କୋରାପୁଟ: ପହଲଗାମ୍ ଆକ୍ରମଣ ଘଟଣା ପରେ ଉପୁଜିଛି ସମ୍ଭାବ୍ୟ ଯୁଦ୍ଧ ଆଶଙ୍କା। ଏହାକୁ ଦୃଷ୍ଟିରେ ରଖି କେନ୍ଦ୍ର ସରକାର ବିଭିନ୍ନ ରାଜ୍ୟର ବିଭିନ୍ନ ସ୍ଥାନରେ ମକ୍ଡ୍ରିଲ୍ କରିବାକୁ ନିର୍ଦ୍ଦେଶ ଦେଇଛନ୍ତି।ଯେଉଁଥିରେ ଓଡ଼ିଶାର ୧୨ ସ୍ଥାନ ରହିଛି। ଏହି କ୍ରମରେ ବୁଧବାର କୋରାପୁଟରେ ହେବାକୁ ଯାଉଛି ମକ୍ଡ୍ରିଲ୍।
ଅପରାହ୍ନ ୪ଟା ସମୟରେ ବାଜିବ । ଏହି ସାଇରନ ବାଜିବା ସମୟରେ ସହରରେ ଯିଏ ଯେଉଁ ସ୍ଥାନରେ ଥିଲେ ମଧ୍ୟ ତୁରନ୍ତ ସୁରକ୍ଷିତ ସ୍ଥାନକୁ ଯିବାକୁ ପ୍ରଶାସନ ପକ୍ଷରୁ ଜନସାଧାରଣଙ୍କୁ ଅନୁରୋଧ କରାଯାଇଛି। ଆହୁରି ମଧ୍ୟ, ମକଡ୍ରିଲ ସମୟରେ ସାଇରନ ବାଜିଲେ ନିକଟସ୍ଥ ଛାତ ଘର କିମ୍ବା ନିକଟସ୍ଥ ସୁରକ୍ଷିତ ସ୍ଥାନକୁ ଯିବାକୁ କୁହାଯାଇଛି। ଏହା ସହ ପ୍ରଶାସନ ପକ୍ଷରୁ ଭଲିଣ୍ଟିୟରମାନେ ଏହି ସମୟରେ ଲୋକଙ୍କୁ ସହଯୋଗ କରିବେ।
ତେବେ ଯୁଦ୍ଧ ଆଶଙ୍କା ନେଇ ଏହା କେବଳ ଗୋଟିଏ ପୂର୍ବ ଅଭ୍ୟାସ ଏଥିରେ କୌଣସି ପ୍ରକାର ଭୟଭୀତ ହେବାର ଆବଶ୍ୟକତା ନାହିଁ। ଜରୁରୀକାଳୀନ ସମୟରେ ନିଜେ କିଭଳି ସୁରକ୍ଷିତ ରହିବା ଅନ୍ୟକୁ ସୁରକ୍ଷିତ ରଖିବା ସେନେଇ ଅଭ୍ୟାସ ମାତ୍ର। କୋରାପୁଟ ସହରକୁ ୫ ଟି ଜୋନରେ ବିଭକ୍ତ କରାଯାଇଛି। ପ୍ରତ୍ୟେକ ଜୋନ୍ରେ ଜଣେ ମାଜିଷ୍ଟ୍ରେଟ ଦାୟିତ୍ବରେ ରହିବା ସହ ଜଣେ ବରିଷ୍ଠ ଅଧିକାରୀ ଦାୟିତ୍ବରେ ରହିବେ। ଆସନ୍ତା କାଲି ଠାରୁ ଜିଲ୍ଲାରେ ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ମଧ୍ୟ ଆରମ୍ଭ ହେଉଥିବା ଜିଲ୍ଲାପାଳ କହିଛନ୍ତି।
