ନୂଆଦିଲ୍ଲୀ ୨୮/୦୪: ଭାରତ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ କରିବା ପରେ, ପାକିସ୍ତାନ ପ୍ରଧାନମନ୍ତ୍ରୀ ଶାହବାଜ ସରିଫ ଜାତୀୟ ସୁରକ୍ଷା କମିଟିର ଏକ ବୈଠକ ଡାକିଥିଲେ । ସେ ନୱାଜ ସରିଫଙ୍କୁ କହିଥିଲେ ଯେ ଏହି ଆକ୍ରମଣ ଏକ ଫଲ୍ସ ଫ୍ଲାଗ ଅପରେସନ ଥିଲା । ଏହି ବୈଠକରେ ପଞ୍ଜାବ ମୁଖ୍ୟମନ୍ତ୍ରୀ ମରିୟମ ନୱାଜ ମଧ୍ୟ ଉପସ୍ଥିତ ଥିଲେ । ବୈଠକରେ ଅନେକ ପ୍ରସଙ୍ଗରେ ଆଲୋଚନା ହୋଇଥିଲା ।
ମୁସଲିମ ଲିଗ୍-ନୱାଜ (ପିଏମଏଲ-ଏନ) ସଭାପତି ନୱାଜ ସରିଫଙ୍କୁ ଜାତୀୟ ସୁରକ୍ଷା କମିଟି (ଏନଏସସି) ବୈଠକରେ ନିଆଯାଇଥିବା ନିଷ୍ପତ୍ତି ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଏହି ବୈଠକ ଭାରତ ସିନ୍ଧୁ ଜଳ ଚୁକ୍ତି (IWT)କୁ ସ୍ଥଗିତ କରିବା ପରେ ବସିଥିଲା ।
ଶାହବାଜ ସରିଫ ତାଙ୍କ ସାକ୍ଷାତ ସମୟରେ ନୱାଜ ସରିଫଙ୍କୁ କହିଥିଲେ ଯେ ଏହା ଏକ 'ଫଲ୍ସ ଫ୍ଲାଗ ଅପରେସନ' । ଏହାର ଅର୍ଥ ହେଉଛି ଏହି ଅଞ୍ଚଳରେ ଅସ୍ଥିରତା ବିସ୍ତାର କରିବା ପାଇଁ ଭାରତୀୟମାନେ ଜାଣିଶୁଣି ଏପରି କରିଛନ୍ତି । ଶାହବାଜ ସରିଫ କହିଛନ୍ତି ଯେ ଭାରତର ଏହି ଏକପାଖିଆ ପଦକ୍ଷେପ । ଯାହାକି ଦୁଇ ଦେଶ ମଧ୍ୟରେ ଯୁଦ୍ଧର ବିପଦକୁ ଆହୁରି ବୃଦ୍ଧି କରିଛି।
ପ୍ରଧାନମନ୍ତ୍ରୀ ଶାହବାଜ ସରିଫ କହିଛନ୍ତି ଯେ ପାକିସ୍ତାନ ଶାନ୍ତି ପାଇଁ ପ୍ରତିବଦ୍ଧ । କିନ୍ତୁ ଦେଶର ସୁରକ୍ଷା ସହିତ କୌଣସି ସାଲିସ କରାଯାଇପାରିବ ନାହିଁ । ଟ୍ରିବ୍ୟୁନର ଏକ ରିପୋର୍ଟ ଅନୁଯାୟୀ, ପିଏମଏଲ-ଏନର ଏକ ସୂତ୍ର କହିଛି ଯେ ନୱାଜ ସରିଫ ଚାହାଁନ୍ତି ଯେ ତାଙ୍କ ସରକାର ଦୁଇ ଦେଶ ମଧ୍ୟରେ ଶାନ୍ତି ଫେରାଇ ଆଣିବା ପାଇଁ ଏକ ଆଲୋଚନାମୂଳକ ସମାଧାନ ଖୋଜୁ। ସେ କହିଛନ୍ତି ଯେ ନୱାଜ ଆକ୍ରମଣାତ୍ମକ ମନୋଭାବ ଗ୍ରହଣ କରିବାକୁ ଇଚ୍ଛୁକ ନୁହଁନ୍ତି।
ପୂର୍ବରୁ, ପ୍ରତିରକ୍ଷା ମନ୍ତ୍ରୀ ଖ୍ୱାଜା ଆସିଫ୍ ଘଟଣାର ତଦନ୍ତ ପାଇଁ ଆମେରିକା, ଇରାନ, ଚୀନ୍, ରୁଷ ଏବଂ ବ୍ରିଟେନର ଅଧିକାରୀମାନଙ୍କୁ ନେଇ ଏକ ଅନ୍ତର୍ଜାତୀୟ କମିଶନ ଗଠନ କରିବାକୁ ଭାରତକୁ ପ୍ରସ୍ତାବ ଦେଇଥିଲେ। ସେ କହିଛନ୍ତି ଯେ ଯଦି ଏହା ହୁଏ, ତେବେ ପାକିସ୍ତାନ ବିଶ୍ୱ ସମ୍ମୁଖରେ ତଥ୍ୟ ଉପସ୍ଥାପନ କରିବ । ସେ କହିଥିଲେ, "ଆମେ ଜାଣୁ ଯେ ଏହା କେବଳ ଏକ ନାଟକ ଥିଲା, କିନ୍ତୁ ଏହି ମିଛର ପର୍ଦ୍ଦାଫାସ କରିବା ପାଇଁ ଆମେ ଯେକୌଣସି କମିଶନ ସହିତ କାମ କରିବାକୁ ପ୍ରସ୍ତୁତ । ତଥାପି, ଯଦି ଭାରତ କିଛି କରିବାକୁ ସାହସ କରେ, ତେବେ ଆମେ ପଛକୁ ହଟିବୁ ନାହିଁ।
