‘ ଆପଣ ଆମକୁ କେମିତି ଅଟକାଇ ପାରିବେ ...’ , ଜେଡି ଭେନ୍ସଙ୍କ ଉପରେ ବର୍ଷିଲେ ଭାରତୀୟ ବଂଶୋଦ୍ଭବ ମହିଳା

ନୂଆଦିଲ୍ଲୀ – ଆମେରିକୀୟ ଉପରାଷ୍ଟ୍ରପତି ଜେଡି ଭେନ୍ସଙ୍କୁ ସେହି ସମୟରେ ଖୁବ୍‌ ଅସହଜ ସ୍ଥିତିର ସାମ୍ନା କରିବାକୁ ପଡ଼ିଲା , ଯେବେ ଏକ କାର୍ଯ୍ୟକ୍ରମରେ ଭାରତୀୟ ବଂଶୋଦ୍ଭବ ଜଣେ ମହିଳା ତାଙ୍କୁ ଖୁବ୍‌ କଡ଼ା ସମାଲୋଚନା କରିଥିଲେ। ଭେନ୍ସ ମିସିସିପି ୟୁନିଭର୍ସିଟିର ଏକ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ସମ୍ୱୋଧିତ କରୁଥିଲେ। ଏହି ସମୟରେ ଟର୍ଣ୍ଣିଂ ପଏଣ୍ଟ ୟୁଏସଏ ଇଭେଣ୍ଟ ବେଳେ ଭାରତୀୟ ବଂଶୋଦ୍ଭବର ଜଣେ ମହିଳା ଷ୍ଟୁଡେଣ୍ଟ ଭେନ୍ସଙ୍କୁ କଡ଼ା ପ୍ରଶ୍ନ ପଚାରି ଥିଲେ। ମହିଳା ଜଣଙ୍କ ସର୍ବ ପ୍ରଥମେ ଟ୍ରମ୍ପ ପ୍ରଶାସନର ଇମିଗ୍ରେସନ ପଲିସିକୁ ନେଇ ଟାର୍ଗେଟ୍‌ କରିଥିଲେ।

ମହିଳା କହିଥିଲେ ମିଷ୍ଟର ଭାଇସ୍‌ ପ୍ରେସିଡେଣ୍ଟ , ଯେବେ ଆପଣ କୁହନ୍ତି ଯେ, ଏଠାରେ ବହୁତ ଗୁଡ଼ିଏ ଇମିଗ୍ରାଣ୍ଟସ, ତ ଆପଣ ମାନେ କେବେ ସ୍ଥିର କଲେକି କେତେ ପର୍ଯ୍ୟାପ୍ତ ? ଆମେ ସବୁ ଆଇଗତ ଉପାୟରେ ଆସିଛୁ। ଆମେ ଆପଣଙ୍କ ଦ୍ୱାରା ମଗା ଯାଇଥିବା ଟଙ୍କା ଭରିଛୁ , ସବୁ ନିୟମର ପାଳନ କଲୁ। ପୁଣି ଆପଣ ଭାଇସ୍ ପ୍ରେସିଡେଣ୍ଟ ହୋଇ କହୁଛନ୍ତି , ଏବେ ବହୁତ ହୋଇଗଲା , ଆମେ ତାଙ୍କୁ ବାହାର କରିଦେବୁ । ଆପଣ ଆମକୁ ଆମେରିକାନ ଡ୍ରିମ୍‌ ବିକ୍ରିକଲେ । ଆପଣ ଆମକୁ ସ୍ୱପ୍ନ କାହିଁକି ବିକିଲେ ? ଏବେ ଆପଣ ଆମକୁ କାହିଁକି ରୋକି ପାରିବେ ? ଏବଂ ଆପଣଙ୍କ ପତ୍ନୀ ...ଆପଣଙ୍କର ପତ୍ନୀ ଉଷା ହିନ୍ଦୁ । ଆପଣ ଏକ ଆନ୍ତଃ ସାଂସ୍କୃତିକ ଘରେ ରୁହନ୍ତି । ତ ମୋତେ କଣ ଆମେରିକା ସହ ଭଲ ପାଇବା ସାବ୍ୟସ୍ତ କରିବାକୁ ଇସାଇ ହେବାକୁ ପଡ଼ିବ।

ମହିଳା ଜଣଙ୍କ ଆହୁରି କହିଛନ୍ତି , ଆପଣ ଆମକୁ କେମିତି କହି ପାରିବେ ଯେ, ଏବେ ଆମେ ଏଠାରେ ରହି ପାରିବୁ ନାହିଁ ? ଏହାର ଜବାବରେ ଭେନ୍ସ ହସି ହସି କହିଥିଲେ , ନିଶ୍ଚୟ। ଆପଣ ବହୁତ କିଛି କହିଲେ। ସର୍ବ ପ୍ରଥମେ , ଇମିଗ୍ରେସନରେ , ଆମେ ଆପଣଙ୍କ ପରି ଲୋକଙ୍କର ସମ୍ମାନ କରୁ ଯିଆ ଆଇନଗତ ଉପାୟରେ ଆସନ୍ତି ଏବଂ ଯୋଗଦାନ ଦେଉଛନ୍ତି। କିନ୍ତୁ ଭବିଷ୍ୟତରେ ଆମେ ବହୁତ କମ୍‌ ଇମିଗ୍ରେସନ ଦରକାର। କାହିଁକି ? କାରଣ ବର୍ତ୍ତମାନ ସଂଖ୍ୟା ବହୁତ ଅଧିକ। ଏହା ଆମେରିକାର ସାମାଜିକ ସଂରଚନାକୁ ବିପଦ ସୃଷ୍ଟି କରୁଛି। କୌଣସି ସଠିକ ସଂଖ୍ୟା ନାହିଁ , କିନ୍ତୁ ଏବେ ଠାରୁ ବହୁତ କମ୍‌ । ଆମେ ପ୍ରଥମେ ଅବୈଧ ଇମିଗ୍ରେସନକୁ ଡିପୋର୍ଟ କରୁଛୁ।