ସନ୍ଥ ସତୁଆ ବାବା: ୩ କୋଟି ଟଙ୍କାର ଲ୍ୟାଣ୍ଡ ରୋଭର, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିକଟତର

ପ୍ରୟାଗରାଜରେ ଚାଲିଛି ମାଘ ମେଳା। ପବିତ୍ର ଭୂମିରେ ସାଧୁ ସନ୍ଥଙ୍କ ଦିବ୍ୟ ଦର୍ଶନ ପାଇଁ ଜନସମୁଦ୍ର। ଯେତେବେଳେ କୌଣସି ବାବାଙ୍କ ନାଁ ଆସେ ସେତେବେଳେ ମନକୁ ପ୍ରଥମେ ଆସେ କି ସେମାନେ କେତେ ମହାନ? କାରଣ ସାଂସାରିକ କାମନା ଏବଂ ଭୋଗକୁ ତ୍ୟାଗ କରି କଠିନ ତପସ୍ୟା ଏବଂ ଜପ କରି ସନ୍ଥମାନେ ଅତି ସରଳ ଜୀବନଯାପନ କରନ୍ତି। ହେଲେ ଏହି ବର୍ଷ ମାଘ ମେଳାରେ, ବିଳାସରେ ପରିପୂର୍ଣ୍ଣ ଜଣେ ବାବାକୁ ନେଇ ଚର୍ଚ୍ଚା। ନାଁ ତାଙ୍କର ସତୁଆ ବାବା। ସତୁଆ ବାବାଙ୍କ ଜୀବନଶୈଳୀ ଅନ୍ୟ ବାବାମାନଙ୍କ ଜୀବନଶୈଳୀ ଅପେକ୍ଷା ସମ୍ପୂର୍ଣ୍ଣ ଭିନ୍ନ।

ଯୁବ ସନ୍ଥ ସତୁଆ ବାବା। ୩ କୋଟି ଟଙ୍କାର ଲ୍ୟାଣ୍ଡ ରୋଭର, ଡିଫେଣ୍ଡର କାର ବ୍ରାଣ୍ଡେଡ୍ ଚଷମା। ତାଙ୍କୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିକଟତର। ସତୁଆ ବାବାଙ୍କ ପ୍ରକୃତ ନାମ ସନ୍ତୋଷ ତିୱାରୀ। ସେ ଉତ୍ତର ପ୍ରଦେଶର ଲଳିତପୁର ଜିଲ୍ଲାର ଏକ ଗ୍ରାମ ମସୌରାରେ ଜନ୍ମଗ୍ରହଣ କରିଥିଲେ। ୧୧ ବର୍ଷ ବୟସରେ ସେ ଘର ଛାଡି ଏକ ଆଧ୍ୟାତ୍ମିକ ଯାତ୍ରା ଆରମ୍ଭ କରିଥିଲେ। ବାରାଣସୀର ବିଷ୍ଣୁସ୍ୱାମୀ ସମ୍ପ୍ରଦାୟରେ ସେଠାକାର ମୁଖ୍ୟଙ୍କୁ ସତୁଆ ବାବା କୁହାଯାଏ। ପିତଘୀଶ୍ୱର ବ୍ରହ୍ମଳୀନ ଯମୁନାଚାର୍ଯ୍ୟ ମହାରାଜ ସତୁଆ ବାବାଙ୍କ ମୃତ୍ୟୁ ପରେ ତାଙ୍କୁ ସତୁଆ ପୀଠର ମୁଖ୍ୟ ନିଯୁକ୍ତ କରାଯାଇଥିଲା। ସତୁଆ ବାବା ପୀଠ ପ୍ରାୟ ୩୦୦ ବର୍ଷ ପୁରୁଣା ଏବଂ ସନାତନ ପରମ୍ପରା ପାଇଁ ସର୍ବଦା ପରିଚୟ ହୋଇରହିଛି।

