ନୂଆଦିଲ୍ଲୀ ୨୯।୮: ବିକାଶର ଆର୍ଥିକ ସ୍କେଲରେ ଏବେ ସାରା ଦୁନିଆ ମାପି ହେଉଛି, ଏଥିରେ ବିଏସଏଫ ଏବେବି ସେହି ପୁରୁଣାକାଳିଆ ମାନସିକତାରେ ରହିଯାଇଛି, କାହାର ଗୋଡ କେତେ ଉପରକୁ ଉଠିଲା। ଏହା ଏକ ନିତିଦିନିଆ ନାଟକବାଜୀ, ଅଟାରୀ-ୱାଘା ବର୍ଡରରେ ବିଟିଂ ଦି ରିଟ୍ରିଟ୍ ପବିତ୍ର ସାମରିକ ସମାରୋହର ଅପମାନ ଅଟେ। ଏହି ଡ୍ରାମା ବନ୍ଦ ହେବା ଦରକାର। ସୋସିଆଲ ମିଡିଆରେ ଏହି ପୋଷ୍ଟ ହେଉଛି ଅବସରପ୍ରାପ୍ତ ଲେଫ୍ଟନାଣ୍ଟ ଜେନେରାଲ କେ.ଜେ.ଏସ୍. ଧିଲନଙ୍କର।
ଏହି ପୋଷ୍ଟ ସୋସିଆଲ ମିଡିଆରେ ଅପଡେଟ୍ ହେବା ପରଠାରୁ ସାରା ଦେଶରେ ଏହାକୁ ନେଇ ଏବେ ବିତର୍କ ଆରମ୍ଭ ହୋଇଯାଇଛି। ଅଟାରୀ-ୱାଘା ବର୍ଡରରେ ପ୍ରତିଦିନ ଭାରତ ଓ ପାକିସ୍ତାନ ଜବାନଙ୍କ ମଧ୍ୟରେ ହେଉଥିବା ଶକ୍ତିପ୍ରଦର୍ଶନକୁ ନେଇ ଏବେ ସେନାର ରିଟାୟାର୍ଡ ଲୋକେ ପ୍ରଶ୍ନ ଉଠାଇବା ଆରମ୍ଭ କରିଦେଲେଣି। ଲେଫ୍ଟନାଣ୍ଟ ଜେନେରାଲ ଧିଲନ ଏକ୍ସ ରେ କରିଥିବା ପୋଷ୍ଟରେ ଏକ ଫଟୋ ମଧ୍ୟ ସେୟାର କରିଛନ୍ତି। ଏଥିରେ ବିଏସଏଫ ଓ ପାକିସ୍ତାନୀ ଜବାନଙ୍କ ଗୋଟିଏ ଲେଖାଏଁ ଗୋଡ ଆକାଶ ଆଡକୁ ଉଠି ରହିଥିବା ଦେଖାଯାଉଛି।
ଉଲ୍ଲେଖଯୋଗ୍ୟ ଯେ ଭାରତ-ପାକ୍ ସୀମାରେ ଏହି ଉତ୍ସବ ଦେଖିବାକୁ ଉଭୟ ଦେଶର ସୀମାରେ ଦେଶ ବିଦେଶର ଲୋକେ ନିୟମିତ ଏକତ୍ର ହୋଇଥାନ୍ତି। ଏଥି ଯୋଗୁ ସ୍ଥାନୀୟ ଲୋକଙ୍କର କିଛି ଆୟ ବି ହୁଏ। ହେଲେ ଭୂତପୂର୍ବ ସୈନ୍ୟ ଅଧିକାରୀମାନେ ଏହାକୁ ଏବେ ‘ତାମସା’ ବୋଲି କହୁଛନ୍ତି।
World is measuring economic parameters of growth. . .
— KJS DHILLON🇮🇳 (@TinyDhillon) August 28, 2025
And @BSF_India is still stuck with ‘Kiski taang upar gayee?’
