ବାଲେଶ୍ୱର ୯।୬: ବାଲେଶ୍ୱର ଜିଲ୍ଲା ହସ୍ପିଟାଲ ସ୍ତ୍ରୀ ଓ ପ୍ରସୂତୀ ବିଭାଗର ରବିବାର ସକାଳେ ପୁଣି ଏକ ନବଜାତ ଶିଶୁ ଚୋରି ହୋଇଥିବା ଅଭିଯୋଗ ହୋଇଛି ।
ସୂଚନାଯୋଗ୍ୟ ଯେ, ବାଲେଶ୍ବର ଜିଲ୍ଲା ବାଲିଆପାଳ ଥାନା କୁଲାଚଡ଼ ଗାଁର ପୂର୍ଣ୍ଣଚନ୍ଦ୍ର ଦଣ୍ଡପାଟଙ୍କ ପତ୍ନୀ ଅନିତା ଶନିବାର ବିଳମ୍ବିତ ରାତିରେ ଡେଲିଭରି ପାଇଁ ବାଲେଶ୍ୱର ଜିଲ୍ଲା ହସ୍ପିଟାଲରେ ଭର୍ତ୍ତି ହୋଇଥିଲେ । ସାଙ୍ଗରେ ଅନିତାଙ୍କ ଶାଶୁ ଓ ସ୍ଥାନୀୟ ଆଶାକର୍ମୀ ସନ୍ଧ୍ୟାରାଣୀ ଜେନା ଥିଲେ । ତେବେ ରାତି ପ୍ରାୟ ୧୨ଟାରେ ତାଙ୍କର ଏକ ଶିଶୁ ପୁତ୍ର ଜନ୍ମ ହୋଇଥିଲା । ହେଲେ ରବିବାର ସକାଳେ ସେଠାରେ ଜଣେ ଅଜଣା ମହିଳା ଆସି ପହଁଚି ତାଙ୍କ ପିଲାକୁ ଧରାଧରି କରିଥିଲେ ଏବଂ ପରେ ଆଶାକର୍ମୀ ସନ୍ଧ୍ୟାରାଣୀଙ୍କ ସହ କଥାବାର୍ତ୍ତା କରୁଥିଲେ । ଏହାପରେ ଆଶାକର୍ମୀ ଏବଂ ଅନିତାଙ୍କ ଶାଶୁ ୱାର୍ଡରେ ନଥିବା ବେଳେ ଅଜଣା ମହିଳା ଜଣକ ସେଠାକୁ ଯାଇ ପିଲାଟିକୁ ଡାକ୍ତର ପାଖକୁ ନେବାକୁ କହି ବେଡରୁ ନେଇଯାଇଥିଲେ । ହେଲେ ପରେ ଆଉ ବେଡକୁ ଶିଶୁ ଫେରିନଥିଲା । ଏ ନେଇ ଜଣାପଡିବା ପରେ ହସ୍ପିଟାଲ ଫାଣ୍ଡିରେ ଅନିତାଙ୍କ ଶାଶୁଘର ଲୋକେ ପିଲା ଚୋରି ହୋଇଥିବା ଅଭିଯୋଗ କରିଛନ୍ତି । ଏହାପରେ ପୋଲିସ ହସ୍ପିଟାଲ ସିସିକ୍ୟାମେରା ଯାଞ୍ଚ କରି ଅଜଣା ମହିଳାଙ୍କ ଗତିବିଧିର ଭିଡିଓ ଜବତ କରିଥିବା ବେଳେ ଆଶାକର୍ମୀ ଓ ହସ୍ପିଟାଲର ସୁରକ୍ଷାକର୍ମୀଙ୍କୁ ଅଟକ ରଖି ପଚରାଉଚରା କରିଥିବା ଦେଖାଯାଇଛି ।
ଗତ ଏପ୍ରିଲ ୪ ତାରିଖରେ ଏହି ହସ୍ପିଟାଲରେ ଏକ ନବଜାତ ଶିଶୁ ଚୋରି ହୋଇଥିଲା ।
You Can Read :
ଟ୍ୟୁସନ୍ ସାରି ଫେରୁଥିଲେ ନାବାଳକ, ଗୋଡ଼ରେ ଚଢ଼ିଗଲା ଚିପ୍ସ ବୋଝେଇ ହାଇଓ୍ବା