ଏକାଧିକ ଦେଶର ଖେଳାଳିଙ୍କୁ ନେଇ ଗଠିତ ଟିମ୍ ୟୁଏସଏ, ଟି-୨୦ ବିଶ୍ବକପରେ ଆମେରିକାର ନେତୃତ୍ବ ନେବେ ଭାରତୀୟ

ନୂଆଦିଲ୍ଲୀ: ଯୁକ୍ତରାଷ୍ଟ୍ର ଆମେରିକା (USA) ୨୦୨୬ ଟି20 ବିଶ୍ୱକପ୍ ପାଇଁ ତା'ର ୧୫ ଜଣିଆ ଦଳ ଘୋଷଣା କରିଛି । ଆମେରିକା ଦଳରେ ୯ ଜଣ ଭାରତୀୟ ଖେଳାଳି ଅଛନ୍ତି। ମୁମ୍ବାଇର ପୂର୍ବତନ ଖେଳାଳି ଶୁଭମ ରଞ୍ଜନେ ମଧ୍ୟ ଆମେରିକା ପକ୍ଷରୁ ଡେବ୍ୟୁ କରିବାକୁ ଯାଉଛନ୍ତି। ଶ୍ରୀଲଙ୍କାର ଶେହାନ ଜୟସୁରିଆଙ୍କୁ ମଧ୍ୟ ଆମେରିକା ଟି20 ବିଶ୍ୱକପ୍ ଦଳରେ ସାମିଲ କରାଯାଇଛି। ତେବେ ୨୦୨୬ ଟି-20 ବିଶ୍ୱକପ୍ ଦଳରେ ଆମେରିକା କେଉଁ ଦେଶର କେତେ କ୍ରିକେଟରଙ୍କୁ ସାମିଲ କରିଛି, ଆସନ୍ତୁ ଜାଣିବା ।

୨୦୨୬ ଟି୨୦ ବିଶ୍ୱକପ୍ ପାଇଁ ଆମେରିକାକୁ ଗ୍ରୁପ୍ ଏରେ ରଖାଯାଇଛି। ଏହି ଗ୍ରୁପରେ ପାକିସ୍ତାନ, ନାମ୍ବିଆ, ନେଦରଲ୍ୟାଣ୍ଡସ୍ ଏବଂ ଭାରତ ମଧ୍ୟ ସାମିଲ ଅଛନ୍ତି। ଟି୨୦ ବିଶ୍ୱକପ୍ ପାଇଁ ପ୍ରସ୍ତୁତି ପାଇଁ, ଆମେରିକା ଶ୍ରୀଲଙ୍କାରେ ତାଲିମ ଶିବିର ଆୟୋଜନ କରିଛି। ଆମେରିକା ଟି୨୦ ବିଶ୍ୱକପରେ ମୁମ୍ବାଇରେ ଭାରତ ବିପକ୍ଷରେ ପ୍ରଥମ ମ୍ୟାଚ୍ ଖେଳିବ। ଏହା ପରେ ୟୁଏସଏ ଫେବୃଆରୀ ୧୦ରେ ପାକିସ୍ତାନକୁ ଭେଟିବ। ଏହା ପରେ ଫେବୃଆରୀ ୧୩ରେ ନେଦରଲ୍ୟାଣ୍ଡସ୍ ଏବଂ ଫେବୃଆରୀ ୧୫ରେ ନାମ୍ବିଆକୁ ଭେଟିବେ ଆମେରିକା ।

