ସମ୍ବଲପୁର ୧୯।୦୫ : ହାତୀ ଆକ୍ରମଣରେ ଜଣେ ମୃତ । ସମ୍ବଲପୁର ଜିଲ୍ଲା ଯୁଯୁମୁରା ବ୍ଲକ ପଡିଆବାହାଲ ଡଙ୍ଗରପଡ଼ା ପଞ୍ଚାୟତକେ ହାତୀ ଆକ୍ରମଣରେ ଜଣେ ବୃଦ୍ଧଙ୍କର ମୃତ୍ୟୁ ହୋଇଛି । ମୃତକ ହେଲେ ଶ୍ୟାମସୁନ୍ଦର ପ୍ରଧାନ।
ଖବର ଅନୁଯାୟୀ, ଶ୍ୟାମସୁନ୍ଦର ପ୍ରଧାନ ନୂଆମୁଣ୍ଡା ଠାରୁ ସାଇକେଲ ଯୋଗେ ନିଜ ଘରକୁ ଫେରୁଥିଲେ । ଏହି ସମୟରେ ମଜୁରିଆ ପଡ଼ା ଠାରେ ୬ ଟିକିଆ ହାତୀପଲ ହାବୁଡ଼ରେ ପଡିଯାଇଥିଲେ । ଯାହାଫଳରେ ହାତୀପଲ ଶ୍ୟାମସୁନ୍ଦରଙ୍କୁ ଆକ୍ରମଣ କରିଥିଲେ । ଯେଉଁଥିରେ ଶ୍ୟାମସୁନ୍ଦର ପ୍ରଧାନଙ୍କ ମୃତ୍ୟୁ ହୋଇଥିବା ଜଣାପଡିଛି । ସେପଟେ ହାତୀ ଆକ୍ରମଣ ସଂପର୍କରେ ଖବର ପାଇ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ କରୁଥିବା ଜଣାପଡିଛି ।
