ନୂଆଦିଲ୍ଲୀ ୧୦।୦୫ : ପ୍ରଧାନମନ୍ତ୍ରୀଙ୍କ ବାସଭବନରେ ଗୁରୁତ୍ୱପୂର୍ଣ୍ଣ ବୈଠକ । ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗୁରୁତ୍ୱପୂର୍ଣ୍ଣ ବୈଠକ । ଭାରତ-ପାକିସ୍ତାନ ମଧ୍ୟରେ ଚାଲିଥିବା ଉତ୍ତେଜନା ସଂପର୍କରେ ଆଲୋଚନା ହେଉଥିବା ନେଇ ସୂଚନା ମିଳିଛି ।
ଖବର ଅନୁଯାୟୀ, ଗତ କିଛି ଦିନ ହେଲା ଭାରତ-ପାକିସ୍ତାନ ମଧ୍ୟରେ ଯୁଦ୍ଧର ମାହୋଲ ସୃଷ୍ଟି ହୋଇଛି । ଯାହାକୁ ନେଇ ଉଭୟ ଦେଶଙ୍କ ମଧ୍ୟରେ ଆକ୍ରମଣ ଓ ପ୍ରତିଆକ୍ରମଣ ଚାଲିଛି । ହେଲେ ଭାରତର କଡ଼ା ଜବାବରେ ଘାଇଲା କାଙ୍ଗାଳିସ୍ତାନ । ଏପିରିକି ଭାରତୀୟ ସୈନ୍ୟ ସହିତ ସାମ୍ନାରୁ ଲଢେଇ କରିବା ପରିବର୍ତ୍ତେ ପଛରୁ କରୁଛି ଆକ୍ରମଣ । ବାରମ୍ବାର ସୀମାରେ ଅନୁପ୍ରବେଶ ପାଇଁ ଉଦ୍ୟମ ଜାରି ରଖିଛି । ଏହାସହିତ ସୀମାରେ ଡ୍ରୋନ୍ ଜରିଆରେ ଆକ୍ରମଣ ପାଇଁ ଯୋଜନା କରୁଛି । ହେଲେ ସବୁ ଉଦ୍ୟମକୁ ନଷ୍ଟ କରିଦେଉଛି ଭାରତୀୟ ସେନା ।
ଅନ୍ୟପଟେ ତିନି ସେନାର ମୁଖ୍ୟ ସହ ପ୍ରତିରକ୍ଷା ମନ୍ତ୍ରୀଙ୍କ ବୈଠକ ଚାଲୁଛି । ଆଉ ଏବେ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାକ୍ଷାତ କରିଛନ୍ତି । ଗୁରୁତ୍ୱପୂର୍ଣ୍ଣ ପ୍ରସଙ୍ଗ ନେଇ ପ୍ରଧାନମନ୍ତ୍ରୀ ଏବଂ ଜାତୀୟ ସୁରକ୍ଷା ପରାମର୍ଶଦାତାଙ୍କ ମଧ୍ୟରେ ଚାଲିଛି ବୈଠକ ।
