ନୂଆଦିଲ୍ଲୀ : ବିହାରର ମୁଜଫରପୁର ଜିଲ୍ଲାରେ ଜଣେ ନାବାଳିକାଙ୍କ ଦୁଷ୍କର୍ମ ଓ ହତ୍ୟାର ହୃଦୟ ଥରା ଖବର ସାମ୍ନାକୁ ଆସିଛି। ଏହି ମାମଲାରେ ପ୍ରଶାସନ ଉପରେ ମଧ୍ୟ ଅବହେଳା ପ୍ରଦର୍ଶନ ନେଇ ଅଭିଯୋଗ ହୋଇଛି। ମହିଳା ଆୟୋଗ କହିଛି, ଦୁଷ୍କର୍ମ ପୀଡ଼ିତାଙ୍କୁ ବିନା କୌଣସି ଚିକିତ୍ସାର ସୁବିଧାର ୪ଘଣ୍ଟାରୁ ଅଧିକ ସମୟ ଯାଏ ଆମ୍ୱୁଲାନ୍ସରେ ଅପେକ୍ଷା କରାଯାଇ ଥିଲା। ମହିଳା ଆୟୋଗର ଅଧ୍ୟକ୍ଷ ଏହି ଘଟଣାର ନିନ୍ଦା କରିଛି। ସେଠାରେ ଆରଜେଡି ନେତା ତେଜସ୍ୱୀ ଯାଦବ ମଧ୍ୟ ଏହି ଘଟଣା ଉପରେ କଡ଼ା ପ୍ରତିକ୍ରିୟା ଦେଇ ସରକାର ଓ ଆଇନ ବ୍ୟବସ୍ଥା ଉପରେ ଅଭିଯୋଗ କରିଛନ୍ତି।
ଏବେସୁଦ୍ଧା ମାମଲାରେ କଣ କାର୍ଯ୍ୟାନୁଷ୍ଠାନ ହୋଇଛି ?
ପୁଲିସ କହିଛି ଯେ, ଦୁଷ୍କର୍ମର ଏହି ଘଟଣା ଗତ ୨୭ ମେ’ରେ ସାମ୍ନାକୁ ଆସିଥିଲା। ମୁଜଫରପୁର ଜିଲ୍ଲାର ଏସଏସପି ସୁଶୀଲ କୁମାରଙ୍କ ମୁତାବିକ ,ଦୁଷ୍କର୍ମ ଓ ହତ୍ୟାର ଅଭିଯୁକ୍ତ ପାଖ ଗାଁରେ ରହୁ ଥିଲା। ସେ ପୀଡ଼ିତା ନାବାଳିକାଙ୍କୁ ଜାଣି ଥିଲା। ସେ ମାଛ ବିକ୍ରି କରୁଥିଲା ଏବଂ ଅନେକ ସମୟରେ ସେଠାକୁ ଯାଉଥିଲା। ଅଭିଯୁକ୍ତ ନାବାଳିକାଙ୍କୁ ଚକୋଲେଟ୍ ଦ୍ୱାରା ପ୍ରଲୋଭିତ କରି ତା ସହ ଦୁଷ୍କର୍ମ କରିଥିଲା । ଏସଏସପି କହିଛନ୍ତି- ପୁଲିସ ମାମଲାରେ ତୁରନ୍ତ କାର୍ଯ୍ୟାନୁଷ୍ଠାନ ପୂର୍ବକ ଅଭିଯୁକ୍ତକୁ ଗିରଫ କରିଥିଲା ଏବଂ ତାକୁ ନ୍ୟାୟିକ ହେପାଜତକୁ ପଠାଇ ଦିଆଯାଇଛି। ଏଫଏସଏଲ୍ର ଟିମ୍ ଘଟଣାସ୍ଥଳର ଯାଞ୍ଚ କରିଛି ଏବଂ ସବୁ ନମୂନା ଏକାଠି କରିଛି। ପୋଷାକରୁ ମଧ୍ୟ ନମୂନା ଏକାଠି କରାଯାଇଛି। ସବୁ ନମୂନାକୁ ପରୀକ୍ଷଣ ପାଇଁ ଏଫଏସଏଲକୁ ପଠା ଯାଇଛି। ଆମେ ୧୫ ଦିନ ଭିତରେ ଚାର୍ଜସିଟ ଦାଖଲ କରିବେ। ଏହାକୁ ସ୍ପିଡି ଟ୍ରାଏଲ ଅନୁସାରେ ଅଣାଯିବ, ଯାହାକି ଆମେ ଆଗକୁ ଯାହା ବି କାର୍ଯ୍ୟାନୁଷ୍ଠାନ ଆବଶ୍ୟକ ହେବ , କରି ପାରିବୁ।
