ଭୁବନେଶ୍ୱର ୧୫/୦୭: ସରିଗଲା ସବୁକିଛି । ନିମିଷକେ ମାଟିରେ ମିଶିଲା ପରିବାରର ଖୁସି । ସୌମ୍ୟାଙ୍କୁ ଶେଷ ଶ୍ରଦ୍ଧାଞ୍ଜଳି ଦେଇଛି ପୁରା ଗାଁ । ପଳିସିଆ ଗାଁ ମଣାଶୀରେ ହୋଇଛି ଶେଷକୃତ୍ୟ । ଭାଙ୍ଗିପଡ଼ିଛି ପୂରା ପରିବାର । ଛାତିପିଟି କାନ୍ଦୁଛି ଜେଜେ ମା' । ପାଗେଳି ହୋଇଯାଇଛି ଜନ୍ମଦାତ୍ରୀ । କେବଳ ମାଆ ବୁଢି ମାଆ ବି ଅସ୍ତବ୍ୟସ୍ତ ।
ଆଉ ଜନ୍ମଦାତା କଥା ନକହିବା ଭଲ । ବଢ଼ିଲା ଝିଅକୁ ହରାଇ ବାପା ପାଲଟିଯାଇଛି ମୁକ । ସେପଟେ ଭଉଣୀକୁ ହରାଇ ବେସହାରା ଭାଇ । ଏହି ଛାତିଫଟା ଦୃଶ୍ୟ ଦେଖିଲେ ଆପଣଙ୍କ ଆଖିରେ ବି ଆସିଯିବ ଳୁହ । ମା'କୁ ବୁଝାଇବା ପାଇଁ ପାଖରେ ଅନ୍ୟ ପରିବାର ସଦସ୍ୟ ଅଛନ୍ତି ସତ କିନ୍ତୁ ମା' ମନକୁ କିଏ ବା ବୁଝାଇବ... ସେ ଏବେ ବି ବିଶ୍ବାସ କରିପାରୁନି ତା ଝିଅ ଆଉଁ ଏ ଦୁନିଆରେ ନାହିଁ ।
ଝିଅ ଜନ୍ମ ପରେ ଯୋଉଘରେ ଥିଲା କଖୁସିର ଲହରୀ । ଆଜି ସେ ଘରେ ଛାଇଯାଇଛି ନୀରବତା । ଖାସ୍ କରି ଯିଏ ଜନ୍ମ କରିଛି ତାକୁ କେତେ ବାଧୁଥିବ । ହୃଦୟ ନିଶ୍ଚୟ ଫାଟିଯାଉଥିବ । ଝିଅ ଏବେ ପରପାରୀରେ । ତଥାପି ବିଶ୍ୱାସ କରୁନି ମାଆ । କହୁଛି ମୋ ଝିଅ ମରିନି, ଝିଅ ନିଶ୍ଚୟ ଫେରିବ ବୋଲି କହି ଛାତି ପିଟି କାନ୍ଦୁଛି । ମା' ଜାଣିସାରିଛି କି ଝିଅ ମରିଯାଇଛି ସେ ଆଉ ଫେରିବନି, କିନ୍ତୁ ମନ ମାନୁନି... ମା' ମନ କହୁଛି ମୋ ଝିଅ ନିଶ୍ଚୟ ଫେରିବ । ଲୁହ ଭିଜା ଆଖି ଜାଣିସାରିଛି ଝିଅ ଆଉ ଫେରିବନି, କିନ୍ତୁ ଓଠ କହୁଛି ମୋ ଧନକୁ ଫେରାଇ ଆଣ... ମା'ର ଏ ଅବସ୍ଥା କଥା କେହି ବୁଝିପାରିବେ ନାହିଁ । ୧୦ମାସ ୧୦ଦିନ ଗର୍ଭରେ ରଖି ଜନ୍ମ କରିଥିବା ପିଲାକୁ ହରାଇବା କେତେଯେ କଷ୍ଟ ତାହା କେବଳ ଜଣେ ମା' ହିଁ ଜାଣିଛି...