ମାଘମେଳାକୁ ଯିଏ ବି ଆସୁଛନ୍ତି ସତୁଆ ବାବାଙ୍କ ଟେଣ୍ଟକୁ ଥରେ ନଜର ପକାଉଛନ୍ତି । କେତେବେଳେ ଏହି ମଣ୍ଡପ ଚାର୍ଟର ବିମାନରେ ଫଟୋ ଉଠାଇବା ଭଳି ଦିଶୁଛି ତ ଆଉ କେତେବେଳେ ଡିଫେଣ୍ଡର୍ସ ଏବଂ ପୋର୍ସେ ଭଳି ବିଳାସପୂର୍ଣ୍ଣ କାରରେ ଚଢ଼ୁଛନ୍ତି। ସତୁଆ ବାବାଙ୍କ ଭିନ୍ନ ଷ୍ଟାଇଲ୍ ଏହି ମାଘ ମେଳାକୁ ଆହୁରି ସ୍ୱତନ୍ତ୍ର ପରିଚୟ ଦେଉଛି ।

ସତୁଆ ବାବା ବର୍ତ୍ତମାନ କେବଳ ତାଙ୍କ ମଣ୍ଡପ ଏବଂ ଜୀବନଶୈଳୀ ପାଇଁ ନୁହେଁ ବରଂ ସୋସିଆଲ ମିଡିଆରେ ଚାଲିଥିବା ଆଲୋଚନା ପାଇଁ ମଧ୍ୟ ଚର୍ଚ୍ଚାରେ ଅଛନ୍ତି । ତାଙ୍କ ମଣ୍ଡପରେ ପ୍ରସିଦ୍ଧ ସନ୍ଥଙ୍କ ଫଟୋ, ଅନେକ ସେଲିବ୍ରିଟି ଏବଂ ରାଜନେତାଙ୍କ ଫଟୋ ଲାଗିଛି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହିତ ତାଙ୍କର ଅନେକ ଫଟୋ ଟେଣ୍ଟର ଆକର୍ଷଣକୁ ଆହୁରି ବଢ଼ାଉଛି । ସତୁଆ ବାବାଙ୍କ ମଣ୍ଡପ କେବଳ ଆକାରରେ ବିଶାଳ ନୁହେଁ ବରଂ ମାଘ ମେଳାର ସବୁଠାରୁ ସୁବ୍ୟବସ୍ଥିତ ମଣ୍ଡପ ମଧ୍ୟରୁ ଗୋଟିଏ ବୋଲି କୁହାଯାଉଛି । ସକାଳରୁ ରାତି ପର୍ଯ୍ୟନ୍ତ ଭକ୍ତ, ସନ୍ଥ ଏବଂ ପରିଦର୍ଶକଙ୍କ ଗହଳି ଏଠାରେ ଲାଗିରହିଥାଏ । ବାବାଙ୍କ ଟେଣ୍ଟରେ ଭୋଜନ ସାଙ୍ଗକୁ ରହିବାର ବ୍ୟବସ୍ଥା ମଧ୍ୟ ରହିଛି ।

ସତୁଆ ବାବା ତାଙ୍କ ବିଳାସପୂର୍ଣ୍ଣ ଜୀବନଶୈଳୀ ଏବଂ ମହଙ୍ଗା କାରକୁ ନେଇ କୁହନ୍ତି ଯେ ଆଧ୍ୟାତ୍ମିକତାର ସମୃଦ୍ଧି ଅର୍ଥ ଦ୍ୱାରା ସୀମିତ ନୁହେଁ । ଭକ୍ତଙ୍କ ଭକ୍ତି ଭିନ୍ନ ହୋଇଥାଏ । କେତେକଙ୍କୁ ଗାଡ଼ି ଦାନ କରିବାକୁ ଭଲ ଲାଗେ ,କାହାକୁ ଘୋଡା ଏବଂ କାହାକୁ ହାତୀ । ମୁଁ କମ୍ପାନି, ମୂଲ୍ୟ କିମ୍ବା ବ୍ରାଣ୍ଡ ଉପରେ ଧ୍ୟାନ ଦିଏ ନାହିଁ । ମୁଁ କେବଳ ମୋର ପଥ ଏବଂ ଉଦ୍ଦେଶ୍ୟ ଉପରେ ଧ୍ୟାନ ଦିଏ।