ସ୍ବାମୀଙ୍କ ପାଖରୁ ୧୦୦ କୋଟି ଟଙ୍କା ଆଲିମନି ଏବଂ ମାସିକ ୧୦ ଲକ୍ଷ ଟଙ୍କାର ମେଣ୍ଟେନାନ୍ସ ମାଗିଲେ ଅଭିନେତ୍ରୀ ସେଲିନା

ମୁମ୍ବାଇ: ବଲିଉଡ୍ ଅଭିନେତ୍ରୀ ସେଲିନା ଜେଟଲୀ ଗତ କିଛି ଦିନ ଧରି ଖବରରେ ଅଛନ୍ତି। ତାଙ୍କ ବ୍ୟକ୍ତିଗତ ଜୀବନରେ କିଛି ଠିକ୍ ଚାଲିନାହିଁ। ସେଲିନାଙ୍କୁ ନେଇ ସୋସିଆଲ ମିଡିଆରୁ ଆରମ୍ଭ କରି ଖବରକାଗଜ ପର୍ଯ୍ୟନ୍ତ ବ୍ୟାପକ ଆଲୋଚନା ହେଉଛି। ସେଲିନା ତାଙ୍କ ସ୍ୱାମୀ ପିଟର ହାଗଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି। ଏହି ସମୟରେ, ଅଭିନେତ୍ରୀ ତାଙ୍କ ସ୍ୱାମୀଙ୍କଠାରୁ ୧୦୦ କୋଟି ଟଙ୍କା କ୍ଷତିପୂରଣ ଏବଂ ଭରଣପୋଷଣ ଦାବି କରିଛନ୍ତି। 

 ସେଲିନା ଏବଂ ତାଙ୍କ ସ୍ୱାମୀ ପିଟର ହାଗଙ୍କ ମଧ୍ୟରେ ମତଭେଦ ଚାଲିଛି। ଉଭୟ ଛାଡପତ୍ର ଚାହୁଁଛନ୍ତି। ଏହି ସମୟରେ, ଅଭିନେତ୍ରୀ ଏବେ ପିଟର ହାଗଙ୍କଠାରୁ ଭରଣପୋଷଣ ଦାବି କରିଛନ୍ତି।  ସେଲିନା ଜେଟଲୀ ପିଟର ହାଗଙ୍କଠାରୁ ୧୦୦ କୋଟି ଟଙ୍କାର କ୍ଷତିପୂରଣ ଏବଂ ମାସିକ ୧୦ ଲକ୍ଷ ଟଙ୍କାର ମେଣ୍ଟେନାନ୍ସ ଦାବି କରିଛନ୍ତି।  ସେଲିନା କୋର୍ଟରେ ଦାଖଲ ହୋଇଥିବା ଏକ ଆବେଦନରେ ପିଟର ହାଗଙ୍କ ବିରୋଧରେ ନୂଆ ଅଭିଯୋଗ ଆଣିଛନ୍ତି। କୋର୍ଟ ଉଭୟଙ୍କୁ ଜାନୁଆରୀ ୨୭ ତାରିଖ ସୁଦ୍ଧା ସେମାନଙ୍କର ଆୟ ସଂପର୍କିତ ସତ୍ୟପାଠ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। 

ଏହା ବ୍ୟତୀତ, କୋର୍ଟ ସେଲିନା ଜେଟଲୀଙ୍କ ଦ୍ୱାରା ଦାୟର ଘରୋଇ ହିଂସା ଅଭିଯୋଗର ଜବାବ ଦେବାକୁ ପିଟର ହାଗଙ୍କୁ ମଧ୍ୟ କହିଛନ୍ତି। ଉଲ୍ଲେଖନୀୟ ଯେ, ସେଲିନା ଜେଟଲୀ ତାଙ୍କ ଅଭିଯୋଗରେ ସ୍ୱାମୀ ପିଟରଙ୍କ ବିରୋଧରେ ବହୁତ ଗମ୍ଭୀର ଅଭିଯୋଗ ଆଣିଛନ୍ତି। ସେଲିନା ଅଭିଯୋଗ କରିଛନ୍ତି ଯେ, ସେମାନଙ୍କ ୧୫ ବର୍ଷର ବୈବାହିକ ଜୀବନରେ ପିଟର ତାଙ୍କୁ ଅଭଦ୍ର ବ୍ୟବହାର, ନିର୍ଯାତନା ଏବଂ  ଗାଳିଗୁଲଜ କରୁଥିଲେ । ସେଲିନା ଏବେ ୧୦୦ କୋଟି ଟଙ୍କାର କ୍ଷତିପୂରଣ ଏବଂ ଖର୍ଚ୍ଚ ପାଇଁ ମାସିକ ୧୦ ଲକ୍ଷ ଟଙ୍କା ଦାବି କରୁଛନ୍ତି। 

 ସେମାନଙ୍କ ବିବାହ ବିଷୟରେ କହିଲେ, ସେଲିନା ଏବଂ ପିଟର ୨୦୧୧ ମସିହାରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ବିବାହର ଦୀର୍ଗ ବର୍ଷ ବିତିଗଲାଣି ଏବଂ ଉଭୟେ ପିତାମାତା ହୋଇଛନ୍ତି। କିନ୍ତୁ ସେମାନଙ୍କ ମଧ୍ୟରେ ସଂପର୍କ ଭଲ ନାହିଁ ଏବଂ ସେମାନେ ଛାଡପତ୍ର ଚାହୁଁଛନ୍ତି। ପିଟର ହାଗ ମଧ୍ୟ ସେଲିନାଙ୍କଠାରୁ ଛାଡ଼ପତ୍ର ପାଇଁ ଆବେଦନ କରିଛନ୍ତି।