“ଦମନ ହେଲେ, ଜିହାଦ ହେବ”, ମୌଲାନା ମଦାନୀଙ୍କ ବିବାଦୀୟ ବୟାନ-ସୁପ୍ରିମକୋର୍ଟଙ୍କୁ “ସୁପ୍ରିମ” କହିବାର ଅଧିକାର ନାହିଁ

ନୂଆଦିଲ୍ଲୀ: ଜମିୟତ ଉଲେମା-ଏ-ହିନ୍ଦ ମୁଖ୍ୟ ମୌଲାନା ମହମୁଦ ମଦାନି ଏକ ବଡ଼ ବୟାନ ଦେଇଛନ୍ତି । ସେ କହିଛନ୍ତି, ଦୁଃଖର ତଛା ଯେ ଗତ କିଛି ବର୍ଷ ହେଲା ଖାସ୍ କରି ବାବ୍ରୀ ମସଜିଦ ଓ ତିନି ତଲାକ୍ ପରି ମାମଲାରେ ଆସିଥିବା ରାୟ ପରେ ଏହି ମତ ଆସୁଛି ଯେ କୋର୍ଟ ଶାସନର ଚାପରେ କାମ କରୁଛି । ବର୍ତ୍ତମାନ ସମୟରେ ୱାର୍ଶିପ୍ ଆକ୍ଟକୁ ଅଣଦେଖା କରି ଜ୍ଞାନବାପୀ ଓ ମଥୁରା ମାମଲାରେ ଶୁଣାଣି ହେଉଛି । ସୁପ୍ରିମକୋର୍ଟ ସେପର୍ଯ୍ୟନ୍ତ ହିଁ ସୁପ୍ରିମକୋର୍ଟ ବୋଲାଇବା ଅଧିକାର ରଖନ୍ତି, ଯେପର୍ଯ୍ୟନ୍ତ ସେ ସମ୍ବିଧାନକୁ କାର୍ଯ୍ୟକାରୀ କରୁଛି ।

ମହମୁଦ ମଦାନୀ କହିଛନ୍ତି, "ଇସଲାମ ଏବଂ ମୁସଲମାନଙ୍କ ଶତ୍ରୁମାନେ ଜିହାଦର ଧାରଣାକୁ ଦୁର୍ବ୍ୟବହାର, ବିଶୃଙ୍ଖଳା ଏବଂ ହିଂସା ସହିତ ଜଡିତ ଏକ ଶବ୍ଦରେ ପରିଣତ କରିଛନ୍ତି । ଲଭ୍ ଜିହାଦ, ଲ୍ୟାଣ୍ଡ ଜିହାଦ, ଶିକ୍ଷା ଜିହାଦ ଏବଂ ସ୍ପିଟ୍ ଜିହାଦ ଭଳି ଶବ୍ଦ ବ୍ୟବହାର କରିବା ମୁସଲମାନମାନଙ୍କୁ ଗଭୀର ଭାବରେ ଆଘାତ କରେ ଏବଂ ସେମାନଙ୍କ ଧର୍ମକୁ ଅପମାନିତ କରେ । ଏହା ଦୁର୍ଭାଗ୍ୟଜନକ ଯେ ସରକାର ଏବଂ ଗଣମାଧ୍ୟମରେ ଦାୟିତ୍ୱରେ ଥିବା ବ୍ୟକ୍ତିମାନେ ମଧ୍ୟ ଏପରି ଶବ୍ଦ ବ୍ୟବହାର କରିବାରେ ଲଜ୍ଜା ଅନୁଭବ କରନ୍ତି ନାହିଁ । ଯେତେବେଳେ ବି କୌଣସି ଆତଙ୍କବାଦୀ ଘଟଣା ଘଟେ, ତାହାକୁ ଜିହାଦ ବୋଲି କୁହାଯାଏ । ମୁସଲମାନମାନଙ୍କୁ ଅଭିଯୁକ୍ତ କରାଯାଏ । ଯେତେବେଳେ ବି ଅତ୍ୟାଚାର ହୁଏ, ସେତେବେଳେ ଜିହାଦ ହେବ ।"

