ନୂଆଦିଲ୍ଲୀ: ଇରାନ ଉପରେ ଆକ୍ରମଣ କରିଛି ଆମେରିକା। ତେହେରାନର ପରମାଣୁ ଶକ୍ତି ନଷ୍ଟ। ଏହି ଆକ୍ରମଣ ପରେ ଇସ୍ରାଏଲ ପ୍ରଧାନମନ୍ତ୍ରୀ ନେତାନ୍ୟାହୁଙ୍କ ପ୍ରଥମ ବୟାନ ସାମ୍ନାକୁ ଆସିଛି। ନେତାନ୍ୟାହୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ଅଭିନନ୍ଦନ ଜଣାଇଛନ୍ତି। ସେ କହିଛନ୍ତି, ଟ୍ରମ୍ପ ଇତିହାସ ବଦଳାଇ ଦେବେ।
ଆମେରିକା ଇରାନର ୩ଟି ପରମାଣୁ ପ୍ରତିଷ୍ଠାନ ଉପରକୁ ବୋମାମାଡ଼ କରିଛି ଟ୍ରମ୍ପ ସେନା। ଏହା ସହିତ, ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ ଏହି ଆମେରିକା ଆକ୍ରମଣରେ ଇରାନର ତିନୋଟି ପରମାଣୁ ପ୍ରତିଷ୍ଠାନ ଧ୍ୱଂସ ହୋଇଯାଇଛି। ଏହି ଆକ୍ରମଣ ପାଇଁ ନେତାନ୍ୟାହୁ ଆମେରିକା ଏବଂ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ପ୍ରଶଂସା କରିଛନ୍ତି। ନେତାନ୍ୟାହୁ କହିଛନ୍ତି ଯେ ଆମେରିକୀୟ ସେନା ଦ୍ୱାରା ଇରାନ ଉପରେ ଆକ୍ରମଣ "ଏକ ଅତ୍ୟନ୍ତ ସଫଳ ଆକ୍ରମଣ" ଥିଲା।
ଇରାନ ଉପରେ ଆମେରିକାର ଏହି ଆକ୍ରମଣ ପାଇଁ ନେତାନ୍ୟାହୁ ଟ୍ରମ୍ପଙ୍କୁ ଅଭିନନ୍ଦନ ଜଣାଇଥିଲେ। ଆମେରିକାର ଭୟଙ୍କର ଶକ୍ତି ସହିତ ଇରାନର ପରମାଣୁ ପ୍ରତିଷ୍ଠାନଗୁଡ଼ିକୁ ଟାର୍ଗେଟ କରିବାର ତୁମର ସାହସିକ ନିଷ୍ପତ୍ତି ଇତିହାସକୁ ବଦଳାଇ ଦେବ। ରାଷ୍ଟ୍ରପତି ଟ୍ରମ୍ପ ଏବଂ ମୁଁ ପ୍ରାୟତଃ କହୁଛୁ, 'କେବଳ ଶକ୍ତି ମାଧ୍ୟମରେ ଶାନ୍ତି ପ୍ରତିଷ୍ଠା କରାଯାଇପାରିବ।' ପ୍ରଥମେ ଶକ୍ତି ଆସେ, ତା'ପରେ ଶାନ୍ତି ଆସେ। ଡୋନାଲ୍ଡ ଟ୍ରମ୍ପ ଏବଂ ଆମେରିକା ମହାନ ଶକ୍ତି ସହିତ କାର୍ଯ୍ୟ କରିଛନ୍ତି।
ନେତାନ୍ୟାହୁ ଆହୁରି କହିଛନ୍ତି, ଅପରେସନ ରାଇଜିଂ ଲାଇନ୍ରେ ଇସ୍ରାଏଲ ଆଶ୍ଚର୍ଯ୍ୟଜନକ କାମ କରିଛି। କିନ୍ତୁ ଆଜି ରାତିର ଇରାନର ପରମାଣୁ ପ୍ରତିଷ୍ଠାନ ବିରୁଦ୍ଧରେ କାର୍ଯ୍ୟାନୁଷ୍ଠାନରେ, ଆମେରିକା ଅତୁଳନୀୟ ହୋଇଛି। ଏହା ଏପରି କରିଛି ଯାହା ପୃଥିବୀର ଅନ୍ୟ କୌଣସି ଦେଶ କରିପାରି ନାହିଁ। ଇତିହାସରେ ଏହା ଲିପିବଦ୍ଧ ହୋଇଛି ଯେ ରାଷ୍ଟ୍ରପତି ଟ୍ରମ୍ପ ବିଶ୍ୱର ସବୁଠାରୁ ବିପଦପୂର୍ଣ୍ଣ ଶାସନ ଉପରେ ଆକ୍ରମଣ କରିଛନ୍ତି।
ଶୁକ୍ରବାର ବିଳମ୍ବିତ ରାତିରେ ଆମେରିକା ଇରାନର ତିନୋଟି ପରମାଣୁ ସ୍ଥଳ ଉପରେ ଆକ୍ରମଣ କରିଛି। ଆମେରିକା ଫୋର୍ଡୋ, ନାଟାଞ୍ଜ ଏବଂ ଇସଫାହାନରେ ବୋମା ମାଡ଼ କରିଥିଲା। ଏହି ତିନୋଟି ସ୍ଥାନ ଇରାନକୁ ପରମାଣୁ ଶକ୍ତିଶାଳୀ କରିବାରେ ବହୁତ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଥିଲା। ଏଗୁଡ଼ିକ ମାଧ୍ୟମରେ ଇରାନ ଶୀଘ୍ର ପରମାଣୁ ଶକ୍ତି ହେବାର ସ୍ୱପ୍ନ ଦେଖୁଥିଲା କିନ୍ତୁ ଏବେ ଆମେରିକାର ଆକ୍ରମଣ ପରେ ଇରାନର ପରମାଣୁ ଯୋଜନା ଧୂଳିସାତ ହୋଇଛି।
ଏହି ଆକ୍ରମଣ ପରେ ଡୋନାଲ୍ଡ ଟ୍ରମ୍ପ କହିଛନ୍ତି, ଏହି ଆକ୍ରମଣ ପରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି, ମୁଁ ବିଶ୍ୱକୁ କହିବାକୁ ଚାହୁଁଛି ଯେ ଆମେ ଏହି ଆକ୍ରମଣରେ ଏକ ମହାନ ସାମରିକ ସଫଳତା ହାସଲ କରିଛୁ। ଇରାନର ପ୍ରମୁଖ ପରମାଣୁ କେନ୍ଦ୍ରଗୁଡ଼ିକ ସମ୍ପୂର୍ଣ୍ଣ ଧ୍ୱଂସ ହୋଇଯାଇଛି।
