ଭାରତ-ପାକିସ୍ତାନ ଟକ୍କର : ମହା ମୁକାବିଲା ପୂର୍ବରୁ ଅଭିଷେକ ସୁସ୍ଥ ! ଇଷାନଙ୍କୁ ପାଇଁ ଚିନ୍ତାରେ ପାକ୍

ନୂଆଦିଲ୍ଲୀ, ୧୫/୦୨ : ଚଳିତ ଟି-ଟ୍ୱେଣ୍ଟି ବିଶ୍ୱକପରେ ରବିବାର ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ ପରସ୍ପରକୁ ଭେଟିବେ । ଗ୍ରୁପ-ଏ’ ପଏଣ୍ଟ ତାଲିକାର ଶୀର୍ଷ ସ୍ଥାନ ଉଭୟ ଦଳର ପ୍ରଥମ ଲକ୍ଷ୍ୟ ହେବ । ସମଗ୍ର ବିଶ୍ୱର ନଜର ରହିବ ମ୍ୟାଚ ଫଳାଫଳ ଉପରେ ।

ଭାରତ- ପାକ ମୁକାବିଲା ସର୍ବଦା ଆଇସିସି ଟୁର୍ଣ୍ଣାମେଣ୍ଟର ମୁଖ୍ୟ ଆକର୍ଷଣ ସାଜୁଥିଲେ ହେଁ ଏଥର ଅନେକ ବିବାଦ ଯୋଡ଼ି ହୋଇଥିବାରୁ ଉଭୟ ଦେଶର ସମର୍ଥକଙ୍କ ଭାବନା ଓ ଉତ୍ସାହ ମ୍ୟାଚ୍ର ରୋମାଞ୍ଚକୁ ସ୍ୱତନ୍ତ୍ର କରିଛି । ଟି-ଟ୍ୱେଣ୍ଟି ବିଶ୍ୱକପରେ ଭାରତ ୭-୧ରେ ଆଗୁଆ ରହିଛି । ଆଜି ମଧ୍ୟ ଡିଫେଣ୍ଡିଂ ଚାମ୍ପିଅନ୍ ଦଳର ଆଧିପତ୍ୟ ଜାରି ରହିବା ଏକ ପ୍ରକାର ନିଶ୍ଚିତ । ତଥାପି ପାକିସ୍ତାନ କଡ଼ା ଟକ୍କର ଦେବାକୁ ପ୍ରସ୍ତୁତ । 

ଏହି ଖବରଟି ପଢନ୍ତୁ...  ଥରିଲା ମିଆଁମାର, ଲଗାତାର ଆସିଲା ଦୁଇଟି ଭୂମିକମ୍ପ

ଗତ ଏସିଆ କପରେ ଉଭୟ ଦଳ ୩ଥର ସାମ୍ନା ସାମ୍ନି ହୋଇଥିଲେ ଓ ଭାରତ ସମସ୍ତ ମ୍ୟାଚ୍ ଜିତିଥିଲା । ପ୍ରତ୍ୟେକ ମ୍ୟାଚରେ ପାକିସ୍ତାନ ଜୋରଦାର ଲଢ଼େଇ କରିଥିଲା । ତେଣୁ ପାକିସ୍ତାନକୁ ଦୁର୍ବଳ ଭାବିବା ଭାରି ପଡ଼ିବ । ଉଭୟ ଦଳର ସ୍ପିନରଙ୍କ ପ୍ରଦର୍ଶନ ଉପରେ ମ୍ୟାଚ ଫଳାଫଳ ନିର୍ଭର କରିବ ବୋଲି ମତ ପ୍ରକାଶ ପାଉଛି । ତେଣୁ ଭାରତର ବରୁଣ ଚକ୍ରବର୍ତ୍ତୀ ଓ ପାକିସ୍ତାନର ଉସମାନ ତାରିକ ନଜରରେ ରହିଛନ୍ତି ।

ଶ୍ରୀଲଙ୍କାରେ ୨ଟି ମ୍ୟାଚ ଖେଳି ସାରିଥିବା ପାକିସ୍ତାନ ମଧ୍ୟ ୪ଜଣ ସ୍ପିନରଙ୍କୁ ନିୟୋଜିତ କରୁଛି । ଭାରତ ମଧ୍ୟ ଅତିରିକ୍ତ ସ୍ପିନର ଭାବେ ୱାସିଂଟନ ସୁନ୍ଦର କିମ୍ବା କୁଲଦୀପ ଯାଦବଙ୍କ ମଧ୍ୟରୁ ଜଣଙ୍କୁ ଖେଳାଇବାର ଆଶା ରହିଛି । ଅଭିଷେକ ଶର୍ମା ସୁସ୍ଥ ହୋଇ ଅଭ୍ୟାସ ଆରମ୍ଭ କରିଥିବାରୁ ସେ ଖେଳିବାର ଯଥେଷ୍ଟ ସମ୍ଭାବନା ରହିଛି । ମାତ୍ର ତାଙ୍କ ଅପେକ୍ଷା ଇଶାନ କିଷନଙ୍କୁ ନେଇ ପାକିସ୍ତାନ ଚିନ୍ତାରେ ରହିବ । ଭାରତୀୟ ବୋଲର ମଧ୍ୟ ପାକିସ୍ତାନ ଓପନର ସାହିବଜାଦା ଫରହାନଙ୍କ ପାଇଁ ସ୍ୱତନ୍ତ୍ର ରଣନୀତି ପ୍ରସ୍ତୁତ କରିବେ ।