This daily nautanki is an insult to the very solemn military ceremony of Beating the Retreat.
This drama MUST stop immediately.
Jai Hind 🇮🇳 pic.twitter.com/fkwqf5KjoM
ରିଟାୟାର୍ଡ ଅଫିସର ବ୍ରିଗେଡିଅର ଭି. ମହାଲିଙ୍ଗମ ମଧ୍ୟ ଧିଲନଙ୍କ କଥାରେ ସହମତ ହୋଇଛନ୍ତି। ସେ ଲେଖିଛନ୍ତି ଯେ ମୁଁ ଜେନେରାଲଙ୍କ କଥାରେ ସମ୍ପୂର୍ଣ୍ଣ ସହମତ, ସମୟ ଆସିଯାଇଛି ଆମେ ଏହି ତାମସାକୁ ବନ୍ଦ କରିବା ଦରକାର। ଏମିତିରେ ବି ଯେବେ ଭାରତ ଓ ପାକିସ୍ତାନ ସମ୍ପର୍କରେ ଉତ୍ତେଜନା ଦେଖାଦିଏ ସେତେବେଳେ ଏହି ସେରିମନି ବନ୍ଦ କରିଦିଆଯାଉଛି। ଗତ ଦିନରେ ଅପରେସନ ସିନ୍ଦୂର ପରେ ଯେବେ ପାକିସ୍ତାନ ପୁଣି ଏହି କାର୍ଯ୍ୟକ୍ରମ ଆରମ୍ଭ କରିଥିଲା ଏହାକୁ ଭାରତ ଏଡି ଯାଇଥିଲା।
ଏବେ ଏହି ସୋ ବଦଳେ ଦୈନିକ ମର୍ଯ୍ୟଦା ଭିତରେ ବିଟିଂ ରିଟ୍ରିଟ୍ ସେରିମନି ହେବା ଆବଶ୍ୟକ। ଏଥିରେ ଲେଫ୍ଟନାଣ୍ଟ ଜେନେରାଲ କେ.ଜିଏସ୍.ଧିଲନ କହିଛନ୍ତି ଯେ ଆମ ଜବାନ ଟୁରିଷ୍ଟଙ୍କ ଏଣ୍ଟରଟୈନମେଣ୍ଟ ଲାଗି ପରଫର୍ମର ନୁହନ୍ତି। ତେବେ ପୂର୍ବତନ ସୈନ୍ୟ ଅଧିକାରୀ ଏ ନେଇ ବହୁତ ଥର ଅଭିଯୋଗ କଲେଣି, ଏପରିକି ବିଏସଏଫକୁ ତାଙ୍କ ପୋଷ୍ଟ ଟ୍ୟାଗ୍ ମଧ୍ୟ କରୁଛନ୍ତି। ଏଥିରେ ଏବେ କିଛି ଲୋକେ ଏପରି ବି ପ୍ରଶ୍ନ କରିବା ଆରମ୍ଭ କଲେଣି ‘ଏପରି କାର୍ଯ୍ୟକ୍ରମ ଆରମ୍ଭ କେବେ ହୋଇଥିଲା?’।
ଏହା ଉପରେ ଭେଟେରାନ ଜେନେରାଲ ଧିଲନ କହିଛନ୍ତି ଯେ ବିଟିଂ ଦି ରିଟ୍ରେଟ୍ ଏକ ସ୍ୱଭାବିକ ସୈନ୍ୟ ଡ୍ରିଲ କାର୍ଯ୍ୟକ୍ରମ। ହେଲେ କେବେ ଓ କିପରି ଏହା ପ୍ରଥାରେ ବଦଳିଗଲା ତାହା ଜଣା ନାହିଁ, ତେବେ ଏହା ନିଶ୍ଚିତ ଯେ କାର୍ଯ୍ୟକ୍ରମରେ ହେଉଥିବା ପ୍ରଦର୍ଶନ ମିଲେଟ୍ରି ଡ୍ରିଲ ନୁହେଁ।