Bhopal, Madhya Pradesh: Islamic scholar Maulana Mahmood Madani says, "...The enemies of jihad, Islam, and Muslims have turned Islam’s sacred concepts, such as jihad, into terms associated with abuse, disorder and violence. By using phrases like ‘love jihad,’ ‘land jihad,’… pic.twitter.com/KbKSOhhsaD

— IANS (@ians_india) November 29, 2025

ଜମିଆତ ଉଲେମା-ଏ-ହିନ୍ଦର ଜାତୀୟ ପରିଚାଳନା ବୈଠକରେ ମୌଲାନା ମହମୁଦ ମଦାନୀ କହିଛନ୍ତି, "ଦେଶର ବର୍ତ୍ତମାନର ପରିସ୍ଥିତି ଅତ୍ୟନ୍ତ ସମ୍ବେଦନଶୀଳ ଏବଂ ଚିନ୍ତାଜନକ । ଦୁଃଖର ବିଷୟ, ଏହା କହିବାକୁ ପଡିବ ଯେ ଏକ ନିର୍ଦ୍ଦିଷ୍ଟ ସମ୍ପ୍ରଦାୟକୁ ଟାର୍ଗେଟ କରାଯାଉଛି । ଅନ୍ୟ ସମ୍ପ୍ରଦାୟଗୁଡ଼ିକୁ ଆଇନଗତ ଭାବରେ ଅସହ୍ୟ, ସାମାଜିକ ଭାବରେ ବିଚ୍ଛିନ୍ନ ଏବଂ ଆର୍ଥିକ ଭାବରେ ଅପମାନିତ କରାଯାଉଛି । ସେମାନଙ୍କ ଧର୍ମ, ପରିଚୟ ଏବଂ ଅସ୍ତିତ୍ୱକୁ ଦୁର୍ବଳ କରିବା ପାଇଁ ବ୍ୟବସ୍ଥିତ ଏବଂ ସଂଗଠିତ ପ୍ରୟାସ କରାଯାଉଛି ।

ଜମିଅତ ଉଲେମା-ଏ-ହିନ୍ଦ ମୁଖ୍ୟ ମୌଲାନା ମହମୁଦ ମଦାନୀଙ୍କ ବୟାନ ଉପରେ ବିଜେପି ପ୍ରତିକ୍ରିୟା ରଖିଛି । ସମ୍ବିତ ପାତ୍ର କହିଛନ୍ତି ଯେ ଭୋପାଳରେ ମଦାନୀଙ୍କ ବୟାନ ଉତ୍ତେଜନାପୂର୍ଣ୍ଣ ଏବଂ ବିଭାଜନକାରୀ । ଆମେ ଦେଖିଛୁ ଯେ ଲୋକମାନେ ଜିହାଦ ନାମରେ କେବଳ ଭାରତରେ ନୁହେଁ ବରଂ ଭାରତ ବାହାରେ ମଧ୍ୟ ଆତଙ୍କବାଦ ପ୍ରସାର କରିଛନ୍ତି । ସେ ଆହୁରି କହିଛନ୍ତି ଯେ ମୌଲାନା ମଦାନୀ କହିଛନ୍ତି ଯେ ସୁପ୍ରିମକୋର୍ଟଙ୍କୁ ସୁପ୍ରିମ କହିବାର କୌଣସି ଅଧିକାର ନାହିଁ । ସୁପ୍ରିମକୋର୍ଟ ମୌଲାନା ମଦାନୀଙ୍କ ବୟାନର ଉରରେ ନିଜ ଆଡ଼ୁ ହସ୍ତକ୍ଷେପ କରି ଏହାର ଶୁଣାଣି କରିବା ଉଚିତ ।