ନୂଆଦିଲ୍ଲୀ: ଅପରେସନ ସିନ୍ଦୂରକୁ ନେଇ ବିରୋଧୀ ଇଣ୍ଡି ମେଣ୍ଟର ସହଯୋଗୀ ଶିବସେନା (ୟୁବିଟି) ସାଂସଦ ସଞ୍ଜୟ ରାଉତ ଅତ୍ୟନ୍ତ ବିବାଦୀୟ ବୟାନ ଦେଇଛନ୍ତି । ସେ ପାକିସ୍ତାନରେ ଆତଙ୍କବାଦ ବିରୋଧରେ ସେନାର ଅପରେସନ ସିନ୍ଦୂରକୁ ‘ଫେଲ୍ ଅପରେସନ’ ବୋଲି କହିଛନ୍ତି । ଏହାସହ ସେ ପୁଣି ଥରେ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କ ଇସ୍ତଫା ଦାବି କରିଛନ୍ତି ।
ନିଜ ବୟାନ ପାଇଁ ସବୁବେଳେ ବିବାଦରେ ରହୁଥିବା ସଞ୍ଜୟ କହିଛନ୍ତି, 'ଦେଖନ୍ତୁ ମୁଁ ପୂର୍ବରୁ ବି କହିଛି ଯେ ଅପରେସନ ସିନ୍ଦୂର ଫେଲ୍ ଅପରେସନ, କିନ୍ତୁ ଦେଶ ହିତରେ ଆମେ ବିରୋଧୀ ଦଳ ନେତା ଏହା ଉପରେ ବୟାନ ଦେବାକୁ ଚାହୁଁନୁ । ଦ୍ୱିତୀୟ କଥା ହେଉଛି ଅପରେସନ ସିନ୍ଦୂରର ଆବଶ୍ୟକତା କଣ ପଡ଼ିଲା । ଏଥିପାଇଁ ଯେ ପହଲଗାମରେ ୨୬ ଲୋକଙ୍କୁ ଆତଙ୍କବାଦୀ ହତ୍ୟା କରିଥିଲେ । ଏହାର ଦାୟୀ ଦେଶର ଗୃହମନ୍ତ୍ରୀ ଅମିତ୍ ଶାହ ଅଟନ୍ତି ।'
ରାଜ୍ୟସଭା ସାଂସଦ କହିଛନ୍ତି, 'ଏହାର ପ୍ରାୟଶ୍ଚିତ କରିବା ପାଇଁ ଅମିତ୍ ଶାହ ନିଜ ପଦରୁ ଇସ୍ତଫା ଦେବା ଦରକାର । ନଚେତ୍ ପ୍ରଧାନମନ୍ତ୍ରୀ ମୋଦୀ କର୍ତ୍ତବ୍ୟ ପାଳନରେ ବିଫଳ ହୋଇଥିବା କାରଣରୁ ଅମିତ୍ ଶାହଙ୍କ ଠାରୁ ଇସ୍ତଫା ନେବା ଦରକାର ।'
VIDEO | Mumbai: Addressing a press conference, Shiv Sena (UBT) leader Sanjay Raut (@rautsanjay61) says, "Operation Sindoor was a failure, however, in the interest of the nation, the opposition does not want to talk much about it. Operation Sindoor was launched because terrorists… pic.twitter.com/2RKJcSGn4m
— Press Trust of India (@PTI_News) May 27, 2025
ଉଲ୍ଲେଖଯୋଗ୍ୟ ଯେ ଏପ୍ରିଲ୍ ୨୨ରେ ଜମ୍ମୁ କାଶ୍ମୀରର ପହଲଗାମରେ ଆତଙ୍କୀମାନେ ଧର୍ମ ପଚାରି ୨୬ ଜଣ ନୀରିହ ପର୍ଯ୍ୟଟକଙ୍କୁ ଗୁଳି କରି ହତ୍ୟା କରିଥିଲେ । ଏହାର କଡ଼ା ଜବାବରେ ଭାରତୀୟ ସେନା ଅପରେସନ ସିନ୍ଦୂର କରି ପାକିସ୍ତାନ ଥିବା ଆତଙ୍କୀ ଆଡ୍ଡାଗୁଡ଼ିକୁ ମାଟିରେ ମିଶାଇ ଦେଇଥିଲା । ଏହି ଅପରେସନରେ ସେନା ସହ ସାରା ଦେଶ ଥିବା ବେଳେ ସଞ୍ଜୟ ରାଉତଙ୍କ ପରି କିଛି ନେତା ପୁଣି ଥରେ ପ୍ରଶ୍ନ ଉଠାଇବା ଆରମ୍ଭ କରିଛନ୍ତି ।
