ଭୁବନେଶ୍ୱର ୦୨।୦୬ : ରାଜଧାନୀରେ ନାବାଳିକା ନିଖୋଜ । ମାଛ କିଣିବାକୁ ଘରୁ ଯାଇଥିଲେ । ହେଲେ ଘରକୁ ଫେରିଲେନି । ଚାଲି ଚାଲି କେଉଁ ଆଡେ ଗାଏବ ହୋଇଗଲେ । ଭୁବନେଶ୍ୱର ମଞ୍ଚେଶ୍ୱର ଚକେଇସିହାଣୀ ଅଞ୍ଚଳରୁ ରବିବାର ସକାଳେ ଜଣେ ନାବାଳିକା ନିଖୋଜ ହୋଇଥିବା ଖବର ସାମ୍ନାକୁ ଆସିଛି । ଥାନାରେ ଅଭିଯୋଗ ପରେ ପୋଲିସ ଛାନ୍ଭିନ୍ ଆରମ୍ଭ କରିଛି ।
ଖବର ଅନୁଯାୟୀ, ଭୁବନେଶ୍ୱର ଚକେଇସିହାଣୀର ଏକ ବସ୍ତିରେ ନାବାଳିକା ଜଣଙ୍କ ରୁହନ୍ତି । ରବିବାର ସକାଳ ସମୟରେ ମାଛ କିଣିବାକୁ ଯାଇଥିଲେ । ହେଲେ ଦୀର୍ଘ ସମୟ ଧରି ଘରକୁ ଫେରିନଥିଲେ । ଘରକୁ ନଆସିବାରୁ ପରିବାର ଲୋକ ଖୋଜାଖୋଜି କରିଥିଲେ । ତଥାପି ପତ୍ତା ମିଳିନଥିଲା । ଶେଷରେ ନିରାଶ ହୋଇ ପରିବାର ଲୋକ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ପୋଲିସ ଘଟଣାସ୍ଥଳରେ ଲାଗିଥିବା ସିସିଟିଭି ସବୁ ଯାଞ୍ଚ କରିଥିଲା । ପ୍ରାୟ ୨ କିଲୋମିଟର ଯାଏଁ ସିସିଟିଭି ଯାଞ୍ଚ କରିବା ପରେ ଜଣା ପଡିଥିଲା ଝିଅଟି ଚାଲି ଚାଲି ଏକା ଯାଇଛି । ହେଲେ ଆଗକୁ ଯିବା ପରେ ସିସିଟିଭି ନଥିବାରୁ ପୁଲିସ ଖୋଜା ଖୋଜି କରୁଛି । ଏହା ସହ ଅନ୍ୟ ଅଞ୍ଚଳକୁ ଯାଇ ମଧ୍ୟ ପୁଲିସ ପଚରାଉଚରା କରୁଛି । ଏହା ସହ ପରିବାର ଲୋକଙ୍କୁ ମଧ୍ୟ ପଚରାଉଚରା କରୁଛି ପୁଲିସ ।
