବ ଚ୍ୟାନେଲ୍ ଓ ୩୨ ଓ୍ବେବସାଇଟ୍ ବିରୋଧରେ କାର୍ଯ୍ୟନୁଷ୍ଠାନ ଗ୍ରାହଣ କରାଯାଇଛି । ଗତ ସପ୍ତାହରେ ଭାରତ ମଧ୍ୟ ପାକିସ୍ତାନର କେତେକ ଏକ୍ସ ହାଣ୍ଡଲ, ୟୁଟ୍ୟୁବ ଚ୍ୟାନେଲ ଓ ଓ୍ବେବସାଇଟକୁ ନିଷିଦ୍ଧ କରାଯାଇଥିଲା । ଏଥିରେ ପାକିସ୍ତାନ ଡନ୍ ନ୍ୟୁଜ୍, ସାମା ଟିଭି, ଏୟାରାଓ୍ବାଇ ନ୍ୟୁଜ୍ ଓ ଜିୟୋ ନ୍ୟୁଜ୍ ଭଳି ୧୬ଟି ୟୁଟ୍ୟୁବ ଚ୍ୟାନେଲ୍ ରହିଛି । ପହଲଗାମ ହମଲାରେ ଦୁଇ ଦେଶ ମଧ୍ୟରେ ତିକ୍ତତା ବଢ଼ୁଛି । ଏହାକୁ ଦୃଷ୍ଟିରେ ରଖି ଗୃହମନ୍ତ୍ରାଳୟର ସୁପାରିଶ୍ କ୍ରମେ ପାକିସ୍ତାନ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରାଯାଇ ଏହି ସବୁ ଚ୍ୟାନେଲକୁ ବନ୍ଦ କରାଯାଇଛି ।...
