କଣ୍ଟାବାଞ୍ଜି ୨୨।୬: ଜମିବାଡ଼ି ଶତ୍ରୁତା ଓ ଗୁଣିଗାରେଡି ସନ୍ଦେହରେ ହତ୍ୟାକାଣ୍ଡ । ଶୋଇଥିବା ବେଳେ ଜଣଙ୍କୁ ନିର୍ମମ ହତ୍ୟା । ବଲାଙ୍ଗୀର ଜିଲ୍ଲା ତୁରେକେଲା ଥାନା ଘୁନେଶ ପଞ୍ଚାୟତ ଖୁଜେନ ଗାଁରେ ଘଟିଛି ଏଭଳି ଅଭାବନୀୟ ଘଟଣା । ପୋଲିସ ଘଟଣାର ତଦନ୍ତ ଜାରି ରଖିଛି ।
ସୂଚନାଯୋଗ୍ୟ ଯେ, ଶନିବାର ବିଳମ୍ବିତ ରାତିରେ ଘର ବାହାରେ ଶୋଇଥିବା ବେଳେ ଗାଁର ତୁଲାରାମ ଜାନୀଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । ହତ୍ୟା ସନ୍ଦେହରେ ପୁତୁରା ଡିଙ୍ଗର ଜାନୀ, ରୁକ୍ମଣ ଜାନୀ, ସୁକାନନ ଜାନୀ, ରୂପବନ୍ତ ଜାନୀଙ୍କୁ ଅଟକ ରଖିଛି ତୁରେକେଲା ପୋଲିସ । ଘଟଣାସ୍ଥଳରେ ବଲାଙ୍ଗିରରୁ ସାଇଣ୍ଟିଫିକ୍ ଟିମ୍ ପହଞ୍ଚି ଅଧିକ ତଦନ୍ତ କରୁଛି ।
ଗତ କିଛି ବର୍ଷ ତଳେ ସୁଲଆନା ଜାନୀ ବିଭିନ୍ନ ରୋଗ ରେ ଆକ୍ରାନ୍ତ ହୋଇ ତାଙ୍କ ମୃତ୍ୟୁ ହୋଇଥିଲା । ପରେ ତୁଲାରାମ ଜାନୀ ହିଁ ସୁଲଆନାଙ୍କୁ ଗୁଣି ଗାରେଡି କରିଥିବା ନେଇ ତାଙ୍କ ପୁତୁରା ସନ୍ଦେହ କରି ଆସୁଥିଲେ । ତେବେ ଶନିବାର ବିଳମ୍ବିତ ରାତିରେ ଯୋଜନାବଦ୍ଧ ଭାବେ ଟାଙ୍ଗିଆରେ ୪ ଜଣ ପୁତୁରା ମିଶି ଅତର୍କିତ ଭାବେ ଆକ୍ରମଣ କରି ହତ୍ୟା କରିଥିବା ନେଇ ଅଭିଯୋଗ ହୋଇଛି ।
You Can Read:
