ଇରାନୀ ଯୁଦ୍ଧ ମଡେଲ ଆପଣାଇଲା ତାଲିବାନ, ଡ୍ରୋନ୍ ହମଲାରେ ଦୋହଲିଲା ପାକିସ୍ତାନ

ନୂଆଦିଲ୍ଲୀ: ପାକିସ୍ତାନ ଏବଂ ଆଫଗାନିସ୍ତାନ ମଧ୍ୟରେ ଉତ୍ତେଜନା ବଡ଼ ସାମରିକ ସଂଘର୍ଷ ଆଡ଼କୁ ବୃଦ୍ଧିପାଉଛି।  ପାକିସ୍ତାନର ବିମାନ ଆକ୍ରମଣର ଜବାବ ଦେଲା ତାଲିବାନ। ଡ୍ରୋନରେ ହମଲା କଲା ଆଫଗାନ ପ୍ରତିରକ୍ଷା ବାହିନୀ। ସାମ୍ପ୍ରତିକ ରିପୋର୍ଟ ଅନୁଯାୟୀ, ଆଫଗାନ ସେନା ଅନେକ ପାକିସ୍ତାନୀ ସହରକୁ ଟାର୍ଗେଟ କରି ଡ୍ରୋନ ଆକ୍ରମଣ ଆରମ୍ଭ କରିଛି।

ପୂର୍ବରୁ ପାକିସ୍ତାନ ଗୁରୁବାର ବିଳମ୍ବିତ ଏବଂ ଶୁକ୍ରବାର ପ୍ରତ୍ୟୁଷରେ ଅନେକ ଆଫଗାନ ପ୍ରଦେଶରେ ବିମାନ ଆକ୍ରମଣ କରିଥିଲା। ଯେଉଁଥିରେ ଚାରି ଜଣ ଲୋକ ପ୍ରାଣ ହରାଇଛନ୍ତି।ଅନେକ ଆହତ ହୋଇଥିଲେ। ଆଫଗାନ ତାଲିବାନର ସୀମା ସୁରକ୍ଷା ବାହିନୀର ମୁଖପାତ୍ର ଆବିଦୁଲ୍ଲାହ ଉକାବ କହିଥିଲେ ଯେ ସେମାନେ ପାକିସ୍ତାନ ବିରୁଦ୍ଧରେ ପ୍ରତିଶୋଧମୂଳକ ଆକ୍ରମଣ ଆରମ୍ଭ କରିଛନ୍ତି। ସେ ବିଭିନ୍ନ ପାକିସ୍ତାନୀ ସହର ଉପରେ ଡ୍ରୋନ ଆକ୍ରମଣ କରିଥିବା ଦାବି କରିଛନ୍ତି।

ଉକାବ କହିଛନ୍ତି, "ଆଫଗାନିସ୍ତାନ ତାଲିବାନ ଦାବି କରିଛି ଯେ ଏହି ଆକ୍ରମଣରେ କୋହାଟ କେନ୍ଦ୍ରୀୟ କମାଣ୍ଡ, କୋହାଟ ବ୍ରିଗେଡ ଏବଂ ଶିବିର ସମେତ ପାକିସ୍ତାନୀ ସାମରିକ ପ୍ରତିଷ୍ଠାନଗୁଡ଼ିକୁ ଟାର୍ଗେଟ କରାଯାଇଥିଲା। "ବର୍ତ୍ତମାନ, ପାକିସ୍ତାନର ବିଭିନ୍ନ ସହରରେ ବିସ୍ଫୋରଣର ରିପୋର୍ଟ ଆସିଛି, ଯାହା ପ୍ରଶାସନକୁ ହାଇ ଆଲର୍ଟରେ ରଖିଛି।"

ଏହା ମଧ୍ୟ ପଢ଼ନ୍ତୁ: ଜାପାନରେ ଆସିପାରେ ମହାପ୍ରଳୟ, ସୁନାମିରେ ଛରାଖାର ହୋଇଯିବ ଟୋକିଓ ! ଭୟରେ ୮୦% ଲୋକେ

ଆଫଗାନ ତାଲିବାନ ପ୍ରତିରକ୍ଷା ବାହିନୀ ସ୍ପଷ୍ଟ କରିଛି ଯେ ଅପରେସନ ଏପର୍ଯ୍ୟନ୍ତ ଶେଷ ହୋଇନାହିଁ। ଜଣେ ତାଲିବାନ ମୁଖପାତ୍ର କହିଛନ୍ତି, "ଆମ ମାଟିରେ ପ୍ରତ୍ୟେକ ଆକ୍ରମଣର ଜବାବ ଏବେ ସେମାନଙ୍କ ନିଜ ମାଟିରେ ଦିଆଯିବ। ସୀମାବର୍ତ୍ତୀ ଅଞ୍ଚଳରେ ପ୍ରବଳ ଗୁଳିବର୍ଷା ଏବଂ ସାମରିକ କାର୍ଯ୍ୟକଳାପ ବୃଦ୍ଧି ପାଇଛି।''

ଏହା ମଧ୍ୟ ପଢ଼ନ୍ତୁ: 'ଆଜି ଇରାନରେ କ'ଣ ହେବ ସମସ୍ତେ ଦେଖିବେ' ! ତେହେରାନକୁ ଧମକ ଆଉ ଚେତାବନୀ ଦେଲେ ଟ୍ରମ୍ପ୍, କହିଲେ...

ଏହି ଆକ୍ରମଣଗୁଡ଼ିକ ଦକ୍ଷିଣ ଏସିଆରେ ଅସ୍ଥିରତାର ନୂତନ ଅଧ୍ୟାୟ। ପାକିସ୍ତାନ ଆତଙ୍କବାଦୀ ଆଡ୍ଡା ଉପରେ ଏହି ଆକ୍ରମଣକୁ କହୁଥିବା ବେଳେ ଆଫଗାନିସ୍ତାନ ଏହାକୁ ନିଜ ସ୍ୱାଧୀନତା ଉପରେ ଆକ୍ରମଣ ବୋଲି ବିବେଚନା କରି ପାଲଟା ଜବାବ ଦେଉଛି। ବିଶେଷଜ୍ଞମାନେ ବିଶ୍ୱାସ କରନ୍ତି ଯେ ଯଦି ତୁରନ୍ତ ଯୁଦ୍ଧବିରତି ସ୍ଥିର ନ ହୁଏ, ତେବେ ଏହି ଛୋଟ ସଂଘର୍ଷ ଏକ ବଡ଼ ଆଞ୍ଚଳିକ ଯୁଦ୍ଧରେ ପରିଣତ ହୋଇପାରେ।