ରାହୁଲଙ୍କ ଉପରେ ଭାରି ପଡ଼ିଲେ ମିଚେଲ୍, ରାଜକୋଟରେ ଟିମ୍ ଇଣ୍ଡିଆର ପରାଜୟ, ସିରିଜ ୧-୧ରେ ବରାବର

ରାଜକୋଟ୍: କେଏଲ ରାହୁଲଙ୍କ ଶତକ ଉପରେ ଭାରି ପଡ଼ିଲା ଡାରିଲ ମିଚେଲଙ୍କ ଶତକ। ମିଚେଲଙ୍କ ଅପରାଜିତ ୧୩୧ ରନ ଓ ଓ୍ଵିଲ ୟଙ୍ଗଙ୍କ ୮୭ ରନ ବଳରେ ନ୍ୟୁଜିଲାଣ୍ଡ ଦ୍ଵିତୀୟ ଦିନିକିଆରେ ଭାରତକୁ ସହଜରେ ୭ ଓ୍ଵିକେଟରେ ହରାଇଛି। ରାଜକୋଟ୍ ଦିନିକିଆ ଜିତି ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜକୁ ୧-୧ରେ ବରାବର କରିଛି ନ୍ୟୁଜିଲାଣ୍ଡ। ପ୍ରଥମେ ବ୍ୟାଟିଂ କରିଥିବା ଭାରତ କେଏଲ ରାହୁଲଙ୍କ ଅପରାଜିତ ୧୧୨ ରନ ଓ ଗିଲଙ୍କ ୫୬ ରନ ବଳରେ ୭ ଓ୍ଵିକେଟ୍ ହରାଇ ୨୮୪ ରନ କରିଥିଲା। ଜବାବରେ ନ୍ୟୁଜିଲାଣ୍ଡ ମାତ୍ର ୩ ଓ୍ଵିକେଟ୍ ହରାଇ ୪୭.୩ ଓଭରରେ ଲକ୍ଷ୍ୟ ହାସଲ କରି ନେଇଛି। ଆଉ କେଏଲ ରାହୁଲଙ୍କ ଶତକ ବୃଥା ହୋଇଛି। ସିରିଜର ନିର୍ଣ୍ଣାୟକ ମ୍ୟାଚ୍ ଜାନୁଆରୀ ୧୮ରେ ଇନ୍ଦୋରର ହୋଲକର ଷ୍ଟାଡିୟମରେ ଖେଳାଯିବ।

News updating...