ନୂଆଦିଲ୍ଲୀ: ଅପରେସନ ସିନ୍ଦୂର ଆକ୍ରମଣ ପରେ ପାକିସ୍ତାନ ସହିତ ଉତ୍ତେଜନା ବୃଦ୍ଧି ପାଇଥିବାବେଳେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏକ ଉଚ୍ଚସ୍ତରୀୟ ବୈଠକ ଡକାଇଛନ୍ତି। ଏହି ବୈଠକରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ, ସିଡିଏସ୍ ଅନିଲ ଚୌହାନ, ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀ, ବାୟୁସେନା ମୁଖ୍ୟ ମାର୍ଶଲ ଅମରପ୍ରୀତ ସିଂହ ଏବଂ ନୌସେନା ମୁଖ୍ୟ ଆଡମିରାଲ ଆର ହରି କୁମାରଙ୍କ ସହ ଏକ ଉଚ୍ଚସ୍ତରୀୟ ବୈଠକ ଜାରି ରହିଛି।
ପାକିସ୍ତାନ ସମ୍ଭାବ୍ୟ କାର୍ଯ୍ୟାନୁଷ୍ଠାନର ପୂରା ପ୍ଲାନ୍ ନେଇ ପ୍ରସ୍ତୁତି ଚାଲିଥିବା ବିଭିନ୍ନ ମିଡିଆରେ ଖବର ପ୍ରକାଶ ପାଇଛି। ଏହା ପୂର୍ବରୁ ବୈଦେଶିକ ସଚିବ ବିକ୍ରମ ମିଶ୍ରୀ ପାକିସ୍ତାନ ସହିତ ଉତ୍ତେଜନା ସ୍ଥିତ ନେଇ ମିଡିଆ ଆଗରେ ଧରାବିବରଣୀ ରଖିଥିଲେ। ପାକିସ୍ତାନ ଭାରତରେ ଜାଣି ଜାଣି ଶିଖ୍ ଲୋକଙ୍କୁ ଟାର୍ଗଟେ କରିଥିଲେ ବୋଲି ସେ କହିଥିଲେ। ପାକିସ୍ତାନ ଆକ୍ରମଣରେ ମୋଟ ୧୫ ଜଣଙ୍କର ମୃତ୍ୟୁ ହେଲାଣି ବୋଲି ସେ ମିଡିଆକୁ ସୂଚନା ଦେଇଥିଲେ। ତା ସହିତ ପାକିସ୍ତାନର ଗୋଟିଏ ପରେ ଗୋଟିଏ ମିଛ ଦାବିର ପର୍ଦ୍ଦାଫାସ କରିଥିଲେ।
ପଢନ୍ତୁ- ଭାରତର ଧୈର୍ଯ୍ୟର ପରୀକ୍ଷା ନେଲେ, ଏମିତି କ୍ୱାଲିଟି ଜବାବ ପାଇଁ ପ୍ରସ୍ତୁତ ରୁହ: ପାକିସ୍ତାନକୁ ରାଜନାଥଙ୍କ ଚେତାବନୀ
ସେପଟେ କୋଷ୍ଟ ଗାର୍ଡ କମାଣ୍ଡର, ପୂର୍ବ ସିବୋର୍ଡ ଅତିରିକ୍ତ ନିର୍ଦ୍ଦେଶକ ଜେନେରାଲ ଡୋନି ମାଇକେଲ ଗୁରୁବାର ୭-୮ ମେ ପଶ୍ଚିମବଙ୍ଗ ହଳଦିଆସ୍ଥିତ ଭାରତୀୟ କୋଷ୍ଟ ଗାର୍ଡ ଜିଲ୍ଲା ମୁଖ୍ୟାଳୟ ପରିଦର୍ଶନ କରିଛନ୍ତି। ମୁଖ୍ୟାଳୟ ଅଧୀନରେ ଥିବା ନୌସେନାର ସମସ୍ତ ସାମଗ୍ରୀର ଠିକ୍ ଅଛି କି ନାଁ ଏବଂ ପ୍ରସ୍ତୁତିର ସମୀକ୍ଷା କରିଛନ୍ତି। ଗସ୍ତ ସମୟରେ, ହଳଦିଆରେ କାର୍ଯ୍ୟକ୍ଷମ ପ୍ରସ୍ତୁତି, ପ୍ରମୁଖ ଭିତ୍ତିଭୂମି ବିକାଶ ପଦକ୍ଷେପର ଅଗ୍ରଗତି, କାର୍ଯ୍ୟକ୍ଷମ ରକ୍ଷଣାବେକ୍ଷଣ ସୁବିଧାର ବୈଷୟିକ ମୂଲ୍ୟାଙ୍କନ ଏବଂ ତାଲିମ ସ୍ଥାପନର ସମୀକ୍ଷା କରିଥିଲେ।
ସେ ମୁଖ୍ୟାଳୟ ଅଧିକାରୀ ଏବଂ ଇପିଙ୍କ ସହ ଆଲୋଚନା କରି କର୍ମଚାରୀମାନଙ୍କୁ ଉତ୍ସାହିତ କରିଥିଲେ। କର୍ମଚାରୀମାନଙ୍କ ମଧ୍ୟରେ ଶାରୀରିକ ସୁସ୍ଥତା ଏବଂ ସୌହାର୍ଦ୍ଦ୍ୟକୁ ପ୍ରୋତ୍ସାହିତ କରିବା ପାଇଁ ଏକ ଉତ୍ସାହୀ "ଜୋଶ ରନ୍"ର ମଧ୍ୟ ଆୟୋଜିତ ହୋଇଥିଲା। ସେପଟେ ସାମରିକ କାର୍ଯ୍ୟାନୁଷ୍ଠାନ ପରେ ଭାରତ ସରକାର ପାକିସ୍ତାନକୁ ଆର୍ଥିକ ସ୍ତରରେ ଦୁର୍ବଳ କରିବାକୁ ଚେଷ୍ଟା କରୁଛନ୍ତି। ପାକିସ୍ତାନକୁ ଅନ୍ତର୍ଜାତୀୟ ମୁଦ୍ରାପାଣ୍ଠି ଦେବାକୁ ଥିବା ଲୋନ୍ ଉପରେ ସମୀକ୍ଷା ନେଇ ଭାରତ ଏହାର ବୋର୍ଡ ବୈଠକରେ ନିଜର ଆଭିମୁଖ୍ୟ ରଖିବ ବୋଲି ବିକ୍ର ମିଶ୍ରୀ ସୂଚନା ଦେଇଛନ୍ତି।
