'ଶୋଲେ' ନିର୍ଦ୍ଦେଶକଙ୍କ ବଡ଼ ଖୁଲାସା, ପାଣି ଟାଙ୍କି ସିନ୍‌ରେ ପ୍ରକୃତରେ ମଦ୍ୟପାନ କରିଥିଲେ ଧରମ ଜୀ...

ମୁମ୍ୱାଇ ୧୬/୧୨ : ଏଇ କିଛି ଦିନ ହେବ ବି-ଟାଉନ୍ ଥିଏଟର୍ସରେ ଲାଗିଛି ୭୦ ଦଶକର ସେହି ସୁପରହିଟ୍ ଚଳଚ୍ଚିତ୍ର । ଆଇକନିକ ମୁଭି 'ଶୋଲେ'କୁ ନେଇ ସବୁଠି ଚର୍ଚ୍ଚା । କାରଣ 4K ଭର୍ସନରେ ରିଲିଜ ହୋଇଛି ଫିଲ୍ମ । ଯେଉଁଥିରେ ଫିଲ୍ମର ଅରିଜିନାଲ୍ କ୍ଲାଇମାକ୍ସ ଆଡ୍ ହୋଇଛି । ଯାହା ୧୯୭୫ରେ ରିଲିଜ ହୋଇଥିବା ଫିଲ୍ମ ଶୋଲେର ନଥିଲା ।  

ନିର୍ଦ୍ଦେଶକ ରମେଶ ସିପ୍ପି 'ଶୋଲେ'ରେ ଥିବା ପ୍ରତୀକାତ୍ମକ ଟ୍ୟାଙ୍କ ଦୃଶ୍ୟର କାହାଣୀ ବର୍ଣ୍ଣନା କରିଥିଲେ । ସେ ପ୍ରକାଶ କରିଥିଲେ ଯେ ସ୍ୱର୍ଗତ ଅଭିନେତା ଧର୍ମେନ୍ଦ୍ର ପ୍ରକୃତରେ ଏହି ଦୃଶ୍ୟ ପାଇଁ କିଛି ମଦ୍ୟପାନ କରିଥିଲେ ଯାହା ଦ୍ୱାରା ସେ ହେମା ମାଳିନୀଙ୍କ ପ୍ରତି ତାଙ୍କର ପ୍ରକୃତ ପ୍ରେମ ପ୍ରକାଶ କରିପାରିବେ। ସିଦ୍ଧାର୍ଥ କନ୍ନନଙ୍କ ସହ ଏକ ଆଲୋଚନାରେ ରମେଶ ସିପ୍ପି କହିଥିଲେ, "ଧର୍ମେନ୍ଦ୍ର ସେହି ଦିନ ଟ୍ୟାଙ୍କ ଦୃଶ୍ୟ ପାଇଁ ଠିକ୍ ମନୋଭାବରେ ଥିଲେ । କାରଣ ସେ ପ୍ରକୃତରେ ମଦ ପାନ ପିଇଥିଲେ। 