ଭାରତର ମୋନାଙ୍କ ପଟେଲଙ୍କୁ ଟି-୨୦ ବିଶ୍ୱକପ୍ ପାଇଁ ଆମେରିକା ଦଳର ଅଧିନାୟକ ନିଯୁକ୍ତ କରାଯାଇଛି। ଶୁଭମ ରଞ୍ଜନେ ଆମେରିକା ପାଇଁ ଚାରୋଟି ଦିନିକିଆ ଖେଳିବା ପରେ ତାଙ୍କର ଟି-୨୦ ଡେବ୍ୟୁ କରିବେ। ମହମ୍ମଦ ମୋହସିନ ଏବଂ ଶେହାନ ଜୟସୁରିଆ ମଧ୍ୟ ଆମେରିକା ପାଇଁ ସେମାନଙ୍କର ଅନ୍ତର୍ଜାତୀୟ ଡେବ୍ୟୁ କରିବେ। ଆମେରିକା ଦ୍ୱିତୀୟ ଥର ପାଇଁ ଟି-୨୦ ବିଶ୍ୱକପରେ ଅଂଶଗ୍ରହଣ କରିବାକୁ ଯାଉଛି। ୨୦୨୪ରେ, ଦଳ ୨୦୦୯ ଚାମ୍ପିଅନ୍ ପାକିସ୍ତାନକୁ ପରାସ୍ତ କରି ଏକ ବଡ଼ ବିଜୟ ହାସଲ କରିଥିଲା ।

ଆମେରିକା ଦଳରେ ୯ ଜଣ ଭାରତୀୟ ଖେଳାଳି ଅଛନ୍ତି। ସେମାନଙ୍କ ମଧ୍ୟରେ ମୋନାଙ୍କ ପଟେଲ, ଜେସି ସିଂହ, ମିଲିନ୍ଦ କୁମାର, ସଞ୍ଜୟ କୃଷ୍ଣମୂର୍ତ୍ତି, ହରମିତ୍ ସିଂହ, ସୌରଭ ନେତ୍ରଭାଲକର, ସାଇତେଜା ମୁକ୍କାମାଲା, ନୋସ୍ତୁଶ୍ କେଞ୍ଜି ଏବଂ ଶୁଭମ୍ ରଞ୍ଜନେ ଅଛନ୍ତି। ଅଲି ଖାନ, ମହମ୍ମଦ ମୋହସିନ୍ ଏବଂ ଶାୟାନ୍ ଜାହାଙ୍ଗୀର ପାକିସ୍ତାନୀ ବଂଶୋଦ୍ଭବ ଖେଳାଳି ୟୁଏସଏ ଟିମ୍ରେ ସାମିଲ । ଶେହାନ୍ ଜୟସୁରିୟା ଶ୍ରୀଲଙ୍କା ପାଇଁ ଅନ୍ତର୍ଜାତୀୟ କ୍ରିକେଟ୍ ଖେଳିଛନ୍ତି କିନ୍ତୁ ଏବେ ଆମେରିକା ଜର୍ସିରେ ଦେଖାଯିବେ। ଦକ୍ଷିଣ ଆଫ୍ରିକାର ଆଣ୍ଡ୍ରିସ୍ ଗୌସ୍ ଦଳର ସବୁଠାରୁ ବରିଷ୍ଠ ଖେଳାଳି।

୨୦୨୬ ଟି -20 ବିଶ୍ୱକପ ପାଇଁ ଆମେରିକା ଦଳ: ମୋନାଙ୍କ ପଟେଲ (ଅଧିନାୟକ), ଜେସି ସିଂହ (ଉପ-ଅଧିନାୟକ), ଆଣ୍ଡ୍ରିସ୍ ଗୌସ, ଶେହାନ୍ ଜୟସୁରିୟା, ମିଲିନ୍ଦ କୁମାର, ଶାୟାନ୍ ଜାହାଙ୍ଗୀର, ସାଇତେଜା ମୁକ୍କାମାଲା, ସଞ୍ଜୟ କୃଷ୍ଣମୂର୍ତ୍ତି, ହରମିତ ସିଂହ, ନୋସ୍ତୁଶ୍ କେଞ୍ଜି, ଶାଦଲି ଭାନ୍ ଶାଲୱିକ୍, ସୌରଭ ନେତ୍ରାଭାଲକର, ଶୁଭମ ରଞ୍ଜନେ ।