ପୁରୀ ୨୭।୦୩ : ପୁରୀ ସହରରେ ପୁଣି ନାଲିଟୋପା ଗ୍ୟାଙ୍ଗର ଆତଙ୍କ । ଜଣେ ନାବାଳକକୁ ଖଣ୍ଡାରେ ସଂଘବଦ୍ଧ ଭାବେ ଆକ୍ରମଣ କରିଛନ୍ତି ନାଲି ଟୋପା ଗ୍ୟାଙ୍ଗର ସଦସ୍ୟ। ବୁଧବାର ବିଳମ୍ବିତ ରାତିରେ ଶ୍ରୀକୃଷ୍ଣ ସିନେମା ଗଳିରେ ଘଟିଛି ଅଘଟଣା। ଗୁରୁତର ନାବାଳକ ଜଣକ ମାଟିତୋଟା ପ୍ରଧାନ ସାହିର ବୋଲି ଜଣାପଡିଛି। ନାବାଳକର ମୁଣ୍ଡ, ମୁହଁ ଓ ଦୁଇ ହାତକୁ ଅତି ଅମାନୁଷିକ ଭାବେ ଦୁର୍ବୁତ୍ତ ମାନେ ହାଣି ପକାଇଛନ୍ତି।
ସେପଟେ ଖବର ପାଇ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଗୁରୁତର ଅବସ୍ଥାରେ ନାବାଳକକୁ ଉଦ୍ଧାର କରିବା ସହ ଚିକିତ୍ସା ପାଇଁ ପ୍ରଥମେ ପୁରୀ ସଦର ମୁଖ୍ୟ ଚିକିତ୍ସାଳୟ ଓ ପରେ କଟକ ସ୍ଥାନାନ୍ତର କରିଛନ୍ତି। ନାଲିଟୋପା ଗ୍ୟାଙ୍ଗ ସଦସ୍ୟ ମାନେ ଆକ୍ରମଣର କରିଥିବା ଅଭିଯୋଗ କରିଛି। ପୂର୍ବ ଶତ୍ରୁତାକୁ କେନ୍ଦ୍ର କରି ଏଭଳି ଘଟଣା ଘଟିଥାଇ ପାରେ ବୋଲି ପୋଲିସ ଅନୁମାନ କରୁଛି। ଘଟଣାର ତଦନ୍ତ ପରେ ପ୍ରକୃତ କାରଣ ସ୍ପଷ୍ଟ ହେବ ବୋଲି ଟାଉନ ଥାନା ପୋଲିସ ପକ୍ଷରୁ ସୂଚନା ମିଳିଛି।
