ହିନ୍ଦୋଳ ୩୦।୮: ଘର ଭିତରୁ ଦେଢ଼ ବର୍ଷର ଶିଶୁ ପୁତ୍ର ନିଖୋଜ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ରାସୋଳ ଥାନା ଅନ୍ତର୍ଗତ କନକା ଗ୍ରାମରେ । ଶୁକ୍ରବାର ମଧ୍ୟାହ୍ନ ସମୟରେ କନକା ଗ୍ରାମରେ ହୃଦାନନ୍ଦ ପ୍ରଧାନଙ୍କ ଦେଢ଼ ବର୍ଷର ଶିଶୁ ପୁତ୍ର ଘର ଅଗଣାରୁ ନିଖୋଜ ହୋଇଥିବା ଥାନାରେ ଅଭିଯୋଗ କରିଛନ୍ତି ନିଖୋଜ ଶିଶୁ ପୁତ୍ରର ପରିବାର ଲୋକ I
ସୂଚନାଯୋଗ୍ୟ ଯେ, ହୃଦାନନ୍ଦ କାମକୁ ଯିବା ପରେ ସ୍ତ୍ରୀ ଦେଢ଼ ବର୍ଷର ଶିଶୁ ପୁତ୍ରକୁ ଘରେ ଛାଡ଼ି ଘର ପଛପାଖକୁ ଛେଳି ଛାଡ଼ିବାକୁ ଯାଇଥିଲେ । ଛେଳି ଛାଡି ଆସିବା ପରେ ଘରେ ପୁଅ ନଥିବା ଦେଖିବାକୁ ପାଇଥିଲେ । ମାତ୍ର ପାଞ୍ଚ ମିନିଟ୍ ବ୍ୟବଧାନରେ ଏଭଳି ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଗ୍ରାମବାସୀ ଏବଂ ପରିବାର ଲୋକ ବହୁ ଖୋଜାଖୋଜି କରିବା ପରେ ଶିଶୁ ପୁତ୍ରକୁ ପାଇନଥିଲେ I ବହୁ ଖୋଜାଖୋଜି ପରେ ପୁଅକୁ ନପାଇବାରୁ ପରିବାର ଲୋକେ ରାସୋଳ ଥାନାରେ ପୁଅ ନିଖୋଜ ହୋଇଥିବାର ଅଭିଯୋଗ କରିଥିଲେ । ସଙ୍ଗେ ସଙ୍ଗେ ରାସୋଳ ଥାନା ଗ୍ରାମରେ ପହଞ୍ଚି ଘର ପାଖ ଅଞ୍ଚଳ, କୂଅ, ପୋଖରୀରେ ବହୁ ଖୋଜାଖୋଜି କରିବା ପରେ ଶିଶୁ ପୁତ୍ରକୁ ପାଇନଥିଲେ । ଘଟଣାକୁ ୨୪ ଘଣ୍ଟା ବିତିଯାଇଥିଲେ ମଧ୍ୟ ଶିଶୁ ପୁତ୍ରର ଟେର ପାଇନି ପୋଲିସ । ଗ୍ରାମରେ ହିନ୍ଦୋଳ SDPO ସତ୍ୟ କୁମାର ନନ୍ଦ ପହଞ୍ଚି ଅଧିକ ତଦନ୍ତ ଜାରି ରଖିଛନ୍ତି ।
You Can Read:
୧୪ ଦୁର୍ଦ୍ଦାନ୍ତ ଅପରାଧୀଙ୍କୁ ଗିରଫ କଲା ଜୟପୁର ପୋଲିସ, ଏମାନଙ୍କ ନାଁରେ ରହିଛି ଏକାଧିକ ଅପରାଧିକ ମାମଲା
