କରଞ୍ଜିଆ ୨୨।୫: ଭାଲୁ ଆକ୍ରମଣରେ ଜଣେ ଗୁରୁତର ଜଣେ ଆହତ । ଏପରି ଏକ ଅଘଟଣ ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ଖଡ଼ିଦମକ ଗାଁରୁ ।
ସୂଚନାଯୋଗ୍ୟ ଯେ, ଗ୍ରାମର ଟଙ୍ଗ ହୋ ଏବଂ ନିକଟ ଡୁମ୍ବୁରଡିହା ଗ୍ରାମର ମୋରା ହୋ ନାମକ ଦୁଇ ଜଣ ବ୍ୟକ୍ତି ନିକଟ ନଦୀକୁ ଶୌଚ ହେବା ପାଇଁ ଯାଇଥିବା ବେଳେ ହଠାତ ଦୁଇଟି ଭାଲୁ ସହିତ ମୁହାଁମୁହିଁ ହୋଇଥିଲେ । ତେବେ ଦୁଇଟି ଭାଲୁ ଦୁଇ ଜଣକୁ ଅତର୍କିତ ଆକ୍ରମଣ କରିବା ଯୋଗୁଁ ଟଙ୍ଗ ହୋ ଗୁରୁତର ହୋଇଥିବା ବେଳେ ମୋରା ହୋ ଆହତ ହୋଇ ଠାକୁରମୁଣ୍ଡା ମେଡ଼ିକାଲରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି । ଘଟଣାସ୍ଥଳରୁ ଗାଁ ଲୋକେ ସେମାନଙ୍କୁ ୧୦୮ ଆମ୍ବୁଲାନ୍ସ ଯୋଗେ ଆଣି ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି । ତେବେ ଜଣଙ୍କ ଅବସ୍ଥା ଗୁରୁତର ଥିବାବେଳେ ଜଣେ ଆହତ ଥିବା ସୂଚନା ମିଳିଛି । ଖବର ପାଇ ଠାକୁରମୁଣ୍ଡା ବନ ବିଭାଗ ଘଟଣାସ୍ଥଳକୁ ଯାଇ ଘଟଣା ସମ୍ପର୍କରେ ଅନୁଧ୍ୟାନ କରୁଥିବା ଜଣାପଡିଛି ।
You Can Read :
ଲଘୁଚାପର ପ୍ରଭାବ ଓଡ଼ିଶା ଉପରେ ରହିବ ନାହିଁ, ୨୩ରୁ ମତ୍ସ୍ୟଜୀବୀଙ୍କୁ ସମୁଦ୍ର ଯିବା ମନା