ଭୁବନେଶ୍ବର ୨୧/୫: EOW ପଞ୍ଝାରେ ଠକ । ୨କୋଟି ଟଙ୍କା ଠକେଇ ଅଭିଯୋଗରେ Quick click ad mediaର ପ୍ରୋପାଇଟର ବିମଳାନନ୍ଦ ଭୂୟାଁ ଗିରଫ । ଲକ୍ଷ୍ନୌର ଇନ୍ଦିରାନଗରରୁ ଗିରଫ କରିଛି EOW । କେସ ନମ୍ବର ୧୦, ଦଫା ୪୦୬,୪୨୦,୪୬୭,୪୬୮ ଓ ୧୨୦ Bରେ କୋର୍ଟ ଚାଲାଣ କରାଯାଇଛି । ପୂର୍ବରୁ ଏନେଇ ସମ୍ବଲପୁରର ବିକାଶ ପୋଦାର EOWର ଦ୍ବାରସ୍ଥ ହୋଇଥିଲେ । ତଦନ୍ତ ପରେ ଜଣାପଡିଥିଲା ଅଭିଯୁକ୍ତ ବିମଳାନନ୍ଦ ଭୂୟାଁ ଓ ପତ୍ନୀ ରମି ଭୂୟାଁ ୨୦୧୭-୧୮ ମସିହାରେ ବିଭିନ୍ନ ଏଜେନ୍ସିର ବିଜ୍ଞାପନ ଦେବାକୁ କହି ଏଲଇଡି କିଣିବାକୁ ଲୋଭ ଦେଖାଇଥିଲେ । 

ପ୍ରଥମେ ୫୩ ଜଣକ ଠାରୁ ୧କୋଟି ୨୦ ଲକ୍ଷ ଟଙ୍କା ଠକି ନେଇଥିଲେ । ପରେ ଶହେ ଜଣକ ଠାରୁ ୨କୋଟି ଟଙ୍କା ଠକି ଫେରାର ହୋଇଯାଇଥିଲା । ଶ୍ୟାମନଗର,ରାୟପୁର ଓ ଛତିଶଗଡରେ ହେଡଅଫିସ ଥିବାବେଳେ ଜଗଦଲପୁର ଓ ଭୁବନେଶ୍ବର ଜୟଦେବବିହାରରେ ବ୍ରାଞ୍ଚ ଅଫିସ ଖୋଲିଥିଲା । ଖୋର୍ଦ୍ଧା,କୋରାପୁଟ, ନୟାଗଡ଼, ମୟୁରଭଞ୍ଜ, ବାଲେଶ୍ଵର , ରାଉରକେଲା , ସମ୍ବଲପୁର ଓ ଗଞ୍ଜାମର ଲୋକମାନେ ବିଜୟାନନ୍ଦ କଥାରେ ପଡି ଟଙ୍କା ଇନଭେଷ୍ଟ କରିଥିଲେ । 

ଅଭିଯୁକ୍ତ ବିମାଳାନନ୍ଦର ଯୋଗ୍ୟତା MBA ବୋଲି ଜାଣିବାକୁ ପାଇଛି EOW । ପୂର୍ବରୁ ତାଙ୍କ ପତ୍ନୀଙ୍କୁ ମଧ୍ୟ ଗିରଫ କରାଯାଇଥିଲା । ଠକେଇ ଟଙ୍କାରେ ଦୁବାଇରେ ମଉଜ କରୁଥିବା ଜାଣିବାକୁ ପାଇଛି EOW । ତେବେ ବିଜୟାନନ୍ଦର ଦୁବାଇ ଲିଙ୍କ ସଂପର୍କରେ ଅଧିକ ଖୋଳତାଡ କରିବ EOW  ।