ରାଷ୍ଟ୍ରୀୟ ମହିଳା ଆୟୋଗର ଅଧ୍ୟକ୍ଷ ବିଜୟା ରାହଟକର ନାବାଳିକା ପୀଡ଼ିତାଙ୍କ ଦୁଃଖଦ ମୃତ୍ୟୁର ସ୍ୱତଃ ଧ୍ୟାନକୁ ନେଇଛନ୍ତି। ସେ ଏହି ମାମଲାରେ ପ୍ରବଳ ଅବହେଳା ଓ ବ୍ୟବସ୍ଥାଗତ ବିଫଳତାର କଡ଼ା ନିନ୍ଦା କରିଛନ୍ତି। ମହିଳା ଆୟୋଗର ଅଧ୍ୟକ୍ଷ ବିହାର ମୁଖ୍ୟ ସଚିବ ଓ ଡିଜିପିଙ୍କୁ ଏହି ପୂରା ମାମଲାର ତୀବ୍ର ଓ ନିରପେକ୍ଷ ଯାଞ୍ଚ କରିବାରୁ ନିର୍ଦ୍ଦେଶ ଦେଇଛନ୍ତି। ସେ ଏହି ମାମଲାରେ ହୋଇଥିବା ତ୍ରୁଟିରେ ହସ୍ପିଟାଲ ଅଧିକାରୀ ପୁଲିସର ଭୂମିକାକୁ ମଧ୍ୟ ଯାଞ୍ଚ କରିବାକୁ ଦାବି କରିଛନ୍ତି। ମହିଳା ଆୟୋଗର ଅଧ୍ୟକ୍ଷ ବିଜୟା ରାହଟକର ଦାବି କରିଛନ୍ତି ଯେ, ନିଜ କାମରେ ଅବହେଳା ପ୍ରଦର୍ଶନ କରି ଥିବା ଦୋଷୀଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ କରାଯିବା ଉଚିତ। ମହିଳା ଆୟୋଗ ଏହି ଘଟଣାକୁ ନେଇ ତିନି ଦିନ ଭିତରେ ବିସ୍ତୃତ କାର୍ଯ୍ୟାନୁଷ୍ଠାନର ରିପୋର୍ଟ ମାଗିଛନ୍ତି।
ସରକାରଙ୍କୁ ତେଜସ୍ୱୀ ଯାଦବଙ୍କ ଟାର୍ଗେଟ୍ –
ମୁଜଫରପୁରରେ ନାବାଳିକାଙ୍କୁ ଦୁଷ୍କର୍ମ ହତ୍ୟା ଘଟଣାକୁ ନେଇ ଆରଜେଡି ନେତା ତେଜସ୍ୱୀ ଯାଦବ ସରକାର ଓ ପୁଲିସ ଉପରେ ବଡ଼ ହମଲା କରିଛନ୍ତି। ତେଜସ୍ୱୀ କହିଛନ୍ତି ଯେ, ବିହାରରେ ଡବଲ ଇଞ୍ଜିନର ସରକାର ଫେଲ୍ ହୋଇଛି। ମୋତେ ଜଣାନାହିଁ ଯେ, ମୁଖ୍ୟମନ୍ତ୍ରୀଙ୍କୁ ଘଟଣାର ସୂଚନା ବି ଅଛି ନା ନାହିଁ। ତେଜସ୍ୱୀ ଆହୁରି କହିଛନ୍ତି ବିହାରରେ ଆଇନ ବ୍ୟବସ୍ଥା ନଷ୍ଟ ହୋଇ ଯାଇଛି ଏବଂ ଅପରାଧିମାନେ ପ୍ରାଧ୍ୟାନ୍ୟ ବିସ୍ତାର କରୁଛନ୍ତି। ତେଜସ୍ୱୀ କହିଛନ୍ତି ଯେ, ପୂରା ବିହାରରେ ପ୍ରଶାସନିକ ଅରାଜକତା ଅଛି, କିନ୍ତୁ କୌଣସି କାର୍ଯ୍ୟାନୁଷ୍ଠାନ ହେଉ ନାହିଁ। ସିଏମ୍ ଓ ଦୁଇ ଡେପୁଟି ସିଏମ୍ ରାଜନୀତିକ କାର୍ଯ୍ୟକ୍ରମରେ ବ୍ୟସ୍ତ ଏବଂ ପୀଡ଼ିତ ପରିବାରକୁ ଭେଟିବାକୁ କାହା ପାଖରେ ସମୟ ନାହିଁ।