"ମୁଁ ଏହା ଜାଣିଥିଲି କାରଣ ପାଣି ଟାଙ୍କି ଉପରକୁ ଚଢ଼ିବା ଏବଂ ତଳକୁ ଓହ୍ଲାଇବା ସମୟରେ ସେ କିପରି ଦୋହଲୁଥିଲେ ତାହା ସ୍ପଷ୍ଟ ଥିଲା । ମୁଁ ମଧ୍ୟ ଭୟଭୀତ ହୋଇଥିଲି। ଯେତେବେଳେ ମୁଁ ତାଙ୍କ ପଛରେ ଥିବା ଟ୍ୟାଙ୍କ ଉପରକୁ ଚଢ଼ିଲି, ସେ କହିଲେ ଯେ କିଛି ହେବ ନାହିଁ, ଏହା ସବୁ ଅଭିନୟ ଥିଲା । ତେଣୁ ମୁଁ ତାଙ୍କୁ ସମ୍ପୂର୍ଣ୍ଣ ସ୍ୱାଧୀନତା ଦେଇଥିଲି । କାରଣ ଏହା ସମସ୍ତଙ୍କ ସମ୍ମୁଖରେ ତାଙ୍କର ପ୍ରେମର ଘୋଷଣା ଥିଲା । ସେ ତାଙ୍କ ପ୍ରେମକୁ ବଳିଦାନ ଦେବାକୁ ମଧ୍ୟ ପ୍ରସ୍ତୁତ ଥିଲେ ଯାହା ଦ୍ୱାରା ମାଉସୀଙ୍କ ସ୍ୱୀକୃତି ମିଳିଯିବ । କାରଣ ଏହା ତାଙ୍କର ପ୍ରକୃତ ପ୍ରେମର ଘୋଷଣା ଥିଲା । ତେଣୁ ସେ ଏଥିରେ ନିଜର ହୃଦୟ ଓ ଆତ୍ମା ​​ଲଗାଇ ଦେଇଥିଲେ ଅଭିନୟ କରିବାକୁ  । 

ରମେଶ ସିପ୍ପି ଆହୁରି କହିଛନ୍ତି ଯେ ଧର୍ମେନ୍ଦ୍ର ବାଛିଥିଲେ ପ୍ରକୃତ ଅଭିନୟ । କାରଣ ସେ ହେମା ମାଳିନୀଙ୍କ ପ୍ରତି ତାଙ୍କର ପ୍ରକୃତ ପ୍ରେମକୁ ସାର୍ବଜନୀନ ଭାବରେ ସ୍ୱୀକାର କରିପାରିବେ। ସେ ଆହୁରି କହିଛନ୍ତି ଯେ ଫିଲ୍ମରେ ଯାହା ଘଟିଥିଲା । ପରବର୍ତ୍ତୀ ସମୟରେ ବାସ୍ତବ ଜୀବନରେ ମଧ୍ୟ ଘଟିଥିଲା । ରମେଶ ସିପ୍ପିଙ୍କ ଅନୁଯାୟୀ, ଧର୍ମେନ୍ଦ୍ର ଓ ହେମା ମାଳିନୀଙ୍କ ପ୍ରକୃତ ପ୍ରେମ ଫିଲ୍ମ ପାଇଁ ଲାଭଦାୟକ ପ୍ରମାଣିତ ହୋଇଥିଲା । କାରଣ ସେ ବିଶ୍ୱାସ କରୁଥିଲେ ଯେ ପ୍ରକୃତ ପ୍ରେମ ପ୍ରକୃତରେ ପରଦାରେ ପ୍ରତିଫଳିତ ହୁଏ।  

ଏହା ଉଲ୍ଲେଖନୀୟ ଯେ "ଶୋଲେ" ବ୍ୟତୀତ, ଧର୍ମେନ୍ଦ୍ର ଏବଂ ହେମା ମାଳିନୀ ଅନେକ ଚଳଚ୍ଚିତ୍ରରେ ଏକାଠି ଅଭିନୟ କରିଥିଲେ। ଏହି ସମୟରେ ସେମାନଙ୍କର ପ୍ରେମ ପ୍ରସ୍ଫୁଟିତ ହୋଇଥିଲା, ଏବଂ ପରେ ସେମାନେ ୧୯୮୦ ମସିହାରେ ବିବାହ କରିଥିଲେ। ଯଦିଓ ଧର୍ମେନ୍ଦ୍ର ସେତେବେଳେ ବିବାହିତ ଥିଲେ, ଏହି ମୁହୂର୍ତ୍ତ ସେମାନଙ୍କ ବ୍ୟକ୍ତିଗତ ଜୀବନରେ ଅନେକ ଅସୁବିଧା ଆଣି ଦେଇଥିଲା।