ଆମେରିକାର ଅଜବ ଘଟଣା, ଚିପ୍ସ ପ୍ୟାକେଟକୁ ବନ୍ଧୁକ ଭାବିଲା AI, ଛାତ୍ରଙ୍କୁ ହାତକଡ଼ି ପକାଇଲା ପୋଲିସ

ନୂଆଦିଲ୍ଲୀ: ଏଆଇ ବା କୃତ୍ତିମ ବୃଦ୍ଧିମତାର ଉପସ୍ଥିତି ଏବେ ଏବେ ସବୁ କ୍ଷେତ୍ରରେ ବୃଦ୍ଧି ପାଇବାରେ ଲାଗିଛି । ଏଆଇରେ ଅଧିକ ପରଦର୍ଶିତା ଆସିବ ବୋଲି ଲୋକଙ୍କ ମତ । ସୁରକ୍ଷାଠାରୁ ଆରମ୍ଭ କରି ଶିକ୍ଷା ସବୁ କ୍ଷେତ୍ରରେ ଏହାକୁ ବ୍ୟବହାର କରାଯାଉଛି । କିନ୍ତୁ ଏଆଇର ଗୋଟିଏ ଭୁଲ ଆମେରିକାର ଜଣେ କିଶୋରଙ୍କୁ ମହଙ୍ଗା ପଡ଼ିଛି । ଏପରି କି ତାଙ୍କୁ ପୋଲିସ ହାତକଡ଼ି ମଧ୍ୟ ପିନ୍ଧାଇ ଦେଇଥିଲା । ଖବର ଅନୁସାରେ କିଶୋର ଜଣକ ବନ୍ଧୁକ ନେଇ ଯାଉଥିବା ଏଆଇ ସିଷ୍ଟମ ଧରିଥିଲା । କିନ୍ତୁ ବାସ୍ତରରେ ତାଙ୍କ ପାଇଁ ଚିପ୍ସର ଗୋଟିଏ ପ୍ୟାକେଟ୍ ଥିଲା । ୧୬ ବର୍ଷୀୟ ବାଲ୍ଟିମୋର ଛାତ୍ର ଟାକି ଆଲେନ୍ କହିଛନ୍ତି, ଆଠଟି ପୋଲିସ କାରରେ ପୋଲିସ ଆସିଥିଲେ ଏବଂ ସମସ୍ତେ ମୋ ଆଡକୁ ବନ୍ଧୁକ ଲଗାଇ ଆଣ୍ଠୁ ମାଡ଼ି ରହିବା ପାଇଁ କରିଥିଲେ ।

ସେପଟେ ବାଲ୍ଟିମାର କାଉଣ୍ଟି ପୋଲିସ ବିଭାଗ କହିଛି ଯେ ତାଙ୍କ ଅଧିକାରୀମାନେ ସେହି ସମୟରେ ଉପଲବ୍ଧ କରାଯାଇଥିବା ସୂଚନା ଆଧାରରେ କାର୍ଯ୍ୟାନୁଷ୍ଠାନ ନେଇଥିଲେ । ଏଥିରେ କୁହାଯାଇଛି ଯେ ଏଆଇ ସତର୍କତା ମାନବ ସମୀକ୍ଷକଙ୍କ ପାଖକୁ ପଠାଯାଇଥିଲା ଯେଉଁମାନେ କୌଣସି ବିପଦ ପାଇନଥିଲେ - କିନ୍ତୁ ପ୍ରିନ୍ସିପାଲଙ୍କୁ ଏହା ଜଣାନଥିଲା ଏବଂ ସେ ସ୍କୁଲର ସୁରକ୍ଷା ଦଳ ସହ ଯୋଗାଯୋଗ କରିଥିଲେ । ଶେଷରେ ପୋଲିସକୁ ଡକାଯାଇଥିଲା ।

ତେବେ ଏହି ଘଟଣା ପରେ ଲୋକଙ୍କ ଆକ୍ରୋଶ ଦେଖିବାକୁ ମିଳିଛି । ସ୍କୁଲରେ ବ୍ୟବହାର କରାଯାଉଥିବା ଏପରି ପ୍ରଯୁକ୍ତିର ସମୀକ୍ଷା ପାଇଁ ଦାବି କରାଯାଇଛି । ଏଲନ ସ୍ଥାନୀୟ ସମାଚାରକୁ କହିଛନ୍ତି ଯେ ଫୁଟବଲ୍ ଅଭ୍ୟାସ ପରେ ସେ ଡୋରିଟୋସର ଏକ ପକେଟ୍ ଖାଇଥିଲେ ଏବଂ ଖାଲି ପ୍ୟାକେଟକୁ ନିଜ ପକେଟରେ ରଖିଥିଲେ । ଏହାର ୨୦ ମିନିଟ୍ ପରେ ସଶସ୍ତ୍ର ପୋଲିସ ବଳ ସେଠାରେ ପହଞ୍ଚିଥିଲା ।

ସେ କହିଛନ୍ତି, "ସେମାନେ ମୋତେ ଆଣ୍ଠୁ ମାଡ଼ି ବସିବାକୁ କହିଥିଲେ, ମୋତେ ଗିରଫ କରି ନେଲେ ଓ ହାତକଡ଼ି ପିନ୍ଧାଇ ଦେଲେ ।" କାଉଣ୍ଟି ପୋଲିସ ହାତକଡ଼ି କଥାକୁ ସ୍ୱୀକାର କରିଥିବା ବେଳେ ଗିରଫଦାରୀ ଖବରକୁ ଖଣ୍ଡନ କରିଛନ୍ତି । ଅଧିକାରୀ କହିଛନ୍ତି, କୌଣସି ବିପଦ ନଥିବା ସୁନିଶ୍ଚିତ ହେବା ପରେ ଘଟଣାର ସମାଧାନ କରାଯାଇଛି । ଏଲନଙ୍କ ଅଭିଭାବକକୁ ସ୍କୁଲ ପ୍ରିନ୍ସିପାଲ ଚିଠି ଲେଖି ଏହି ଘଟଣା ପାଇଁ ଦୁଃଖ ପ୍ରକାଶ କରିଛନ୍ତି ।